容許我enjoy呢個舞台多一陣…..

等我喺呢度攞多啲力量繼續行落去~~~

Mm……..

….

….

❤️❤️❤️…

Ok，

我自high完喇，

出返去做嘢先~

I love you all. ❤️❤️❤️

#全能司儀選拔大賽##6樓搲撈王##願望係唔使再搲撈##黃建東##DerekWong##雖然未回覆哂but睇到晒每一句大家溫暖sweet爆嘅留言##繼續追夢嘅人生旅程#

中年好聲音丨周潤發同學戚愛蓉展實力 柳冕行動證明殘障無礙追夢

歌唱真人騷《中年好聲音》自宣佈推出已嚟引起唔少熱話，每次報名日都係人頭湧湧。為咗延續「中年追夢熱」，無綫喺5號同12號推出兩集《中年好聲音 向夢想再出發》，同觀眾緊貼呢班35歲以上、嚟自唔同界別、 有唔同故事嘅參賽者，點樣克服自身遇到嘅難題，以堅毅不屈嘅精神追逐呢個歌唱夢。

12號晚播出嘅「試音大檢閱（下）」入面依然係臥虎藏龍，當中包括擁有近20個專業牌照嘅建築工程界牌照達人陳振途 、坐擁工商管理博士銜頭嘅金融界女強人關幗玲等。除咗專才外，仲有多位精神意志嘅強者代表，好似47歲嘅生命講師柳冕 ，16年前因為交通意外而需以輪椅代步嘅佢，曾經喺《慈善星輝仁濟夜》入而同C AllStar合唱《誰能明白我》，柳冕希望透過自身經歷，帶畀其他傷殘人士正面信息及影響 – 殘障都可以追夢。41歲嘅陳樂平原本係健美先生，但因為一次牙齒醫療事故而令身體狀況大不如前，現為結他導師嘅佢，好感謝媽咪再三叫佢去參加。而44歲、患有系統性紅斑狼瘡嘅梁德欣 ，同樣係受家人鼓勵，佢話話：「感恩我有個女，佢睇到呢個節目嘅廣告之後，就不停叫我一定要參加，因為佢知道我細個好想做歌手，佢覺得一個人細個想做嘅 嘢，大個一定要勇敢去追夢，所以佢話:『媽媽你一定要勇敢追夢。』」

呢晚現身節目嘅仲有五大「靚聲王」，包括47歲從事和音工作多年嘅陳文琪 、38 歲歌唱導師林鉫徫 、35歲全職媽媽張可欣 、享受街頭表演嘅64歲鮑聖光 ，同與周潤發同期、無綫第三期藝員訓練班嘅65歲 戚愛蓉 。60年前曾橫掃多個音樂比賽嘅戚愛蓉，除咗輕易駕馭超高音域外，唱歌嗰陣仲有種鬆容淡定嘅貴氣，佢話去到而家自己都仲有團火，而嚟參賽嘅目的，就係想知道自己嘅情度去到邊。」從事和音工作多年嘅陳文琪，因為做咗太多年和音，令佢都唔記得自己原本把聲，所以佢希望透今次比賽搵返自己把聲。

而喺2019年曾獲倫敦十大傑出青年大笨鐘獎、45歲嘅歌唱導師梁愷庭，就話自小已經好希望可以企喺TVB嘅舞台，多年佢參加過香港小姐、試過面試做藝人，今次喺《中年好聲音》可以入到圍，梁愷庭話叫做夢想成真呀！

歌手洪嘉豪（Kaho）昨晚（12日）假西九文化區為一連兩場的個人音樂會揭開序幕，圈中好友衛詩、岑寧兒及樂隊Zpecial等到場支持。大批粉絲排隊進場時，因人多太兼只得一個出入口，搞到近9時才「等齊人」開騷！甫開場時Kaho跳唱《我懂》及《表情符號》，隨後又自彈自唱演繹《好奇殺死愛》，炒熱氣氛。

而他與嘉賓陳蕾合環節時，Kaho形容陳蕾是自己的Best Friend：「佢同同事講，話寫咗千字文同我打氣，但訊息其實得幾行字！」全場爆笑。嘉豪表演彈結他時，更自爆樂器由陳蕾仗義借出。其後衛蘭現身與Kaho合唱《別放手》，Kaho感謝「家姐」衛蘭以往帶自己四處演出，給予不少機會：「依家嘅一切都係妳賦予俾我嘅。我同自己講過，如果有日可以有個人騷，一定請妳做嘉賓，我做到嘞！」他又指特別選唱《別放手》，是因為這首歌才有唱片公司肯跟自己簽約，場面感人。

視張家輝為偶像的Kaho，獲家輝拍片打氣，Kano 更即時「化骨龍」上身配合。在粉絲鼓譟下，惜肉的他僅掀起上衣僅露出下腹及肚臍，又笑言有機會在紅館再「脫」。此時他又將過往與同事及粉絲相處片段剪輯成短片，誓要搞喊全場！整個演出以《逆時車站》一曲作結尾。

Kaho完騷後受訪，笑言結尾「睇片」時自己亦有「少少喊」。談到是晚演出，他坦言：「10分畀自己7分，覺得歌可以唱好啲、舞可以跳好啲。呢個場11點一定要完騷，希望明晚聽眾可以早啲排隊入場，大家可以再玩盡興啲，今晚安歌唔夠喉。（等住上紅館除衫？）唔敢諗，今次開到騷好滿足。（過去一個月好辛苦？）因為要忙音樂會嘅嘢、拍戲同健身，又要控制胃口唔可以多食，覺得自己冇得釋放壓力，所以有一日搭lift返屋企時忍唔住喊，去到屋企門口就抹眼淚，因為驚媽咪擔心。」