གཞན་ལ་ལས་ང་ལ་ཟུར་ཟའི་ཚུལ་དུ། “ཁྱོད་ཀྱིས་རང་ཉིད་རང་གིས་ཁྲི་ལ་བསྐྱོན་ཏེ་གཞན་བཀུར་དང་སྙན་གྲགས་དོན་དུ་གཉེར་གྱིན་འདུག ”ཟེར། དེའང་ངོ་མ་གནས་ལུགས་མེད་པ་ཞིག་ཁྱོན་ནས་མ་རེད། དེ་ལྟར་བཤད་པའང་ཤིན་ཏུ་བདེན་པ་འདྲ། རྒྱུ་མཚན། ང་རང་ཉིད་ཀྱང་ད་དུང་སློབ་མ་ཞིག་ཡིན། སློབ་མའི་ནང་གི་སློབ་མ་བླུན་པོ་ཁོ་ན་ཞིག་ཡིན། དགེ་རྒན་བྱ་བའི་དུས་སུ་དངོས་གནས་བསླེབ་མི་འདུག་མོད། གཅིག་ནས་ཁུ་བོ་ཁོང་གི་རེ་བཞག་བཞིན། གཉིས་ནས་རང་གི་སློབ་སྦྱོང་གང་བྱས་ཀྱིས་གཞན་ལ་ཕན་ཅུང་ཙམ་རེ་བསྒྲུབ་ཆེད་སོགས་སུ་དམིགས་ནས་ལས་ཀ་འདིར་འཇུས་པ་ཡིན། དེ་སྟབས་ཀྱིས་ང་ནམ་ཡང་མི་གཞན་ལ་ངོ་གནོང་དགོས་དོན་མེད། དེའི་རྒྱུ་མཚན་ཡང་། ངས་ག་དུས་ཡིན་ཡང་མི་ཤེས་ཤེས་མདོག་གིས་རང་གི་སྔོན་ན་རེ་ལྟོས་ཀྱིས་ཁེངས་ཡོད་པའི་སློབ་བུ་ཁོང་ཚོའི་མ་འོངས་པའི་མདུན་ལམ་དང་སློབ་སྦྱོང་གི་གྲུབ་འབྲས་སོགས་ལ་འགན་ཁུར་གང་ཡང་མེད་པར་ཉིན་གཏོང་ཐབས་ཤིག་ཉིན་གཅིག་ལའང་བྱས་མྱོང་མེད། ནམ་རྒྱུན་ཅི་ཤེས་ཅི་ནུས་ཀྱིས། ཤ་ཚ་ཚ་དང་སྙིང་ན་ན་བྱས་ཏེ་ཕ་མས་བུ་ཕྲུག་ལྟར་བྱམས་ཀྱིས་བསྐྱངས་མྱོང་བ་རང་གི་སེམས་སུ་གསལ་བོར་ཡོད། མདོར་ན། ཁོང་ཚོར་ཕན་པ་ཨེན་ཙམ་རེ་བྱུང་ཡོད་པས་ང་ལ་དེས་མི་ཆོག་གང་ཡང་མེད། དངོས་གནས་ཡིན།
ཉིན་ཁ་ཤས་དང་ཟླ་བ་ཁ་ཤས་ལ་བྱ་བ་གང་ཞིག་སྡུག་རུས་བཟོད་བསྲན་གྱིས་ཕར་བསྐྱེལ་ཐུབ་པ་འདྲ་ནའང་། མིག་རྒྱང་རིང་བའི་བྱ་བཞག་ཅིག་འགྲུབ་པ་ལ་སྡུག་རུས་དང་ཨུ་ཚུགས་མཐར་བསྐྱེལ་ཀྱིས་ནི་ཅི་ཡང་མི་ནུས་པར་འདུག སྡུག་རུས་ནི། ལྟག་ཆུ་ཆད་པའི་རྫིང་བུ་ཇི་བཞིན་དུ་གནས་སྐབས་ཀྱི་དགོས་འདོད་ཉི་ཚེ་བ་ཙམ་སྐོང་བྱེད་དུ་འགྲོ་ཐུབ་ནའང་། རྒྱང་རིང་བའི་མི་ཚེའི་ཕུགས་བསམ་ཀྱི་ཆུ་རྒྱུན་ནི། སྡུག་རུས་ཀྱིས་ནམ་ཡང་མཐུད་དཀའ་ལ། ཡང་ན་རྒྱང་རིང་བའི་རྨི་ལམ་གྱི་མེ་ཏོག་དེ་ཡང་། སྡུག་རུས་ཀྱི་ཞིང་ཁ་ནས་བཞད་ཚོད་མི་འདུག དེ་ལས་མཐར་ཐུག་གི་མི་ཚེའི་འདུན་མ་སྒྲུབ་བྱེད་དངོས་ནི། དགའ་ཞེན་ཁོ་ན་ཡིན་པར་སྙམ། བྱ་གང་ཞིག་སྒྲུབ་པར་སེམས་སྟེང་ནས་དགའ་ཞེན་ཚད་མེད་ཅིག་ཡོད་ཕྱིན། ལས་དེར་ཇི་ཙམ་འཇུག་ཀྱང་མྱོང་རོལ་གྱི་གོ་རིམ་ཞིག་དང་སྤྲོ་སྣང་དོད་པའི་ལོངས་སྤྱོད་ཁྱད་མཚར་བ་ཞིག་ཏུ་འགྱུར་ངེས་པས། དགའ་ཞེན་གྱི་ནུས་སྟོབས་ནི། ཆེས་འཛད་མཐའ་མེད་པའི་གཏེར་ཁ་དེའོ།། དགའ་ཕྱོགས་དང་མཐུན་པའི་བྱ་བའི་ངང་ལ་འཐིམས་ཚར་ན། ངོ་མཚར་བའི་གྲུབ་འབྲས་དང་རྒྱལ་ཁ་ཞེས་པ་དེ་ཡང་། རྒྱ་མཚོའི་རླབས་རིས་དྲག་ཏུ་བསྐྱོད་ན། ལྦུ་བའི་མེ་ཏོག་མཁའ་ཏུ་གཏོར་ཡོང་བ་ཇི་བཞིན་དུ་རང་གི་ངང་གིས་འབྱུང་ངེས་པ་ཞིག་ཡིན་ས་རེད། ཆེས་དཀའ་བ་དེ་ཡང་། རང་གི་དགའ་ཕྱོགས་དང་མཐུན་པའི་བྱ་བ་ཞིག་རྙེད་རྒྱུ་དེ་ཡིན་པ་འདྲ་ལ། རང་གི་དགའ་ཕྱོགས་ནི། རྒྱང་རིང་བའི་མི་ཚེའི་ཕུགས་བསམ་དང་གཞི་གཅིག་ཏུ་འདྲེས་ཐུབ་པ་ཞིག་བྱུང་ན། དེ་ལས་ལྷག་པའི་བདེ་སྐྱིད་ཀྱང་མེད་ཚོད་དོ།།
གང་གི་རང་བཞིན་དོན་གཉིས་ཐེག་པའི་ས་སྲུང་མཆོག་ལ་ལེགས་གནས་ཤིང་།།
བདག་མེད་རྡོ་རྗེ་རབ་ཏུ་འབར་བས་འཇིག་ཚོགས་ལྟ་བའི་ལྷ་མིན་འཇོམས།།
ཆོས་རྣམས་མ་ལུས་སྟོང་བར་གཟིགས་པའི་སྤྱན་སྟོང་རབ་ཏུ་གསལ་ལྡན་པ།།
བཤེས་གཉེན་ལྷ་དབང་བརྒྱ་བྱིན་གང་དེའི་ཕོ་བྲང་མཆོག་དེ་འདི་ཡིན་ནོ།།
༧འཇམ་མགོན་བདག་ཉིད་ཆེན་པོས།
བདག་མེད་རྡོ་རྗེ་རབ་ཏུ་འབར་བས་འཇིག་ཚོགས་ལྟ་བའི་ལྷ་མིན་འཇོམས།།
ཆོས་རྣམས་མ་ལུས་སྟོང་བར་གཟིགས་པའི་སྤྱན་སྟོང་རབ་ཏུ་གསལ་ལྡན་པ།།
བཤེས་གཉེན་ལྷ་དབང་བརྒྱ་བྱིན་གང་དེའི་ཕོ་བྲང་མཆོག་དེ་འདི་ཡིན་ནོ།།
༧འཇམ་མགོན་བདག་ཉིད་ཆེན་པོས།
✋热门推荐