བོད་ཀྱི་བུད་མེད་ཤེས་འཇོན་གཉིས་ལྡན་བུ་ཁྲིད་ལགས་དཀར་པོ་ཆེ་མཆོག ཁེ་ན་ཌ་རྒྱལ་ཁབ་ཀྱི་མངའ་སྡེ་ཆེ་ཤོས་ཨང་གཉིས་པ་ས་ཁྱོན་སྤྱི་ལེ་གྲུ་བཞི་མ་(square kilometres)ས་ཡ་༡ ལྷག་དང་། མི་འབོར་ས་ཡ་༡༥ ལྷག་ཡོད་པའི་ཨོན་ཁྲོ་རིའོ་མངའ་སྡེའི་(Ontario Legislature)གྲོས་ཚོགས་སུ་འཐུས་མི་གྲངས་༡༢༤ ཡོད་པའི་ནང་ནས་ཚོགས་གཞོན་དུ་འདེམས་ཐོན་བྱུང་བར་སྙིང་ནས་དགའ་བསུ་དང་བཀྲིས་བདེ་ལེགས་ཞུ།

ཤར་གྱི་སྟག་སྐྱ་བོ་སྟེ་དགའ་མོ་འཕྲང་། །
ལྷོ་ཡི་གཡུ་འབྲུག་སྔོན་པོ་སྟེ་ལྷ་ས་སྐྱིད་ཆུ། །
ནུབ་གྱི་བྱ་དམར་པོ་སྟེ་ཤུན་གྱི་བྲག་དམར་རྡིའུ་གདོང། །
བྱང་གི་རུལ་སྦལ་ནག་པོ་སྟེ་ཕ་བོང་ཁའི་བྲག །

༧མཁས་གྲུབ་ཐམས་ཅད་མཁྱེན་པས།
________________________
"ཡོན་ཏན་ཀུན་གྱི་རྩ་བ་ཚུལ་ཁྲིམས་ཏེ། །དངོས་གྲུབ་ཀུན་གྱི་རྩ་བ་དམ་ཚིག་ཅེས། །
རྒྱལ་བས་མདོ་རྒྱུད་ཀུན་ལས་ལན་མང་དུ། །ནན་ཏན་ཆེན་པོས་ཡང་ཡང་གསུངས་མོད་ཀྱི། །
གངས་རིའི་ཁྲོད་འདིར་གཏམ་འདི་རིང་ནས་ནུབ། །རྩ་བ་རུལ་བའི་ཆུ་ཤིང་ལོ་མ་ལས། །
དཔག་བསམ་འབྲས་བུ་རེ་བས་ཕྱོགས་ཀུན་གང༌། །ཐུབ་བསྟན་མིང་ཙམ་ལྷག་མར་གྱུར་པའི་དུས། །
རྒྱལ་བའི་གདུང་འཚོབ་རྗེ་བཙུན་ཙོང་ཁ་པ། །སྨོན་ལམ་དབང་གིས་བྱང་གི་ཕྱོགས་འདིར་བྱོན། །
རྒྱལ་བའི་བསྟན་པ་རྒྱལ་བའི་དགོངས་པ་བཞིན། །སྔོན་མེད་གཞི་ནས་བཙུགས་པའི་བཀའ་སྲོལ་གྱིས། །
སྐལ་ལྡན་རྣམས་ཀྱི་བློ་གྲོས་མིག་ཕྱེ་ཞིང༌། །གསུང་རབ་མ་ལུས་ཉམས་སུ་ལེན་པའི་ཚུལ། །
རྒྱལ་བ་དགྱེས་པའི་ལམ་བཟང་གསལ་མཛད་ནས། །བདག་ཅག་རྣམས་ལ་ཕན་པའི་དོན་པོ་མཛད། །"ཅེས་གསུངས།