❤️鰻魚❤️
為咗驗證我對佢係真愛而唔係一見鍾情，一於啦啦臨返晫佢一鑊。今次真係點咗個兩人份嘅一鑊熟日式鰻魚煲。份量同樣係兩條新鮮鰻魚，先燒然後同豆腐，牛蒡，蔥，同Udon一層層咁放入豉油味湯底一齊滾。食果時再沾入生雞蛋裡面，令鰻魚口感更加滑。個人口味唔係太鐘意呢種食法，覺得單一嘅豉油味似乎浪費咗新鮮鰻魚，食到尾仲越食越鹹，所以試過一次就算了。食完鰻魚煲後唔係咁盡慶，咁就追加咗個鰻魚飯！唔使多講，睇圖都知道鰻魚飯保持水準！除咗鰻魚飯，燒鰻魚腸都係必食呀！真係好正！另外，店員見我哋好似食極唔飽，就送咗鰻魚沙律俾我哋！
至於甜品...Er，係套餐送嘅，真係麻麻地，佢哋通常有幾樣俾你揀，有新鮮水果就揀新鮮水果啦！

【東方日報】陳家樂做一日男友剪刀手夾公仔冧女
2019-05-04

男神陳家樂單身多時，為圓癡心女粉絲心願，在《我和星星有個約會》中做「一日男友」與Karmen拍拖，不惜投其所好踩入旺角，全程化身暖男手口並用，最後施展獨門「剪刀手」夾中公仔，成功氹得伊人開心。

當陳家樂知道有粉絲心願想做他的「女友」，即二話不說答應，更親自計劃一日Dating的路線圖，相當細心，由於目的地是拍拖貼地場——旺角，首站即醒目先帶「女友」Karmen去Shopping裝身，而Karmen甫見偶像即面紅耳赤，更自爆約會前一晚失眠，見二人一入店舖就盡顯默契，揀衫有商有量，很快完成「任務」買到心頭好，之後不停上演一幕幕「旺角卡門」。

手拖手控桿

潮流興玩夾公仔機，家樂亦希望於「女友」面前大騷Quali威威，故第二站就安排去「潮聖」，信心爆棚的他手持一張「紅衫魚」換銀仔，挑機前又帶Karmen繞場一周揀公仔，還自爆驚人外號「愛德華剪刀手」，但Karmen並冇被嚇窒︰「夾唔到有懲罰o架！」結果搞到他心情緊張，頻頻失手，夾極都唔中，只傳來陣陣淒厲慘叫聲。家樂玩了五、六次，戴埋眼鏡一樣「食白果」，就在「糧草」快用盡時，突然使出冧女秘招，主動說：「咁不如我哋用兩個人力量，好唔好？」原來是手拖手一齊揸實控制桿，Karmen又點會唔應承，最後花了75元完成「創舉」，成功夾到一隻粉紅色獨角獸，博得「女友」送上「愛的抱抱」。

出口術吹魚蛋

玩完一輪當然要醫肚，家樂終站不忘帶Karmen「掃街」享受地道美食，當「女友」表示想食辣魚蛋時，他細心問︰「你會唔會辣到個嘴紅晒唔靚？不過唔緊要，你辣到紅咗，我咪買啲冰凍嘢幫你敷番。」簡直閃到暈，家樂臨尾更「出口術」吹凍粒魚蛋，又速遞紙巾，試問Karmen如何抵擋得住，猛話：「你好細心呀！」

事後家樂對於令女粉絲從未如此開心過，他說：「我有咁嘅能力去實現佢呢個夢想，自己都好樂意去做，同佢都有好多私底下鏡頭聽唔到嘅溝通，咁我覺得當係認識咗一個新朋友。」至於Karmen說：「今次見到家樂比我想像中更陽光同體貼，能夠同佢一齊真係好幸福，即使一日都好滿足。」

粉絲的話

我叫Karmen，一直都當陳家樂係我男神，之前都有聽過佢唱歌、做戲，特別好欣賞佢喺《逆緣》入面做「爺爺」嗰個角色，覺得佢好Charm、又靚仔、又體貼，成個暖男咁，而呢個亦都係我嘅擇偶條件，所以我好希望可以同佢拍一日拖，希望東方日報可以幫我實現心願！

家樂的小粉絲
Karmen

KFC 全新甜入心焦糖爆谷系列登場！

時不時會加入新元素嘅KFC，今次帶比大家可以食極唔停口嘅焦糖爆谷系列，分別推出焦糖爆谷新地同爆谷脆雞！

喺加咗爆谷嘅外皮淋上焦糖醬，
香甜可口！

牛乳新地加上焦糖醬，
再配來自北海道嘅爆谷，
味道一流，一食會上癮，
由今日(3月21日)開始有售！

鍾意焦糖同爆谷嘅朋友一定唔可以錯過～ https://t.cn/z8LSZU4