འཇིག་རྟེན་འདི་རུ་སྒང་གཤོང་མང་གཅིག་འདུག
སྐྱིད་སྡུག་རིང་ཐུང་ཕྲ་སྦོམ་གྲངས་མེད་རེད།
འདྲ་འདྲ་གཅིག་ཀྱང་མེད་པ་མཐོང་གསལ་རེད།
འདི་ལ་ཆོག་ཤེས་རང་གིས་བྱས་པ་དགའ།
※

※

※
འདི་དང་ཕྱི་མའི་ཁེ་གྱོང་མི་ཤེས་པར།
འཇིག་རྟེན་འཁོར་བའི་མི་ཚེ་འཁྱོལ་འགྲོ་ཟེར།
ལོ་གཅིག་ལོ་གཉིས་མི་དགོས་བརྒྱ་ཡི་བར།
ཐ་མ་ས་རྡོའི་ཕུང་པོ་ས་ལ་ཐིམ།

ཉི་ཟླ་ཁ་སྦྱོར་ལས།གང་ཞིག་ལུས་ཅན་སྐྱེས་བུ་རྣམས།།ཚེ་ནི་མི་རྟག་རྨི་ལམ་འདྲ།།རྨི་ལམ་གྱིས་ནི་གྲུབ་པ་མེད།།ཚེ་ནི་མི་རྟག་ཆུ་དྲག་འདྲ།།འབབ་ཆུས་གཅིག་ཏུ་བསྡད་པ་མེད།།ཚེ་ནི་མི་རྟག་འཛིན་རླུང་འདྲ།།རླུང་གིས་སྐྱེས་བུ་གཟུང་བ་མེད།།ཅེས་གསུངས།
《日月吻合续》：
一切世间众有情，生命无常如梦境，梦境本来无所成；生命无常如流水，流水不可停一处；生命无常如飓风，风本不可持有情。#佛法看世间#

བླ་རུང་།

མཚོ་སྔོན་མོའི་རྦ་རླབས་ཆུ་ལ་ཕོག །
ཆུ་གཙང་བོའི་མཆོད་ཀ་རི་ལ་འཕངས། །
རི་རྩེ་ལྔའི་དབུ་རྩེ་མཁའ་ལ་བསྙེགས། །
ངས་རྨི་ལམ་དང་པོ་འདི་ནས་རྨིས། །
བླ་རུང་ཡ།   ཨ།

ཤར་ཉི་མའི་འོད་ཟེར་སྤྲིན་ལ་ཞོག །
སྤྲིན་དམར་པོའི་འོད་མདངས་ས་ལ་འཁྱིལ། །
ས་ཟླ་གམ་དམར་སེར་ན་བཟས་བཀླུབས། །
ངས་རྨི་ལམ་བར་མ་འདི་ནས་རྨིས། །
བླ་རུང་ཡ།   ཨ།

ཆར་སིལ་མའི་བདུད་རྩི་འབྲུག་ལ་ཕོག །
འབྲུག་དབྱར་སྐྱེས་རྔ་གསང་གླིང་ལ་ལྡིར། །
གླིང་ལྔ་ཕྲག་ཆོས་སྒྲས་བོད་ལ་ཁྱབ། །
ངས་རྨི་ལམ་ཐ་མ་འདི་ནས་རྨིས། །
བླ་རུང་ཡ།   ཨ།

རྨེ་སྤྲུལ་ནས།