天后#謝安琪# 1月8日以Deep V裙出席護膚品牌活動，講到在新歌《沐春風》MV與舞台劇女演員韋羅莎（Rosa）錫錫，老公#張繼聰#可接受到？她說：「佢冇嘢o架，畀好大自由度我嘅工作！我哋同Rosa都識咗好多年，唔會介意。」至於囝囝睇完後可會有性取向疑問？她坦言：「感情嘅嘢佢暫時好奇，但未講到咁深入，如果佢想知多啲男女或其他嘢，我都幾開明！我哋家庭模式都畀咗穩健基礎佢理解。」同場的「女飛魚」歐鎧淳表示現時加緊練水，為明年的東京奧運備戰，講到男友胡子彤與女星陳漢娜有親熱戲，她笑說：「佢叫我到時唔好睇！其實我冇乜所謂嘅，都係工作。」

陳豪收高人指示： 暫時唔好買嘢！

陳豪（Moses）與黃德斌昨日出席美容集團活動。Moses剛由土耳其返港，此行去了三日，與鄭裕玲（Do姐）、農夫一起拍攝節目。他指土耳其的咖啡很出名，有試過當地的咖啡，以及用咖啡渣做占卜，但高人的指示又廣又玄，叫他暫時不要買嘢，但不知所指為何，講完也不太明白。問到可有被Do姐窒？他表示沒有，更稱Do姐很Nice，與農夫互窒十分搞笑。
此外，Moses表示小朋友讀國際學校，昨日如常返學，行山路出入，沒有受示威活動影響。
另外，黃德斌患上感冒導致失聲，他透露已病了十日，吃了藥還未好。他表示近日跟甄子丹及謝霆鋒等拍攝警匪片，受到落雨後又暴曬影響，加上休息不足才難以痊瘉。他透露這幾天還要拍攝動作戲，在片中一個打十多人，其中一場戲還要被道具樽扑頭，導演拍了五次才收貨，結果頭部被扑腫了。笑問導演是否周潤發的朋友？他笑稱一定是，雖然是道具樽，但道具樽有水，要樽角位扑落頭才會爆，他覺得最緊要拍出來好睇。

文：余潤娟
圖：鄧國良

無綫藝人李佳芯（Ali）出席化妝品牌活動，之前有傳Ali與男友陳炳銓將結婚，她否認說：「自從播咗《BB來了》後，啲人就傳我就結婚，仲講到我好似有咗BB咁。（有冇計劃？）我今年忙拍劇，下年都係。（最少等多兩年？）唔可以咁講。（恨唔恨嫁？）我恨多啲錢、多啲嘢做囉，暫時冇諗咁多，我以前都希望28歲結婚，到依家都過咗好多年，唔會再Set目標。」

新劇演平民

對於近期熱播嘅《延禧攻略》，Ali表示有追看：「身邊好多人有睇，我依家睇咗十幾集，以演員身份睇又唔同，會留意佢哋服裝、道具、燈光等等。（對劇中邊個角色最有印象？）女主角纓絡，佢好有觀眾緣，對眼好靚、好識做戲。」其後又表示自己以前亦拍過不少古裝劇，但戲份都不多，而現正忙於拍新劇《殺手》：「但我喺劇入面唔係做殺手，只係做平民，所以唔使打，但就成日被人打。」

唔恨加人工

談及TVB公布業績，問到會否想有人工加？她說：「我人工OK，唔使搵好多，加得多負擔大，唔想有太大壓力，Keep住就好，最重要大家都有份，最好大家加兩日年假。」至於放TVB周刊改為網上版，問會否覺得少咗平台？她表示不會，只是改了另一種形式。問到會否擔心裁員？她說：「如果賺錢又裁員，呢個邏輯唔通，我唔識答。