近排发生佐好多事，令人情绪好低落，感觉一波未平一波又起，问题天天多，但无一件系称心如意。我都唔知点样面对，只能选择逃避，我觉得好对唔住，我更加唔知点解去面对。果一刻我终于理解到当时嘅情形，估计都系同我依家心情一样，唔敢面对，唔知点样去面对，所以选择逃避[苦涩][苦涩][苦涩]重点系同一件事情的发生都系同一个月，果然8月9月不是好日子，从此令我唔再喜欢8同9，失去太多，得到无一样系真实，反而得唔到嘅系最真实存在，哎，几时先系真正的快乐
失眠的呢几日，身体就出现一堆问题，搞到耳仔频繁性耳鸣， 听力下降，感觉又复发[悲伤][悲伤][悲伤]于是今次连眼睛都有问题，琴日无端端右眼冲血，好多血丝，隐形眼镜都唔敢戴，直到依家眨眼都有D痛，血丝还未完全散去，都唔知系咪失眠的原因？依家一对住D电子产品，都有D流眼泪，能唔戴隐形眼镜就唔戴。近排都系戴翻眼镜上班啦。可能我从来无系同事面前戴过眼镜，个个都问我做咩戴眼镜[允悲][允悲]我话我近视噶，眼唔舒服戴唔到隐形，唔戴眼镜我睇唔到嘢[汗]

藝人蘇韻姿與Crisel Consunji今日（10日）現身時裝展，齊齊力撐設計師好友。蘇韻姿指好友平日很幫手：「例如紅地氈嘅衣飾，佢都會為我準備。（你喺時裝方面講唔講究？）咩都可以試吓嘅，趁自己仲有限量嘅青春。（中秋節冇屋企人陪唔開情？）都係嘅，尤其是依家疫情，節日冇通告，好彩我仲有隻狗仔，佢超級熱情地等我返屋企，係最佳嘅陪伴。」
談到她於無綫綜藝節目《好聲好戲2》內表現獲讚，她開心表示：「我都係第一次畀咁多人讚，感恩大家嘅支持，我都付出咗好多努力。（咁你贏定輸？）呢啲好快你哋就知，參與呢個節目學咗好多嘢、成長咗好多。（會唔會希望好似上屆冠軍陳自瑤咁，贏咗比賽有得做女一？）女一個個都想做，我參加嘅原意係想試多啲新嘢，話晒喺《愛·回家》淨係乖乖女形象，希望憑今次比賽了解多啲自己。」
至於早前亮相陳凱琳明珠台節目，提及曾被彈演技，蘇韻姿說：「係網民嘅批評，同事都好支持我。新人都會經過呢個階段，我都係邊學邊做，仲係適應期，大家都會見到我有唔同嘅挫折，接受唔同嘅意見。（你曾經有諗過唔做？）有，唔知點解大家唔知道我喺外國返嚟，講英文就畀人話扮嘢，呢方面好難受。」

至於「細龍太」陳思圻大爆當年在劇組被一位「大前輩」及導演爆粗喪鬧，蘇韻姿說：「我唔清楚，因為我同佢嘅戲份好多都唔同場。坦白講，喺片場可能都會有情緒，但我唔覺得有針對性嘅，可能有時講嘢急躁咗，都因為趕時間，不過大家都合作得好開心。」

另外，Crisel Consunji囡囡剛滿4個月，她表示每一天都感覺新鮮：「每日都有啲唔同，佢識得撩人玩，你唔理佢會大叫，同埋已經識得轉身，需要好多注意。（諗住追多個？）會。（想要個仔？）係，不過想等囡囡兩歲大先，咁可以方便再照顧另一位BB，我希望囡囡有個永遠嘅夥伴。」

【【周身債】#梅媽$登報與兒子脫離關係 #梅啟明# ：佢當我係仇人】去年電影《#梅艷芳#》上映，卻被梅艷芳胞兄梅啟明入稟高院，聲稱自己擁有「梅艷芳」商標，控電影公司侵權。梅媽覃美金接受訪問時表示要與兒子劃清界線：「佢做嘢，我乜都唔理，佢喺出面做乜嘢，我都唔知㗎。」
到了本月14日，梅媽更登報與兒子梅啟明脫離母子關係：「本人梅覃美金與兒子梅啟明脫離母子關係，此後梅啟明在外一切華洋轇轕均與本人無關。」梅媽接受傳媒訪問，指兒子「爭到周身債」，無路可走下斷絕關係：「我唔知佢點解爭人錢，亦都唔知佢爭幾多錢。」
梅啟明亦有接受傳媒訪問，他稱「老人家鍾意點就點！」又指自己僅欠債數萬元，欠債全因梅媽要求孫兒由馬來西亞返港過年。他坦言經濟有困難，而遭梅媽經濟封鎖及母子關係決裂，全因梅媽身邊人及親戚挑撥：「佢當我係仇人，我心死。」