ཡོད་པར་སྒོམ་ཡང་མེད་པར་སྣང་། །
མེད་པར་མཐོང་ཡང་ཡོད་པར་རྫུན། །
འཇིག་རྟེན་འཁྲུལ་བའི་མེ་ལོང་ངོས། །
བདེན་པའི་ཡེ་ཤེས་རྙེད་པར་དཀའ། །

ཀླུ་སྒྲུབས་དགོངས་པར་བསྟུན་ན་ནི། །
ཚད་མའི་བདེན་སྒྲུབས་རི་ཙམ་མཐོང་། །
རྗེས་འཇུག་མཁས་པའི་བཞེད་ན་ནི། །
དེ་ཡང་བདེན་པའི་ཡེ་ཤེས་སྟོང་། །

རང་བློ་དྲི་མ་མེད་པ་ཡིས། །
གཟུ་བོར་གནས་ཏེ་དཔྱད་ན་ནི། །
གང་ལའང་བདེན་པ་མ་འགྲུབ་པ། །
འཁྲུལ་སྣང་སེམས་ཀྱི་འཆར་ཚུལ་ཙམ། །

ཞེས་ཀྱང་གཡང་ལྷ་སྐྱབས་ཀྱིས།

࿑ ད་ལོར་ནད་ཡམས་ཀྱི་རྐྱེན་གྱིས་མདའ་བཙན་པོ་ལགས་ཀྱི་སྒྲུང་རིང«མཛེས་མ་དང་གཞན་དག»ཕྱོགས་མང་བོ་ཞིག་ལ་བཀྲམ་མ་ཐུབ་མོད། དཔར་ཐེངས་དང་བོ་ཚར་ལ་ཉེ་བ་དང་དཔར་ཐེངས་གཉིས་པའང་མི་རིང་བར་དཔར་རྩིས་ཡོད་པས་སིལ་ཚོང་དང་སྡེབ་ཚོང་དགོས་མཁན་དག་གིས་དུས་ལྟར་འབྲེལ་བ་བྱོས་དང་། ཉིན་འདི་དག་གི་གསར་འགྱུར་ལས་མངོན་པ་ལྟར་ན། ཉིན་འགའ་ནས་ཚོང་ལས་ཀྱི་ལམ་ཁའང་སྔར་ལས་ཡངས་པར་བསྟན་འདུག དེ་བས་སྒྲུང་རིང་འདིར་མོས་པ་དག་གིས་རེ་ཞིང་སྒུག་པར་མཛོད་དང་མྱུར་ཏུ་བཀླག་པར་གདོན་མི་ཟའོ། །

佛陀开示的全部重点就是要让我们主宰自己的心。如果我们能够主宰自己的心，就能够主宰我们的身体和语言，如此我们和他人的痛苦就得以结束。但是如果我们的心充满负面情绪，就算我们身体的行为和我们所说出来的话语多么完美，我们都已经远离了正道。—顶果钦哲法王

སངས་རྒྱས་བཅོམ་ལྡན་འདས་ཀྱིང་གང་བསྟན་པའི་ཆོས་ཐམས་ཅད་ཀྱི་སྙིང་པོ་ནི་སོ་སོ་རང་གི་སེམས་ཡོངས་སུ་འདུལ་བ་དེ་ཡིན། ནམ་ཞིག་རང་གི་སེམས་ཡོངས་སུ་ཐུལ་བར་བྱས་ལ། དེ་ལྟར་ན་རང་གཞན་ཐམས་ཅད་སྡུག་བསྔལ་དང་བྲལ་བར་གྱུར་པ་ཡིན་ནོ། །ང་རང་ཚོའི་སེམས་སུ་སྡིག་པ་མི་དགེ་བ་སྣ་ཚོགས་རྣམ་པར་ཁེངས་ན། ལུས་ཀྱི་སྤྱོད་ལམ་དང་ངག་གི་བརྗོད་པ་ནི་ཇི་ལྟར་མིག་ལ་མཛེས་ཤིང་རྣ་བར་སྙན་ཡང་། རང་ཅག་རྣམས་ནི་ཡང་དག་པའི་ལམ་ལས་རྒྱང་རིང་དུ་བྱེས་ཡོད་དོ། །