ང་རང་ལས་ཀ་འདིར་འཇུ་དོན་གཙོ་བོ་ནི། ངས་ཡ་མཚན་ཞིག་ཤེས་ཞེས་རང་ཉིད་རང་གིས་ཁྱབ་བསྒྲགས་དང་ངོམ་སོ་ལྟ་བུ་ཞིག་བྱེད་ཀྱིན་པ་གཏན་ནས་མིན་ཏེ། གཅིག་ནས་ལས་ཀ་འདི་ནི་ཁུ་བོ་བཀའ་དྲིན་ཅན་ཁོང་གི་རེ་བཞག་ཡིན་ལ། གཉིས་ནས་ལོ་ངོ་དུ་མའི་རིང་དུ་གུས་པ་རང་གིས་ཀྱང་སློབ་སྦྱོང་ཕྲན་བུ་རེ་བྱས་པ་དེས་དོན་གཉེར་ཆེ་བའི་གྲྭ་ཆུང་མང་བོར་ཕན་ཅུང་ཙམ་རེ་ཨེ་ཐོགས་བལྟ་ཆེད་ལོ་ངོ་གསུམ་གྱི་ཡུན་དུ་དགེ་རྒན་ཆུང་ཆུང་ཞིག་གི་གཟུགས་བརྙན་འདི་བསྐྱངས་པ་ཡིན། མི་ལོ་འདི་དག་གི་འདས་སོང་ལ་ང་ཚོས་ཇི་ལྟར་ཕྱིར་དྲན་བྱས་ཀྱང་། སོ་སོ་ངོ་གནོང་དགོས་པའི་དོན་དག་གཅིག་ཀྱང་མེད། དེའི་རྒྱུ་མཚན་ནི་མི་ལོ་འདི་དག་གི་རང་དུ་ང་རང་གིས་ཀྱང་སློབ་མ་ཁོང་ཚོའི་འབྱུང་འགྱུར་གྱི་མདུན་ལམ་དང་སློབ་སྦྱོང་གི་གྲུབ་འབྲས་སོགས་གང་ལའང་འགན་ཁུར་མ་བྱས་པར་ཉི་མ་འགྲོ་ཐབས་ཤིག་ཐེངས་གཅིག་ལའང་བྱས་མྱོང་མེད་ཅིང་། ཁོང་ཚོས་ཀྱང་རང་རང་གི་རྣམ་དཔྱོད་དང་འཚམ་པའི་སྒོ་ནས་སློབ་གཉེར་ཚུལ་དང་ལྡན་པ་གནང་བ་ལས་དོན་མེད་རྩེད་འཇོའི་ཟློས་གར་ཁོ་ནར་གཡེང་བ་གཅིག་ཀྱང་མེད་ཅེས་བཤད་ཆོག་པས་ཡིན། སྔ་ཕྱིར་ཁོང་ཚོའི་གནས་ཀྱི་སློབ་དཔོན་རེ་རེ་དང་རང་དགོན་གྱིས་དགེ་བཤེས་མང་བོས་གུས་པའི་སར་ཕེབས་ནས་ཁྱོད་ཀྱིས་འདི་ལྟར་རང་གི་དཀའ་ཚེགས་ལ་མ་འཛེམ་པར་ལོ་རེ་རེ་བཞིན་གྲྭ་ཆུང་མང་བོ་ཕ་མས་བུ་བཞིན་གཉོར་སྐྱོང་བྱས་པ་སེམས་བསམ་པའི་གཏིང་ནས་བཀའ་དྲིན་ཆེ་སོགས་དང་། ད་དུང་ཁོང་ཚོའི་སློབ་སྦྱོང་ལའང་ལོ་རེ་རེ་བཞིན་གྲུབ་འབྲས་ཕུན་སུམ་ཚོགས་པ་འདུག་ཅེས་ཐེངས་མང་བོར་བསྔགས་བརྗོད་ཀྱི་མེ་ཏོག་གཏོར་མྱོང་བས་ང་ཚོ་ཚང་མ་སེམས་བསམ་པའི་གཏིང་ནས་དགའ་སྤྲོ་ཆེན་པོས་ཁེངས་ཡོད། སྤྱིར་རང་གིས་སློབ་སྦྱོང་ཅུང་ཙམ་རེ་བྱས་པ་དེས་རང་གི་ཕ་ཡུལ་དང་རང་གི་དགོན་པ་སོགས་ལ་མ་འོངས་པར་ཕན་རེ་ཨེ་ཐོགས་བསམ་པའི་འདུན་པ་ནི་ཆུང་དུས་ནས་ངའི་སེམས་ཀྱི་ཟབ་སར་ཉར་ཡོད། དེ་བས་ང་ཚོ་ཚང་མ་མུ་ནས་མུ་རུ་འདི་ལྟར་མདུན་དུ་བསྐྱོད།

——• ཅེས་ཀྱང་ལྡོང་བཙུན་དུ་འབོད་པས།

མིའི་སྤྱི་ཚོགས་ཟེར་བ་འདི་ལེགས་ཉེས་གཉིས་ཀྱིས་གྲུབ་དགོས། ལེགས་པ་དང་ཉེས་པ་གཉིས་ཆར་གྱི་ཁྲོད་ནས་ད་གཟོད་ཡང་དག་པའི་ངོ་བོ་མཐོང་ཐུབ།

———མཛེས་སེ།

ང་ནི་གཞིས་ཀྱི་སྒོ་དར་ཟད་པོ་ཡིན།།
རླུང་བུ་བར་མེད་གཡུགས་པའི་ཁྲོག་སྒྲ་ནི།།
ང་ཡིས་ཁྱེད་ལ་བཏོན་པའི་གསལ་བྱེད་ཡིན།།
དབྱངས་ཀྱི་འདེགས་འཇོག་རྒ་བས་ཁུར་ན་ཡང་།།
བྱེ་མའི་རྒྱལ་ཁམས་སྲུང་བས་རུ་དར་ཡིན།།