ཁྱོད་རྒས་པའི་དུས། སྐྱེ་བོ་ག་ཙམ་ཁྱོད་ཀྱི་ཁ

首页发布

ཁྱོད་རྒས་པའི་དུས།
སྐྱེ་བོ་ག་ཙམ་ཁྱོད་ཀྱི་ཁེར་རྐྱང་གི་ལང་ཚོ་ལ་དགའ་མྱོང་ལ།
ཁྱོད་ཀྱི་མཛེས་པའི་ཞལ་རས་ལ་དགའ་མྱོང་།
ཚུལ་འཆོས་སམ་ཡང་ན་རྣམ་དག་སྒོས།
ཏན་ཏན་མི་ཞིག་ཁྱོད་ཀྱི་དད་ལྡན་འདྲ་བའི་སེམས་པ་ལ་མོས།
ཁྱོད་ཀྱི་སྐྱོ་བའི་གདོང་ལ་བབས་པའི་ལོ་ཟླའི་རྗེས་ཤུལ་ལ་དུངས།

མཁས་པའི་ཞལ་གདམས།

ཉོན་མོངས་པའི་བག་ཆགས་ཤེས་བྱའི་སྒྲིག་པ་ཡིན་པའི་ཁུངས།

མདོ་དྲིན་ལན་གསབ་པ་ལས།
གཞན་ཡང་སངས་རྒྱས་ལ་ནི་བག་ཆགས་ཀྱི་རྣམ་པ་མེད་ཀྱི།ཐེག་པ་གཉིས་ཀའི་བག་ཆགས་མ་ཟད་དོ།དཔེར་ན་དགེ་སློང་ཞིག་ཟག་པ་ཟད་ཀྱང་རྟག་ཏུ་མེ་ལོང་ལ་བལྟ་བ་ནི་ཚེ་རབ་དུ་མར་བུད་མེད་སྨད་འཚོང་མ་ལས་མིར་སྐྱེས་པའི་ཕྱིར་རོ།

སྟོན་པ་ལྷ་ནས་བབ་པའི་ལྷ་སྒྲུང་ལ།།
སེར་སྐྱ་ཕལ་ཆེར་དེ་ལ་ཡིད་དབང་འཕྲོག།
བདེན་བཞིའི་བླང་དོར་དེ་ལ་མ་མཇུག་པའི།།
ས་ལམ་རྟོགས་པ་རྙེད་མཁན་ཤིན་ཏུ་དཀོན།།

ཀླུ་སྒྲུབ་ཀླུ་ནས་ཕེབས་པའི་ཡིད་ཆེས་ནས།།
ཀླུ་སྒྲུབ་དབུ་ལ་སྦྲུལ་ཆེན་དུ་མ་རྒྱན།།
ཀླུ་སྒྲུབ་རིགས་ཚོགས་རིགས་ལ་མ་སྦྱོང་བའི།།
ཀླུ་སྒྲུབ་རིན་ཐང་རྟོགས་མཁན་ཤིན་ཏུ་ཉུང་།།

གེ་སར་སངས་རྒྱས་ཡིན་པའི་དད་པས་ཀྱང་།།
གེ་སར་མི་ཡུལ་བདུད་འདུལ་དཔའ་བོ་ཞེས།།
སྲོང་བཙན་རྒྱལ་རབས་དངོས་བྱུང་ཕབ་ཏུ་ཡལ།།
ལོ་རྒྱུས་དངོས་མ་བཤད་ཀྱང་སྣང་མེད་སྐྱུར།།

ལྷ་ནས་བབ་ཚུལ་ཀླུ་ནས་བྱུང་ཚུལ་སོགས།།
སྒྱུ་རྩལ་རབ་བཏགས་དུ་མ་དངོས་ལ་སྦྱར།།
དེ་དག་བསྐྱར་ཟློས་བྱས་པའི་ལོ་ཟླའི་ཁྲོད།།
ཆོས་མིན་སྲིད་མིན་བྱ་བའི་ང་ཚོ་ཕུང་།།

༢༠༢༢/༡༡/༡༥ https://t.cn/RoZWq08