༄༅།།དེ་རིང་ཉིན་དགུང་དུ་ལོ་རིམ་གཉིས་པའི་འཛིན་གྲྭ་ཁག་གི་༼སྲོལ་རྒྱུན་ཡོ་བྱད་གསར་བཅོས་འགྲན་སྡུར༽སྤེལ་བ་རེད། འདི་དག་ནི་ལོ་རིམ་གཉིས་པའི་སློབ་མ་ཚོའི་བརྩམས་ཆོས་དག་ལས་འགའ་ཞིག་རེད།
པར་རིས་ངོ་སྤྲོད།
༡༽ཡིག་མཁན་གྱི་གཅེས་ནོར་ཁག་གཞི་གཅིག་ཏུ་སྦྲེལ་བ།
༢༽ཁུག་མ་དང་ཕྲུ་གུས་ཟ་མ་ཟ་སྐབས་བྲང་ཁེབས་གཅིག་ཆོག
༣༽རྫི་བོའི་ཁོལ་མོར་འཐེན་སྒྲོག་སྦྱར་ནས་ཁུག་མ་ཡང་རུང་ལ་དེར་འུར་ཆས་འཁུར་ལུང་ཡང་བྱ་རུང་བ།
༤༽སྔར་མེད་ལྷུ་ལག་མང་བའི་ཐགས་ཁྲི།
༥༽ཁལ་འགེལ་བར་སྟབས་བདེ་བའི་སྒ་ཆས།
༦༽ཀུ་རུ་རང་འཁོར་མ།
༧༽བག་དྲོ་བའི་ཁང་ཁྱིམ།
༨༽དབྱར་དགུན་གཉིས་སྤྱོད་ཀྱི་སྦྲ་གུར།
༩༽རང་ས་རང་གིས་སྲུང་བྱེད།
སློབ་མ་ཚོས་བོད་རང་གི་སྲོལ་རྒྱུན་ཡོ་བྱད་གཞིར་བཞག་གི་སྟེང་དུ། སྤྱོད་སྒོ་སྣ་མང་དང་སྟབས་ཇེ་བདེ་རུ་བསམས་ནས། གསར་བཅོས་ཅི་ནུས་རེ་བཟོས་པའི་དངོས་པོ་འདི་དག་མཐོང་ཚེ། ང་ཚོའི་སློབ་མའི་ཁྲོད་ནས་འདི་ལྟར་མུ་མཐུད་དེ་འབད་བརྩོན་བྱེད་ནུས་པ་འགའ་བྱུང་ན། མ་འོངས་པར་བོད་རང་སར་སྤྱོད་སྒོ་ཆེ་བའི་ཡོ་བྱད་ཇུས་འགོད་པའམ། གསར་གཏོད་པ་ཆེན་པོ་གཅིག་ཙམ་འབྱུང་མི་སྲིད་པའི་ངེས་པ་ནི་ག་ལ་ཡོད་སྙམ་མོ།།

༄༅།། དེ་ཡང་དགེ་བཤེས་ལྷ་རམས་པ་ཏྲེ་ཧོར་ཡ་མ་དར་རྒྱས་མཆོག་ནི་སྤྱི་ལོ་༡༩༧༢ལོར་མདོ་ཁམས་ཏྲེ་ཤོད་གངས་ཀྱི་རྭ་བའི་དབུས་བཀྲ་ཤིས་དར་རྒྱས་དགོན་གྱི་ཉེ་འདབས་འདུས་ཡར་དར་ཞེས་པར་ཡབ་བྱམས་གཅེས་དང་ཡུམ་ཚུལ་ཁྲིམས་སྒྲོལ་མ་གཉིས་ཀྱི་སྲས་སུ་འཁྲུངས། ལོ་བརྒྱད་ཀྱི་སྐབས་གྲོང་དེར་དགེ་རྒན་རྡོ་རྗེ་བསམ་འགྲུབ་མཆོག་གི་དྲུང་དུ་ཡི་གེ་འབྲི་ཀློག་བསླབ། རྒན་རྡོ་བསམ་མཆོག་རྒྱ་གར་ཕེབས་རྗེས་དར་རྒྱས་མཁན་ཟུར་རིན་པོ་ཆེ་ཀ་གཅེས་མཆོག་གི་མདུན་ནས་ཡི་གེ་འབྲི་ཀློག་དང་ཆོས་སྤྱོད་སོགས་ཐུགས་འཛིན་མཛད་མཚན་ཉིད་ཀྱི་གཞུང་ལའང་དཔེ་ཁྲིད་ཞུས། དེ་ནས་ལོ་བཅུ་དྲུག་སྐབས་དགེ་རྒན་དམ་པ་མཁན་ཟུར་རིན་པོ་ཆེ་ཀ་གཅེས་མཆོག་གི་བཀའ་ལྟར་བཀྲ་ཤིས་དར་རྒྱས་དགོན་དུ་ཆོས་ཞུགས་མཛད། ཕྱི་ལོ་དེར་རྟ་ལམ་སྒང་ཞེས་གྲགས་པ་དགོན་དེའི་བཀའ་དྲིན་གསུམ་ལྡན་གྱི་རྩ་བའི་བླ་མ་བྱམས་མགོན་རྡོ་རྗེ་འཆང་རྗེ་བཙུན་བྱམས་པ་མཁས་གྲུབ་མཆོག་གི་མཚམས་ཁང་དུ་རིགས་ཆུང་ཚོགས་ལོང་ལེན་གཉིས་ཙམ་གནང་། དེ་ནས་དགོང་ལོ་བཅོ་བརྒྱད་ཐོགས་རྒྱ་གར་དུ་འབྱོར་ནས་སེར་བྱེས་མཁས་སྙན་གྲྭ་ཚང་གི་ཆོས་སྒོར་ཞུགས། ཡོངས་ཀྱི་དགེ་བའི་བཤེས་གཉེན་ཆེན་པོ་རྗེ་བཙུན་འཕྲིན་ལས་རྡོ་རྗེ་མཆོག་དང་། མཁན་ཟུར་རིན་པོ་ཆེ་རྗེ་བཙུན་བློ་བཟང་དཔལ་ལྡན་མཆོག མཁན་ཟུར་རིན་པོ་ཆེ་རྗེ་བཙུན་བློ་བཟང་ཚེ་རིང་མཆོག་ལ་སོགས་པ་དཔེ་ཁྲིད་རྒན་དུ་བསྟེན་ནས་གསན་བསམ་ཚུལ་བཞིན་མཛད། སྤྱི་ལོ་༡༩༩༡ལོར་རྒྱུད་སྨད་མཁན་ཟུར་རིན་པོ་ཆེ་རྗེ་བཙུན་ཨོ་རྒྱན་ཚེ་བརྟན་མཆོག་གི་ཞལ་སྔ་ནས་ཚིགས་སྔ་མ་དགེ་ཚུལ་གྱོ་སྡོམ་པ་བཞེས། དགེ་མཆོག་འཛིན་གྲྭ་ནང་དུ་དཔེ་ཆ་བཟང་གྲལ་ཞིག་ཏུ་གྱུར་པས་འཛིན་གྲྭ་བསྡུས་འབྲིང་སྐབས་སུ་སེར་བྱེས་ཏྲེ་ཧོར་ཁམས་ཚན་དུ་མཁས་མང་གསེར་རིའི་ཕྲེང་བའི་དབུས་སུ་རྟགས་རིགས་ཚོགས་བསགས་དམ་འཇོག་ཞིག་གནང་འདུག་པས་རིགས་ལམ་སྨྲ་བའི་ཁྱུ་མཆོག་ཞིག་ཏུ་གྱུར་བའི་སྔ་བལྟས་གྱུར། ཕྱིས་སུ་ཡང་ཁམས་ཚན་འདི་ཉིད་ལ་དབུ་མའི་ཚོགས་བསགས་དམ་འཇོག་སོགས་མང་དུ་གནང་འདུག སྤྱི་ལོ་༡༩༩༥སེར་བྱེས་མཁས་སྙན་གྲྭ་ཚང་གི་རིགས་ཆུང་ཚོགས་ལོང་སྐབས་རིགས་སྔ་སྒོའི་མཚན་གནས་བཞེས། ལོ་དེར་དཔལ་ལྡན་འབྲས་སྤུངས་སུ་འཇང་དགུན་ཆོས་ཐོགས་ཆེན་མོའི་འབྲས་རྟགས་ཀྱི་ཐོར་ཆོས་དམ་བཅའ་བཞག སྤྱི་ལོ་༡༩༩༦ལོར་བླ་མ་སྤྱན་རས་གཟིགས་འཇིག་རྟེན་མིག་འབྱེད་པ་ཆེན་པོའི་ཞལ་སྔ་ནས་ཚིགས་ཕྱི་མ་བསྙེན་རྫོགས་ཀྱི་སྡོམ་པ་ཚུལ་བཞིན་མནོས། དེ་ནས་༢༠༠༡ལོར་སེར་བྱེས་ཏྲེ་ཧོར་ཁམས་ཚན་གྱི་གཙུག་ལག་ཁང་གསར་པའི་སྒོ་འབྱེད་མཛད་སྒོའི་སྐབས་༧་བླ་མ་སྤྱན་རས་གཟིགས་འཇིག་རྟེན་མིག་འབྱེད་པ་ཆེན་པོ་མཆོག་ཞབས་སོར་བཀའ་དྲིན་འཁོད་པ་ན། དགེ་མཆོག་ནས་ཟབ་མོ་དབུ་མའི་གཞུང་ལ་དམ་འཇོག་གནང་ནས་སྒྲུབ་པའི་མཆོད་པ་ཕུལ་བས། སྐབས་དེར༧་བླ་མ་སྤྱན་རས་གཟིགས་ཐུགས་དགྱེས་ཚོར་ཆེན་པོ་གནང་བའི་བརྙན་པར་དངོས་སུ་མཇལ་དུ་ཡོད། ལོ་དེར་སེར་བྱེས་མཁས་སྙན་གྲྭ་ཚང་གི་མཁན་ལས་འདུས་མང་ཡོངས་ཀྱི་མདུན་སར་དབུ་མའི་སྤྱི་དོན་དང་དགོངས་པ་རབ་གསལ་དབུ་ནས་འཇུག་བར་གྱི་ཚོགས་བསགས་དམ་འཇོག་གནང་། དེ་ནས་༢༠༡༠ལོར་སེར་བྱེས་མཁས་སྙན་གྲྭ་ཚང་དུ་༧བླ་མ་སྤྱན་རས་གཟིགས་ཀྱི་ཞལ་སྔར་རྣམ་འགྲེལ་དམ་འཇོག་འབུལ། ལོ་དེར་སེ་ར་ཐེག་ཆེན་གླིང་གི
་ཚོགས་ཆེན་དུ་འདུལ་བའི་གཞུང་གི་རིགས་ཆེན་ཚོགས་ལོང་བྱས། དགེ་ལྡན་ལུགས་བཟང་ཆེས་མཐོའི་གཙུག་ལག་སློབ་གཉེར་ཁང་ཆེན་པའི་རྒྱུགས་སྤྲོད་རིམ་པར་ལྟར་སློབ་དཔོན་དང་ལྷ་རམས་ལོ་བཞིའི་ཪིང་རྩེ་ཕུད་གཉིས་པར་སོན། དེ་ནས་༢༠༡༠་ལོར་སེར་བྱེས་མཁས་སྙན་གྲྭ་ཚང་གི་ཆོས་གྲྭ་ཆེན་མོར་དགེ་བཤེས་ལྷ་རམས་པའི་སྔོན་གྲོའི་དམ་འཇོག་གནང་། ཕྱི་ལོར་དེར་གནས་མཆོག་ཝཱ་ར་ཎ་སུ་དང་གདན་ས་ཆེན་པོ་སེར་འབྲས་དགེ་གསུམ་དུ་ལྷ་ལྡན་སྨོན་ལམ་ཆེན་མོའི་དགེ་བཤེས་ལྷ་རམས་པའི་གྲྭ་སྐོར་མཛད། དེ་ནས་གསང་ཆེན་རྒྱུད་སྡེ་ཆེན་པོ་དཔལ་ལྡན་སྨད་རྒྱུད་གྲྭ་ཚང་དུ་ལོ་གཅིག་གི་རིང་ཆོས་ཐོག་ལ་ཕེབས། དེར་བཞུགས་རིང་སྔགས་ཕྱོགས་ལ་ཐོས་པ་རྒྱ་ཆེར་གནང་། དེར་སྔགས་ཀྱི་རྩོད་རྒྱུགས་ཞིག་ཕུལ་པས་རྩེ་ཕུད་གཉིས་པར་སོན། དེར་ཟླ་བ་དྲུག་གི་རིང་དགོན་དེའི་དཔེ་འཁྲིད་རྒན་གྱི་འགན་བཞེས། སླར་ཡང་གདན་སར་ཕེབས་ནས་དད་གཉེར་ཅན་རྣམས་ལ་སྔ་རྒྱུན་བཞིན་དཔེ་ཁྲིད་གནང་ཞོར་གྲྭ་ཚང་རིན་པོ་ཆེའི་བཀའ་དགོངས་དང་བླངས་ཀྱི་ཆོས་རྒྱུ་ཕན་ཚུན་བར་གཞུང་ཆེན་བགྲོ་གླེང་སོགས་ཀྱི་མཚན་ཆོས་ཕྱོགས་ཀྱི་མཛད་པ་རྒྱ་ཆེན་སྐྱོང་དངསྐྱོང་མུ་ལགས། ༢༠༡༣ལོ་དེར་སེར་བྱེས་མཁས་སྙན་གྲྭ་ཚང་གི་གཙུག་ལག་སློབ་གཉེར་ཁང་ཆེན་མོའི་སློབ་གཉེར་རྒན་གྱི་ལས་འགན་ལོ་གསུམ་ཞུ་རིང་མི་ངོར་མི་འཛེས་པར་ལས་འབྲས་དཔང་བཞག་ཏུ་སྲི་ཞུ་གང་ལེགས་སྒྲུབ་པར་སོགས་མདོར་ན་དགེ་མཆོག་ཕར་ཕྱིར་འཛིན་གྲྭ་ཡིན་སྐབས་སྤྱི་ལོ་༡༩༩༨་ལོར་ནས་ད་བར་ལོ་འཁོར་མོ་ཉེ་ཤུ་རྩ་ཉིས་ལྷག་གི་རིང་འཁོར་ཚོགས་བརྒྱ་ཕྲག་རྒལ་བར་ལ་ཆོས་ཀྱི་བདུད་རྩིས་རོལ་འབྱིན་པར་བྱེད་པའི་རྨད་དུ་བྱུང་བའི་རྣམ་ཐར་ལགསོ།།

༄༅།།༡༽ཁ་སང་སློབ་ཚོགས་ཚོགས་གཙོ་བདམས། ༢༽འཚོག་ཁར་ལུས་དྲོད་དུས་ལྟར་བརྟག ༣༽ཟས་སྔོན་ལག་པ་འཁྲུད་པར་གོམས། ༤༽མཚམས་རྩལ་འཛིན་གྲྭ་ཕྱེ་ནས་རོལ། ༥༽འཛིན་གྲྭའི་བར་དུ་རྒྱང་ཐག་བཅད། ༦༽མི་རེས་ཟས་ཅོག་གཅིག་རེ་བདག ༧༽ཟ་སྐབས་ཁ་ཡང་གཅིག་ཏུ་ཕྱོགས། ༨༽ལྐོག་ནས་ཁ་ཤུབས་གྱོན་མིན་ལའང་ལྟ། ༩༽སྐབས་རེར་གལ་བོ་ཆེ་དག་ནན་དུ་བཤད།