ལྟ་སྒོམ་སྤྱོད་པའི་གོལ་ས་འཆུགས་གྱུར་ན།།
དོན་དམ་རང་ངོ་སྤྲོད་ཅིག་པདྨ་འབྱུང་།།
འདི་དང་ཕྱི་མ་བར་དོ་ཐམས་ཅད་དུ།།
འབྲལ་མེད་ཐུགས་རྗེས་ཟུངས་ཤིག་པདྨ་འབྱུང་།།

__/ ཆེ་ཡོས་རིག་འཛིན་དཔའ་བོ་ལས་རབ་རྩལ་གྱིས།།

#བྱ་སྤྱོད་འདི་དག་ཁྲིམས་འགལ་དང་ཐ་ན་ཉེས་གསོག་ཡིན་པས་ཡིད་གཟབ་གྱིས།#གཉིས། ནད་གཞི་གཏན་ཁེལ་བྱས་ཟིན་པའི་ཏོག་གསར་གློ་ཚད་འགོས་པའི་ནད་པ་དང་།ནད་དུག་ཡོད་མཁན་གྱིས་ལོག་དབྱེའི་སྨན་བཅོས་མི་བྱེད་པའམ་ཡང་ན་ལོག་དབྱེ་བྱེད་ཡུན་མ་ཐིམ་པར་རང་དགར་ལོག་དབྱེའི་སྨན་བཅོས་བྱེད་ས་ནས་བྲལ་ཏེ་མི་མང་འདུ་འཛོམས་བྱ་ཡུལ་དུ་བསྐྱོད་པའམ་ཡང་ན་སྤྱི་པའི་འགྲིམ་འགྲུལ་ཡོ་བྱད་ནང་བསྡད་ནས་ཏོག་གསར་གློ་ཚད་རྐང་བཙུགས་ནས་འགོས་ཁྱབ་བཏང་ཏེ་སྤྱི་པའི་བདེ་འཇགས་ལ་གནོད་འཚེ་གཏོང་བ་དང་། ཏོག་གསར་གློ་ཚད་འགོས་ནད་ཕོག་པའི་དོགས་ཆེའི་ནད་པས་ལོག་དབྱེའི་སྨན་བཅོས་མི་བྱེད་པའམ་ཡང་ན་ལོག་དབྱེ་བྱེད་ཡུན་མ་ཐིམ་པར་རང་དགར་ལོག་དབྱེའི་སྨན་བཅོས་བྱེད་ས་ནས་བྲལ་ཏེ་མི་མང་འདུ་འཛོམས་བྱ་ཡུལ་དུ་བསྐྱོད་པའམ་ཡང་ན་སྤྱི་པའི་འགྲིམ་འགྲུལ་ཡོ་བྱད་ནང་བསྡད་ནས་ཏོག་གསར་གློ་ཚད་འགོས་ནད་འགོས་ཁྱབ་བྱུང་ན།
《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཉེས་ཁྲིམས་》ཀྱི་དོན་ཚན་བརྒྱ་དང་བཅུ་བཞི་པ་དང་།བརྒྱ་དང་བཅོ་ལྔ་པའི་ནང་གསེས་དོན་ཚན་དང་པོའི་གཏན་འབེབས་དང་འགལ་བས་ཉེན་ཁའི་བྱེད་ཐབས་ལ་བརྟེན་ནས་སྤྱི་པའི་བདེ་འཇགས་ལ་གནོད་འཚེ་བཏང་བའི་བྱས་ཉེས་གྲུབ་ཡོད།

མགོན་གཡག་ལ་བསྔགས་པ།

མཛད་པ་པོ།   འགྲོ་མགོན་ཆོས་རྒྱལ་འཕགས་པ།

གང་ལུས་ཆར་སྤྲིན་ཕུང་བོ་ནི།།  

མཁའ་ལ་དྲག་ཏུ་གཡོ་ལྟར་སྣང་།། 

དེ་ཡི་སྣ་དང་ཁ་སྒོ་ནས།།  

རླངས་པ་སྤྲིན་ནག་མཆེད་ལྟར་འཕྱུར།། 

ལྕེ་ནི་གློག་ལྟར་འགྱུ་བ་སྟེ།།  

ངུར་སྒྲ་འབྲུག་གི་སྒྲ་ལྟར་སྒྲོགས།། 

ཨིནྡྲ་ནཱི་ལའི་བྲག་ལྟ་བུའི།།  

རྨིག་པ་བརྡབས་པའི་ས་གཞི་གཡོ།།

ཤིན་ཏུ་བསྐྱོད་པའི་རྭ་རྩེ་ཡིས།།  

རི་བོའི་ལྷུན་ཡང་བསྙིལ་བར་ནུས།། 

མིག་གཉིས་ཉི་མ་ཟླ་བ་ནི།།  

སྤྲིན་མཐོང་མཁའ་ལ་གཡོ་བ་བཞིན།། 

རྔ་མ་ལྗོན་པ་རྒྱས་པ་འདྲ།།  

དེ་བསྐྱོད་པ་ཡིས་ནམ་མཁའི་སྤྲིན།། 

རྣམ་པར་འཐོར་བ་བཞིན་དུ་སྣང་།།  

དེ་ཡི་སྒྲ་ཡིས་གླུ་སྒྲ་ཡང་།། 

ཀུན་ནས་རབ་ཏུ་ཟིལ་གྱིས་གནོན།།  

འདི་འདྲ་གངས་ཅན་གནས་པ་ཡི།། 

རྐང་བཞི་པ་ཡི་ངོ་མཚར་ཏོ།།  

འདི་ཡིས་བསྒྲུན་པར་ནུས་པ་ཡི།། 

རྐང་གཉིས་པ་ལའང་རབ་ཏུ་དཀོན།།  

དེ་འདྲ་བརྩེ་མེད་སྐྱེས་བུ་ཡིས།། 

མཚོན་ལས་རབ་ཏུ་རྒྱལ་གྱུར་ཅིག།