今天黑色监护人04就不更了哈～忍着疼先把pdf补了[泪]，今天肠胃炎又犯了[苦涩][苦涩][苦涩]大家一定一定记得胃不好就不要吃油炸食品+喝凉红茶了，纯属作死行为！！！会反胃还会绞痛！请勿效仿！[苦涩]吃了也没事记得吃胃药+西咪替丁[苦涩][苦涩][苦涩]大家一定要好好吃饭！切勿吃大油食品！[苦涩]容易肝和胃不好[苦涩]我觉得我好脆弱[允悲]

吹拂而过的清风，或低语或咪蒙，倘若这落叶再慢一些下落，能听到风在说一些什么悄悄话，讨论这广阔天地，为何夜晚也不曾停歇，白昼的吵闹，到了夜晚也只是换了另一种形态，或是炫彩夺丽，匆忙的叶仍旧不管这些，在挣脱着，期待离开束缚，好像这大树束缚了太久了，当离开的那一刻是最快乐的，起舞似凤飞，高起低落，向西向东，不走南墙，不看北方，逃脱不了太久的，就会因风的静谧而失去色彩，失落的左右回旋，不想沉溺于泥土，被世界所希望，也别忘了自己曾经也是从泥土而来，回归是重新接纳自己，也是融进风里，起舞从来和形态没有关系。

#圖文不符##迪迪的Diary# 33

我們的神奇媽媽

我好鍾意煮嘢食嘅，唔忙嘅時候，我會用一日嘅時間煮一餐飯。我相信好多喺外國生活過、獨立生活過嘅朋友仔，都會唔多唔少有一啲入廚嘅技巧。

我鍾意煮嘢食啫，絕對唔會稱自己為廚神，咁邊啲人真係廚神呢？

話說我近年都請咗工人，所以我都好少入廚，得閒就叫佢煮東煮西。

佢原本煮嘢食極難食，經過我簡單嘅訓練，佢都煮得OK啦。好嘞，佢煮洋蔥豬扒、豉汁蒸排骨、蕃茄煎蛋好得嘅，咁如果嗰一日，我會留喺屋企食飯，又冇時間發辦叫佢煮乜煮物嘅話，我話俾佢聽，今晚有三個人過嚟食飯，你鍾意煮乜就煮乜啦，佢一定會煮返呢三道菜！大佬呀，煮得幾好食都好啦，我會食到悶㗎！

事情變成點呢？我會盡量用時間話俾佢聽我今晚想食乜嘢，但係你又要明白，我有時真係忙到唔得閒話俾佢聽我想食乜嘢㗎嘛，咁咪又係食返嗰幾樣嘢囉！

漸漸，食極都係嗰幾味，我就變成一啖起兩啖止，冇乜胃口。咁我又唔會怪佢嘅，起碼佢都學懂嗰幾味煮得好食吖！

但係由呢件事開始，我回想返我細個嘅時候， 一家九口，爸爸媽媽加七個仔女，我絕對唔會明白，點解阿媽，可以一日幾餐，每一日，都天天新款！而最重要嘅係，每一味餸上到枱嘅時候，都係熱騰騰㗎！講緊當年屋企嘅廚房細不特止，爐頭只有兩個，又冇焗爐又冇微波爐，點解阿媽可以每一餐都多餸一湯？實在太神奇！

呢件事我覺得匪夷所思，從而想奉告天下每一個仔女，你唔好再對你阿媽住嗰一餐飯有任何嫌三嫌四，嗰種母親獨有嘅母愛，嗰種高端藝術嘅成就，係超乎想像地值得尊重㗎！

又再諗返起我媽媽，喺加拿大生活嘅某一段日子，佢煮飯嘅心力，只係煮俾一家三口，就係佢加埋爸爸同埋我，如果嗰一日我話會返屋企食飯嘅話，佢一定山珍海錯，或者雕龍雕鳯，總之一定會煮一啲你喺街外面食唔到嘅嘢！嗰時我都細個啦，都唔會領悟到佢其實係想搞啲乜嘢，只係覺得個餐飯好好食，亦都真係外面食唔到。

到大個咗，就知道個真正原因，就係阿媽當年好想你留喺屋企陪佢食多啲飯囉！佢咪就係好想用一餐飯嚟留住你多啲囉！

好多年之後嘅今日，阿媽都走咗幾年嚕，偶爾都會諗返起，好想食佢煮全宇宙最好食嘅雞蛋蒸魚腸、酸筍蒸魚雲、臘味蘿蔔糕、蝦子柚皮等等等等。諗吓好啦，諗返起都喊緊嚕！

朋友啊，下次你返屋企食飯嘅時候，無論阿媽煮乜嘢俾你食，你都食晒佢吖！唔該晒！

歌曲：沈殿霞 / 歐陽震華 / 關詠荷/ 秦沛/ 宣萱/ 張可頤 《Mamma Mia 》

Post 的照片來自早前我出過的一本書《 #Lovetionary# / #多余的愛# 》