ཉི་ཧོང་ཚང་གིས་མ་བསམ་ས་ནས་སྐད་གྲགས་བཞག་སོང་། ང་ཚོ་དང་གཟུགས་བྱད་འདྲ་བ་དང་ཁོ་ཚང་ལ་རེ་བཞག་ཆེ་བས་ལོས་ཡིན་ཏེ། ཉི་ཧོང་ཚང་རྒྱལ་ན། དམིགས་བསལ་གྱི་སྐྱིད་སྣང་འདྲ་ཞིག་རྒྱས་ཡོང་། འཇར་མན་གྱི་ལྟད་མོ་བ་ཆ་གའི་ངོ་ཤོར་འདུག དེ་ཡང་ཅི་ཁག་སྟེ། ཉིན་ཧོང་གི་ལག་ནས་ཕམ་འགྲོ་བ་ཞིག་རྨི་ལམ་དུ་ཡང་རྨིས་མེད་ཚོད་རེད། ད་དུང་ཁོ་ཚོའི་སྐར་མ་གཅིག་པོ་དེ་ཡང་། སྒྲིག་འགལ་གྱིས་གནང་བ་ལས། ཁོ་ཚོ་རང་སྟེང་གི་ནུས་འཇོན་གྱིས་མ་ཡིན་པ་དེས་ཀྱང་། ཁོ་ཚོར་མགོ་འཇོག་དཀའ་བའི་གནོད་ཤུགས་ཤིག་བྱིན་ཡོད་ལས་ཆེ། ཐོག་མའི་དུས་སུ་ཉི་ཧིང་བ་ཚོས་དཀའ་ལས་ཁག་ས་རེད་སྙམ་ལ། ཁོ་ཚོའི་ལུས་སྟོབས་དང་གཟུགས་གཞི་གང་གི་ཆ་ནས་ཀྱང་། འཇར་མན་ཚང་ལ་བསྡུར་ཐབས་མེད་པས། དོ་མཉམ་གྱི་སྐར་གྲངས་ཤིག་ལེན་ཐུབ་ན། གཟི་བརྗིད་དུ་སྒོམ་ཆོག་པར་བསམ་ཡོད། འོན་ཀྱང་འགྲན་སྐོར་རྗེས་མའི་ནང་དུ་ཁོ་ཚོས་སྔར་གྱི་ཐབས་ཇུས་ནི། རྦད་དེ་བརྗེས་ཚར་འདུག་པས། ཉི་ཧོང་ཚང་གི་མི་མངོན་པའི་ནུས་སྩལ་གཞན་ཞིག་ད་དུང་བསྐུངས་ནས་ཡོད་པ། གཞི་ནས་ཤེས་རྟོགས་བྱུང་། དེ་ཡང་འགྲན་ཡར་རྒྱུས་ལོན་བྱ་ཆེད་དམ་མཉམ་ཚོད་ལེན་ཆེད་དུ་ཡིན་འདུག་ན། རྐང་རྩལ་གྱི་འགྲན་བསྡུར་ནི། དོན་ལ་ཐབས་ཇུས་དང་བློ་རིག་གི་འགྲན་བསྡུར་ཞིག་ཡིན་པའི་གོ་བ་དེ་ཡང་གཞི་ནས་རྙེད། འགྲན་ཚོགས་འདིའི་ཆེས་ལྟ་རིན་ཡོད་པ་དང་། མཛེས་སྡུག་ཡོད་ས་དེ་ཡང་། རྐང་རྩལ་གྱི་ནུས་རྩལ་ཙམ་ལས་ཡོངས་སུ་བརྒལ་ཏེ། བློ་རིག་དང་ཐབས་ཇུས་འགྲན་པའི་ཚད་རིམ་ཞིག་ཏུ་སླེབས་ཐུབ་ཡོད་པ་དེ་རེད། དེ་ནི་དོན་ལ་རྒྱལ་ཁབ་སོ་སོའི་རྣམ་དཔྱོད་དང་ཤེས་རབ་ཀྱི་རྣོ་ངར་བརྡར་བའི་གོ་རིམ་ཞིག་ཀྱང་ཡིན་པར་ངེས།

སྔོན་གྱི་དུས་སུ་གློག་བརྙན་རྫུན་མ་དེ་དག་གིས་ང་འཇར་པན་གྱི་མི་ལ་སྐྱུག་མེར་ལང་བཅུག་མྱངས། རིམ་གྱིས་ནར་སོན་པ་ན་འཇར་པན་ནི་འཛམ་གླིང་ཐོག་གི་མི་བཟང་ཨང་དང་པོ་དེ་ཡིན་པར་ཤེས་སོང་།

འཇར་པན་པ་རྣམས་ཁྱེད་ཅག་རྒྱལ་བར་དགའ་ནས་ཡོད། [鲜花]

སྔོན་ཀྱི་དམག་ཆེན་གཉིས་པ་སློང་མཁན་གཉིས།།
​ད་ལྟའི་དཔལ་ཡོན་མེ་ཏོག་གཏོར་མཁན་གཉིས།།
སུ་ཞིག་ཁེ་ན་སུ་ཞིག་ཕམ་ན་ཡང་།།
ང་ཡི་སེམས་ནས་གཉིས་ཀ་དང་པོ་ཡིན།། [咖啡]