ཟླ་འོད་རླུང་ལ་བཀལ་བའི་མཚན་མོའི་དབྱངས་རྟ།།
སེམས་ཀྱི་སྒེའུ་ཁུང་འཁྲིས་ནས་ངག་ལ་སྐྱོར་དུས།།
སྣང་བའི་ཡུལ་ལྗོངས་འགྱུར་འདྲའི་མི་ཚེའི་ཁ་དོག།
སྟོན་ཀའི་ལོ་མ་སེར་པོའི་མདངས་ལ་མངོན་བྱུང་།།
སེམས་ཀྱི་སྒེའུ་ཁུང་འཁྲིས་ནས་ངག་ལ་སྐྱོར་དུས།།
སྣང་བའི་ཡུལ་ལྗོངས་འགྱུར་འདྲའི་མི་ཚེའི་ཁ་དོག།
སྟོན་ཀའི་ལོ་མ་སེར་པོའི་མདངས་ལ་མངོན་བྱུང་།།
རྒྱུན་ལྡན་གྱི་འཚོ་བའི་ཁྲོད་ནས་གཞན་གྱིས་བསམ་བཞིན་མ་ཡིན་པའི་ངང་ནས་ཚུར་གནོད་པ་ཅུང་ཙམ་བྱས་བཞག་པ་ཡིན་ནའང་། དེ་མ་ཐག་ཕྱིར་གནོད་ལེན་སྤྲོད་ཐབས་ལ་འབད་ཡོང་བ་དང་། གནོད་ལེན་འཇལ་མ་ཐུབ་ཚེ་ཉམ་ཆུང་སྡར་མ་ཞིག་ཡིན་པའི་སྣང་ཚུལ་ཞིག་ང་ཚོ་ཕལ་ཆེ་བར་ནམ་ཞར་འབྱུང་བཞིན་ཡོད། ཕར་བལྟས་ཚོད་ཀྱིས་གཉོན་ཕྲན་ཙམ་འཁུར་མི་འདོད་པའི་ལྟ་སྟངས་དེ་འདྲ་བྱུང་བ་དེ། འཕྲལ་རྐྱེན་ལ་རག་ལས་པ་ལྟ་བུར་འདུག་མོད། དོན་གྱིས་ལྟ་སྟངས་དེ་ནི། སྔོན་གདོད་མའི་འཚོ་བའི་དུས་ཀྱི་བསམ་བློའི་བག་ཆགས་ཀྱི་བསྐྱེད་འབྲས་ཤིག་ཡིན་པར་བཤད། གདོད་མའི་དུས་སུ་གཞན་ཞིག་གིས་རང་ལ་གནོད་པ་ཕྲན་ཙམ་བྱས་པ་ཡིན་ན། ཕྱིར་དེ་མ་ཐག་ངོ་རྒོལ་བྱ་མ་ཐུབ་ཚེ། སོ་སོའི་ཁ་ཟས་དང་འཚོ་བའི་ལོངས་སྤྱོད་ཡོད་ཚད་གཞན་གྱིས་རྐུ་འཕྲོག་བྱ་ཉེན་ཆེ་ལ། མཐར་རང་གི་འཚོ་གནས་ལ་ཡང་ཉེན་ཁ་སླེབས་ངེས་པས། ཐད་ཀར་གནོད་ལ་གནོད་ལེན་སྤྲོད་དགོས་དེ་ནི། འཚོ་གནས་ཀྱི་དགོས་མཁོ་དང་རང་ཉིད་སྲུང་སྐྱོབ་ཀྱི་ཐབས་ཤེས་གལ་ཆེན་ཞིག་ཏུ་ཆགས་ཡོད། དེ་འདྲའི་གདོད་མའི་འཚོ་བའི་དགོས་མཁོ་ལས་བྱུང་བའི་ལྟ་ལྟངས་དེའི་དབང་གིས་ད་ལྟ་ཡིན་ནའང་། ཚིག་ལ་ཚིག་ལན་དང་གནོད་ལ་གནོད་ལེན་སྤྲོད་མ་ཐུབ་ཚེ་སྡར་མ་ཡིན་པ་དང་གཞན་གྱིས་མཐོང་མི་སྤྲོད་པའི་སྣང་བ་དེ་འདྲ་ཞིག་མ་བཅོས་ལྷན་སྐྱེས་ཀྱི་ཚུལ་དུ་འབྱུང་བཞིན་པར་བཤད། ཡིན་ཡང་ད་ལྟའི་དུས་རབས་དང་གདོད་མའི་རབས་གཉིས་ཀྱི་རྩ་བའི་འཚོ་གནས་ཀྱི་དགོས་མཁོ་ནི་གཏན་ནས་མི་འདྲ་བ་ཡིན་པ་ཤེས་པར་བྱས་ཏེ། ད་ལྟར་ནི། གནོད་ལ་གནོད་ལན་དང་ཚིག་ལ་ཚིག་ལན་བསྐྱོན་པ་ལས་ཀྱང་། ཀུ་ཡངས་དང་། བསམ་ཤེས། བཟོད་བསྲན་བྱེད་པ། གནས་ལུགས་ལ་སྟོན་པ་དག་ནི། ད་དཟོད་འཚོ་གནས་འགྲན་རྩོད་ཀྱི་རྩ་གནད་དམ་པ་དེ་ཡིན་པར་ངེས་པར་བྱས་ནས། གལ་སྲིད་གནོད་ལན་སྤྲོད་འདོད་བྱུང་བའི་དུས་སུ་ཡང་། ལྟ་སྟངས་དེ་ནི་གདོད་མའི་དུས་ཀྱི་འཚོ་བ་དང་དུད་འགྲོའི་གཤིས་སྤྱོད་ཀྱི་བག་ཆགས་ཀྱིས་བསྐྱེད་པའི་ལྷན་སྐྱེས་ཀྱི་འཁྲུལ་སྣང་ཐ་ཆད་ཅིག་པའི་ངོས་ཟིན་ཡོད་རྒྱུ་དེ་ནི། རང་ཉིད་དཔྱོད་ལྡན་གྱི་མི་བུ་མཚན་ཉིད་ཚང་བ་ཞིག་ཏུ་འགྱུར་བའི་འདུ་ཤེས་བླ་ན་མེད་པ་ཞིག་ཏུ་བསྟན་འདུག
ཇི་སྐད་དུ། གང་དག་སྟོང་ཉིད་མི་ཤེས་པ། །དེ་དག་ཐར་པའི་རྟེན་མ་ཡིན། །འགྲོ་དྲུག་སྲིད་པའི་བཙོན་རར་ནི། །རྨོངས་པ་དེ་དག་འཁོར་བར་འགྱུར། །ཞེས་གསུངས། https://t.cn/Rp7W8xr
✋热门推荐