【娛樂頭條】視參加比賽為人生鍛煉 何晉樂：好想快啲有自己嘅歌

何晉樂坦言從比賽至今，感覺像發了一場夢！

TVB人氣節目《聲夢傳奇》第二季的的招募行動進行得如火如荼，近日找來《聲夢》學員接受「See See TVB」FB專頁訪問，分享參賽的感受，當日比賽晉身4強進入總決賽的何晉樂（Rock）是其中一位，在訪問中他坦言感覺像發了一場夢：「冇諗過個節目會咁成功，估唔到比賽係會令人忍唔住想喊，本身比賽就係你同我鬥，你死我活架嘛！」

何晉樂很期待拍劇。

覺得自己得到比失去還要多！

Rock還說：「諗番嗰陣入咗去第一round，可能開始有少少成績，俾咗信心我繼續行落去，加上認識咗佢哋14位，更加令到我係唔想走，好想一齊行落去。邊個foul咗大家也唔願意，會鬧導演點解要foul呀？明明唱得好好，捱鬧最多係導師，邊個被foul都一定係佢哋嘅錯，冇一個人係應該被foul。」重看3個月前的影片，Rock說：「而家比以前有自信，唔會再諗埋一邊，做每一件事都盡力去做，諗最好嘅結果，即使感覺條路係難行，就努力一點，見到身邊有咁多可以幫到自己的人，點解唔開口問一聲呢？呢條路係一定難行，但遇到14個咁好嘅朋友，呢條路唔孤單。」

有否曾經想過退縮及卻步？Rock說：「一定有，成件事唔係咁簡單，鍛煉，呢個係一個鍛煉，成件事對我嚟講，失去嘅嘢係好少，有好多嘢係要取捨，可能你入咗嚟呢度，錯失咗出面好多機會，但係你唔入嚟呢度，錯失嘅機會係會更加多。」他續說：「如果你係想入呢一行，想唱歌同做創作，其實你可以入嚟試吓，呢度係一個好好嘅起點，勇敢啲行多步。」至於將來的計劃，Rock說：「我好想好想快啲有自己嘅歌，好想寫歌俾身邊嘅人，好想同好多人合作，其中一個係蓮姐，好多嘢想挑戰，仲有拍劇，初初係好抗拒，覺得又要學多啲新嘅嘢，唔知要啲古裝劇又或者超時空，但係而家見到啲劇集，又覺得好有趣，揣摩吓角色又好興奮。」

#何晉乐[超话]#

#黄智雯[超话]# 【獨家】黃智雯認婚期望見家鄉　講明絕不大排筵席

無綫花旦黃智雯2007年參選港姐後順利入行，2012年在台慶頒獎禮奪得「飛躍進步女藝員」獎，2018年再憑《三個女人一個「因」》同時當選新加坡及馬來西亞「我最喜愛TVB女主角」，演技獲肯定。入行多年來，她公認人緣好，相反緋聞甚少，9年前與從事珠寶業的男友Anthony拍拖至今，期間屢傳婚訊，她亦已進駐男方位於東半山的2,000萬豪宅。

胡定欣幫口兜
雖然狀甚「老夫老妻」，但當事人始終未承認結婚一事，直至大前日終「爆煲」！當日「胡說八道會」好姊妹胡定欣在社交網開Live，拉埋黃智雯、陳山聰及袁偉豪（Ben）齊齊Chit Chat，期間黃智雯家的WiFi接收不好，一度斷線，Ben取笑她借用別人的WiFi被Cut，更爆響口說：「一係佢老公出嚟叫佢收線！」講完「老公」2個字，他自知「出事」即時兜番：「佢未結婚㗎嘛……哈哈！」胡定欣亦幫口：「你唔好亂咁講！」無端端被爆有老公，智雯未有介懷，昨日（17日）受訪時哈哈大笑：「如果真係，大家點會唔知，Ben都係口快快，無心之失，氹吓大家開心啫！」

讚「老公」有誠信
不過，其實智雯日前接受東網專訪時，已坦言婚期「望見家鄉」，問會否即興結婚？她說：「唔出奇，我哋都係享受兩個人婚禮嗰種，如果大排筵席又怕掛一漏萬，請少咗賓客，咁就會變成同工作扯上關係。（求咗婚？）呢啲留番喺戲劇世界啦！我從來唔會要求對方為自己做啲乜，都幾易滿足㗎！」她又大讚未婚夫：「佢好有誠信，唔係空口講白話嘅人。」又斷言演戲生涯不會受婚姻影響，老了都會繼續演。

智雯自覺一開工就會進入忘我境界，有時與男友傾偈，會突然「放空」離魂：「遇到呢啲情況，男友會提醒我『返嚟喇』。」與其他花旦相比，她欠缺的或許是「人氣」，甚少有新聞熱炒，她亦承認這一點，但覺得工作與生活平衡最重要：「我未必好高調咁講私事，可能媒體會覺得我好神秘，其實你問我就會講，但我創作力唔強，唔會諗啲別出心裁嘅答案畀大家，總之我唔可以放棄自己嘅正常生活。」

【#創富未來】「唔好將雞蛋放喺同一個籃」嘅下一句係......？

「唔好將雞蛋放喺同一個籃」呢句成日聽，如果個「籃」發生震動，同一個籃裏面嘅蛋就好容易撞爛哂，帶出要「分散投資」嚟「降低風險」嘅投資概念。

但你又知唔知仲有下一句？就係「但都唔好放喺太多嘅籃」！原來有時我哋以為揀咗好多平台或者投資組合，但如果呢啲「籃」相關性差唔多，當大市震盪嘅時候未必避到險。重點係要有多元化嘅資產配置，呢啲要做足功課，了解每種產品嘅特性。如果冇時間或者對投資唔太認識，可以搵有環球視野嘅專業團隊幫手，運用佢哋積極嘅資產配置策略，幫你進行多元化投資，咁就可以分散風險，爭取更高潛在回報啦！ https://t.cn/z8Ikhkm