༄༅།།སློབ་མ་རྣམས་ཀྱི་ལུས་སེམས་བདེ་ཐང་ཡོང་བར་དམིགས་ཏེ། སློབ་གྲྭས་ནམ་རྒྱུན་དོན་སྙིང་ལྡན་པའི་བྱེད་སྒོ་འདྲ་མིན་སྒྲུབ་ཀྱིན་ཡོད། ཐེངས་འདིར་སློབ་མ་ཚོགས་པའི་ལུས་རྩལ་ཚན་ཁག་གིས་རྩ་འཛུགས་བྱེད་པའི་འོག་ཏུ། འདི་སྔོན་དུས་ཡུན་ཟླ་བ་གཅིག་ལྷག་གི་ཕྱི་དྲོའི་གུང་གསེང་དག་ལ། འཛིན་གྲྭ་ཁག་ལས་ཐོ་འགོད་བྱུང་བའི་ཕིང་ཕང་སྤོ་ལོ་འགྲན་ཞུགས་པ་ཕོ་མོ་རྣམས། སྔ་ཕྱིར་འགྲན་ཐེངས་དུ་མ་བརྒྱུད་དེ། ལོ་རིམ་ཁག་ལས་ཕིང་ཕང་སྤོ་ལོ་ཁེར་རྒྱག་དག་ཆ་རྒྱག་གི་འགྲན་ཞུགས་ཕོ་མོ་ཁག་ཅིག་བདམས་ཐོན་བྱུང་ཡོད་པ་དག ཁ་སང་ཉིན་དགུང་དུ་མཇུག་འགྲན་གྱི་སྔ་ཆ་སྟེ་ཆེས་རྗེས་མའི་གྲབས་འགྲན་ལ་ཞུགས་ཤིང་། དེ་རིང་ཕྱི་དྲོར་མཇུག་འགྲན་གྱི་ཕྱི་ཆ་སྟེ་ཕོ་མོའི་ཁེར་རྒྱག་དང་ཆ་རྒྱག་གི་སྔོན་གྱི་ཨང་རིམ་འགྲན་རྩོད་ལ་ཞུགས། འགྲན་ཞུགས་པ་ཚོའི་ལྒང་རྩལ་ཁྱད་དུ་འཕགས་པ་དེ་འདྲ་ཞིག་མིན་ན་ཡང་། སྔར་དང་བསྡུར་ན་ཡར་ཐོན་ཡོད་པའི་ཕིང་ཕང་སྤོ་ལོ་འགྲན་སྡུར་འདིས། ང་ཚོ་དགེ་སློབ་ལྟད་མོ་བ་རྣམས་ལ་དགའ་ཚོར་དང་སྐུལ་འདེད་ཀྱི་ཐལ་མོ་ཅབ་ཅབ་ཏུ་རྡེབ་པའི་གོ་སྐབས་མང་པོ་སྦྱིན་པར་བྱེད།
ཐེངས་འདིའི་ཕིང་ཕང་སྤོ་ལོ་འགྲན་སྡུར་སྔ་ཕྱི་བརྒྱུད་དེ། སློབ་མའི་ནང་དུ་ལུས་རྩལ་རྣམ་གྲངས་འདིར་དོ་སྣང་དང་དགའ་ཞེན་བྱེད་མཁན་ཇེ་མང་དང་། སློབ་མ་རྣམས་ཀྱི་སློབ་གསེང་ལུས་སྦྱོང་གི་རྣམ་གྲངས་ཕུན་སུམ་ཇེ་ཚོགས་སུ་གཏོང་བར་ནུས་པ་གང་འཚམ་ཐོན་ཡོད་དོ། །[鲜花][鲜花][鲜花]

#微博[超话]# ༄༅། །སྔར་སོང་རྗེས་དྲན།
2018.7.6–2018.9.27
བར་དཔལ་མགོན་འཕགས་པ་ཀླུ་སྒྲུབ་ཀྱིས་མཛད་པའི་བཤེས་སྤྲིངས་ཀྱི་རྩ་བ་ཚིགས་རྐང་109དང་། དེའི་འགྲེལ་པ་རེད་མདའ་བ་གཞོན་ནུ་བློ་གྲོས་ཀྱིས་མཛད་པ་ཆ་ཚང་བ་ཞིག་སྤེལ།

༄༅།།མདང་སུམ་དེ་སྔོན་གྱི་སློབ་མ་ཞིག་ངའི་ཟུར་དུ་བསླེབས་བྱུང་། ངེད་གཉིས་ཐུག་མ་ཐག་ཁོང་གིས་ང་ལ། དེ་སྔོན་ལོ་ངོ་བཅུ་ཙམ་ལ་དགེན་དང་མ་ཐུག་པས། ད་ལྟར་དགེན་ལགས་ཅུང་རྒས་འདུག་ཟེར་བཞིན། ཁོང་གི་མགྲིན་པ་བརྣངས་ཤིང་མིག་མཐར་མཆི་མ་འཁོར་སོང་། སྐབས་དེར་ང་རང་ཡང་རྒས་རྟགས་མངོན་གསལ་དོད་ཟིན་པའི་ང་རང་ལ་སེམས་ཁྲེལ་ཞིག་སྐྱེས་བྱུང་།
དེ་ཡང་ཁོང་གིས་ལས་ཁུངས་ཀྱི་ནང་དུ་བྱ་བ་སྒྲུབ་རིང་། རྫོང་དེའི་མི་སྣའི་ལོ་རྒྱུས་དང་ས་མིང་། གནས་ཡིག་ཕྱོགས་བསྒྲིགས་སོགས། དམངས་ཁྲོད་རིག་གནས་ཉམས་པ་སོར་ཆུད་དང་། མི་ཉམས་གོང་འཕེལ་དུ་གཏོང་བར་ལས་ཀ་མང་པོ་བསྒྲུབས་འདུག་ལ། ད་དུང་ཡང་དམངས་ཁྲོད་རིག་གནས་སྲུང་སྐྱོབ་ཀྱི་ལས་ཀ་སྒྲུབ་ཀྱིན་ཡོད་པ་མ་ཟད། མ་འོངས་པར་ཡང་མུ་མཐུད་དུ་འབད་བརྩོན་ཅི་ནུས་བྱ་འདོད་ཡོད་ཅེས་བཤད་བྱུང་། གཙོ་བོ་ཁོང་ལ་ལྷག་བསམ་དང་གཟུར་གནས་ཀྱི་སྤོབས་པ་ལྡན་པ་མ་ཟད། ལྷག་པར་དུ་དམངས་ཁྲོད་ཀྱི་དངོས་ཡོད་ལོ་རྒྱུས་ཇི་མ་ཇི་བཞིན་ཡིག་ཐོག་ཏུ་དགོད་རྒྱུ་ནི། མི་རིགས་དང་མི་རབས་རྗེས་མར་འགན་འཁུར་བའི་ལས་ཀ་ཞིག་ཡིན་པར་ངོས་འཛིན་གནང་མཁན་ཞིག་རེད་འདུག་བསམས་བྱུང་།
ཁོང་གིས་རྫོང་དེའི་སློབ་ཆུང་དང་སློབ་འབྲིང་འདོན་དུས་ནས། རྗེས་སུ་ཁོང་གིས་འབྲིང་གཉེར་སློབ་གྲྭ་སྟེ་ཞིང་ཆེན་བོད་ཡིག་སློབ་གྲྭ་འདོན་དུས་ཀྱི་བར་དུ། ང་རང་ནི་ཁོང་གི་བོད་ཡིག་དགེ་རྒན་དང་སྐབས་རེར་འཛིན་བདག་བྱས་མྱོང་ཡོད་པས། ཁོང་ཉིད་ཐོག་མར་བྱིས་པ་བསམ་མེད་ཅིག་ཡིན་པ་ནས། ད་ནི་ས་ཁུལ་ཞིག་དང་མི་རིགས་ཤིག་གི་རིག་གནས་སྲུང་སྐྱོབ་བྱེད་པའི་བྱ་གཞག་རླབས་པོ་ཆེར་དགའ་ཞེན་ལྡན་པ་ཞིག་ཏུ་གྱུར་ཡོད་པ་འདི་མཐོང་རྗེས་ང་རང་ནི་སེམས་པ་གཏིང་ནས་དགའ་བྱུང་།
ང་ཚོའི་སློབ་གྲྭ་ནས་མཐར་ཕྱིན་པའི་སློབ་མའི་ཁྲོད་དུ། ཁོང་དང་ཁོང་ལྟ་བུ་མིང་ཆེན་པོ་མེད་ཀྱང་། དོན་སྙིང་ལྡན་པའི་བྱ་བ་བསྒྲུབས་དང་སྒྲུབ་བཞིན་པ་དུ་མ་ཞིག་ཡོད་པ་ནི། དོན་དམ་ང་ཚོ་སློབ་གྲྭའི་གཟི་བརྗིད་ངོ་མ་དེ་ཡིན།
ཁོང་འགྲོ་ཁར་ང་ལ། དགེན་ལགས། ད་ནི་ཁྱེད་རང་ལོ་ན་ལྔ་བཅུར་སོན་ཟིན་པས། སྨན་ཁང་དུ་ལུས་ཕུང་བརྟག་དཔྱད་ལེགས་པོ་བྱས་ནས། འཕྲོད་བསྟེན་དམ་གཟབ་བྱ་རོགས། འདི་ནི་ངའི་རེ་བ་ཡིན་ཞེས་ནན་ཏན་དུ་བསྒོས་ནས་བུད་སོང་།
ཁོང་ཕྱིན་རྗེས། ང་རང་ང་རང་གི་ལུས་ཕུང་ལ་ཞེན་ཆགས་སྐྱེ་བཞིན་འདང་རྒྱག་གི་གཡང་དུ་ལྷུང་ངོ་།།