藝人#王君馨#（Grace）2月12日以白色低V裙微露事業線，到荔枝角出席長江實業宇晴滙的「奔Fun小雞沾福氣」活動。談到婚前最後一個情人節，她說：「會喺馬來西亞過，我喺當地開第三間首飾店。（未婚夫都去？）唔知，可能有驚喜！我哋拍拖11年，未試過情人節一齊食飯，我唔需要收花，情人節一齊食餐飯已經係好好嘅禮物！」Grace被追問婚期時說：「仲未定，我想夏天同秋天之間，其實我唔知趕唔趕得切今年內進行，#鍾嘉欣#之前提我最少預半年籌備，我仲以為好快搞得掂，點知試婚紗三心兩意，依家打算pre-wedding性感少少，同埋會去一個未去過又比較熱嘅地方影婚紗相。（#苟芸慧#體態回勇，為佢訂性感姊妹裙？）佢就算唔露都好靚，唔好喺我結婚嗰陣咁性感啦！（佢同緋聞男友陸漢洋都鍾意賽車？）我未見過佢男友，希望佢男友好好睇住苟姑娘，唔係發生咩事呢，就唯佢是問！」

噚晩打完一支消炎止痛藥 氹佢食咗一條蕉 心裏唔知點解就有幾咁開心 曾經聽講話過幾次手術後食乜都無味 依家仲嚴重係吞嘢都辛苦 朝早姑娘餵食嚿嘢喺口度含到中午 乜味都冇啦 冇話病人 常人見到啲營養午餐晚餐都冇胃口 但唔食又唔得 到時插喉仲陰功可憐 醫院啲手腳可能好過啲安老院舍 但都唔好指意佢哋會斯文嘅啦 之前都有嚟電解釋要輸血 當輸第二袋時病人扯甩針頭搞到成床都係 再嚟電話要扣著雙手 唔係綁著都叫做講良心啦 啲血係關愛有心人嘅無私奉獻 一滴都叫做珍貴 我哋理解 同埋最緊要輸入後冇抗體式反應經已係僥倖 人唔可以要求太高 見步行步 逐步腳踏實地先至係正路 千祈唔好大起大落就經已謝天謝地啦..

我唸我其實並唔系好想知道凌晨四點二十一分嘅月光有几光，只不過部電腦話我知，我可能要試多幾次。唔知聽日強記會唔會比多舊燒鵝我，不過佢果度好似都無點賣燒鵝。有時我都唔系好明，人呢，生活系為左乜嘢，可能有D人永遠唔會知道，佢點嘅燒鵝飯究竟有無燒鵝，亦或系佢哋根本唔在乎有無燒鵝，食落肚，都系一樣