ཐུབ་པ་ཆེན་པོས་ཀྱང་།

།ངས་ནི་ཁྱོད་ལ་ཐར་པའི་ཐབས་བསྟན་གྱི། །ཐར་པ་རང་ལ་རགས་ལས་ཤེས་པར་གྱིས། །ཞེས་གསུངས། མཉམ་མེད་དྭགས་པོས། ཆོས་ཆོས་བཞིན་དུ་མ་སྤྱད་ན། ཆོས་ཀྱིས་སླར་ངན་སོང་དུ་འགྲོ་བའི་རྒྱུ་བྱེད། །ཅེས་གསུངས།རྣམ་བཤད་རིག་པ་ལས། །ང་རྒྱལ་དང་ནི་མ་དད་དང་། །དོན་དུ་གཉེར་བ་མེད་ཉིད་དང་། །ཕྱི་རོལ་རྣམ་གཡེངས་ནང་དུ་སྡུད། །སྐྱོ་བས་ཉན་པའི་དྲི་མ་ཡིན། །ཞེས་གསུངས།

།མེ་ཚོགས་སྤུ་གྲིའི་སོ་ཡང་བརྒལ་ནས་སུ། །འཆི་མཐར་ཐུག་གི་བར་དུ་དམ་ཆོས་བཙལ། །ཞེས་གསུངས།

རྒྱ་སྲས་རིན་པོ་ཆེས།

།སྔོན་སྤྱད་བདེ་སྡུག་ཆུ་ཡི་རི་མོ་འདྲ། །ཟིན་པ་རྗེས་མེད་ཡིན་གྱི་རྗེས་མ་གཅོད། །ཅིས་ཀྱང་དྲན་ན་འབྱོར་རྒུད་འདུ་འབྲལ་སོམས། །ལྟོས་ཐུབ་ཆོས་ལས་འདུག་གེ་མ་ཎི་བ། །ཕྱི་ཚིས་གྲབ་ཤོམ་གྲོག་སྐམ་ཉ་རྒྱ་འདྲ། །བསམ་པའི་ཐོག་ཏུ་མི་འབབ་འདོད་འདུན་སྐྱོངས། །ཅིས་ཀྱང་དྲན་ན་ནམ་འཆི་ཆ་མེད་སོམས། །ཆོས་མིན་བྱ་ལོང་འདུག་གེ་མ་ཎི་བ།

།འཕྲལ་གྱི་བྱ་བཞག་རྨི་ལམ་སོ་ཚིས་འདྲ། །འབད་པ་དོན་མེད་ཡིན་གྱིས་སྐྱུར་ལ་ཐོངས། །ཆོས་མཐུན་ཟས་ཀྱང་ཞེན་མེད་རྒྱ་ཡིས་ཐོབ། །བྱ་བྱེད་སྙིང་པོ་མེད་དོ་མ་ཎི་བ། །རྗེས་ཐོབ་དུག་གསུམ་རྟོག་པའི་འདུལ་སྦྱོང་འདི། །དྲན་སྣང་ཐམས་ཅད་ཆོས་སྐུར་མ་ཤར་བར། །མེད་ཐབས་མེད་དོ་དགོས་དུས་དྲན་པར་གྱིས། །འཁྲུལ་རྟོག་ཡན་པར་མ་གཏང་མ་ཎི་བ། །ཞེས་དང་། གཞན་ཡང་། མ་འོངས་པ་ཡི་མདུན་མ་བསུ། །མ་འོངས་པ་ཡི་མདུན་བསུ་ན། །ཟླ་བ་གྲགས་པའི་ཕ་དང་། །ཞེས་གསུངས།

གྲིམས་ཀྱིས་སྒྲིམ་ལ་ལྷོད་ཀྱིས་གློད། །དེ་ན་ལྟ་བའི་གནད་ཅིག་ཡོད། །གསུངས་པ་ལྟར་རོ།

བློ་ཆེན་རྒྱལ་ཀུན་ཡེ་ཤེས་སྒྱུ་འཕྲུལ་ཆེ།།
མཁས་བཙུན་བཟང་ལྡན་ངུར་སྨིག་རྣམ་རོལ་ཏེ།།
ལུང་རྟོགས་བསྟན་པའི་རྒྱལ་མཚན་སྲིད་པའི་རྩེར།།
བསྒྲེང་མཁས་དཔལ་ལྡན་བླ་མར་གསོལ་བ་འདེབས།།

བོད་ཀྱི་དཔལ་འབྱོར་འཕེལ་རྒྱས་སུ་གཏོང་བར་ངེས་པར་མཁོ་བའི་ཁ་ཕྱོགས་གསུམ།
༡ སྐབས་ཐོག་ཚོང་ལས་ཁེ་ལས་ཅན་ཏུ་བསྒྱུར་བ།
༢ ཐོན་ཁུངས་ཐོན་ལས་ཅན་ཏུ་བསྒྱུར་བ།
༣ ཞབས་ཞུ་ལས་རིགས་ཆེད་ལས་ཅན་ཏུ་བསྒྱུར་བ།
བོད་ཀྱི་ན་གཞོན་སྣེ་ཁྲིད་པ་མི་འགྱུར་རྡོ་རྗེས།