葉蒨文與古佩玲除了一起拍攝處境劇《愛．回家之開心速遞》外，私下也十分老友，更不時相約到主題公園玩，認真童心未泯。近日兩人再結伴同遊，葉蒨文笑說：「我哋都好鍾意去架，仲可以好瘋狂咁去，半年已經去咗兩次，之前見第五波疫情好返少少已經衝咗去，遲啲會再約埋去多次睇煙花。」

兩位靚女去到樂園影相，同時亦因為《愛回家》受歡迎被市民「集郵」，葉蒨文笑說：「都好多市民搵我哋影相，話好鍾意睇《愛回家》，仲同一對大學生一齊玩過山車，見咁多人睇得咁開心，作為演員都開心。」

藝人高海寧（高Ling）擔正嘅無綫新劇《童時愛上你》即將播出，更被指用作對撼ViuTV劇集《i.SWIM》，明顯備受重用，雖然高Ling現時身在越南旅行，未能回港宣傳，但佢喺社交網大晒旅行靚相，同時不忘為劇集造勢，指自己真人似足劇中嘅8歲心智細路女角色「彤彤」：「我嘅性格真係有一部分好似彤彤，其實我都係個細路女嚟㗎，有片有真相，一飲到嘢成個人安樂晒。」見佢一有得玩即係High到爆，着上背心短褲嘅佢瘋狂喺河邊拍照打卡，真係成個細路女咁！

不過，身材一啲都唔「小兒科」嘅高Ling，要做番大人真係話都冇咁易，佢之後晒出另一輯着上黑色吊帶背心嘅靚相，小露事業線，一秒變換成熟性感風，佢又笑言自己好似劇中一樣，輕鬆切換大人同細路兩個身份：「Amanda和彤彤mode，就是如此切換自如，更喜歡哪一個？」

爸爸玩瘋狂咀面仔　梁靖琪囝囝交戲笑到停唔到

梁靖琪（Toby）舊年6月同圈外男友施雋賢（Jonathan）結婚，12月誕下囝囝施睿文（Roman），轉眼Roman已經9個幾月大，而且愈嚟愈得意。呢日就連爸爸Jonathan都忍唔住同佢玩瘋狂咀面仔，Roman亦相當交戲笑到停唔到，搞到在場嘅大人個個都笑得勁開心，呢個咁得意嘅時刻，Toby當然有拍低片紀錄，睇完呢片段相信大家應該有同感，真係好想咬Roman一啖囉！