ཨ་མ།
ཕྱིར་བལྟས་མེད་པར།
ཐག་རིང་ག་ཚོད་ཅིག་ལ་བུད་སོང་།
ངས་ད་ལྟ་ཁྱེད་འགྲོ་འདུག་གི་ལམ་ཀ་ཀུན་ན།
ལྷིང་འཇགས་དང་གཟབ་ནན་གྱིས་ལྟ་བཞིན་ཡོད།
ཨོཾ་མ་ཎི་པདྨེ་ཧཱུཾ༔ ཨོཾ་མ་ཎི་པདྨེ་ཧཱུཾ༔ ཨོཾ་མ་ཎི་པདྨེ་ཧཱུཾ༔ [难过]

ཐོས་རྟགས་ཞི་ཞིང་དུ་བ། སྒོམ་རྟགས་ཉོན་མོངས་ཆུང་བ་ཞེས་པའི་ཚིག་དེ། གཞུང་ན་མང་བོ་གསལ་ཅིང་། རྒན་རྣམ་པས་ཀྱང་ཚིག་རྩ་ཆེན་པོ་དེའི་དོན་སྙིང་དང་རིན་ཐང་ནི། རྒྱུན་པར་མང་བོ་གླེང་ཡོང་བ་ཡིན། ཁ་སང་ཞིག་ལ་རྒན་ཞིག་གིས་ཡང་བསྐྱར་ཚིག་དེའི་གལ་ཆེན་རང་བཞིན་མང་བོ་གསུངས་སོང་། སྐབས་དེར་ཚིག་དེ་དང་འབྲེལ་ཏེ། ཁོ་བོར་འཆར་སྒོ་གཞན་ཞིག་བྱུང་། དེ་ནི། ཐོས་པ་རྒྱ་ཆེན་པོ་བྱས་པའི་ལག་རྗེས་སུ་དོན་དངོས་ཀྱི་ལུས་ངག་ཡིད་གསུམ་གྱི་སྤྱོད་ལམ་ཞི་ཞིང་དུལ་བ་ཡོང་བ་དེ་བཞིན་དུ། ཐོས་པ་མང་བོ་བཙལ་ཐུབ་པ་ཡིན་ན། དོན་དངོས་ཀྱི་ཁེངས་སྐྱུང་མཚན་ཉིད་ཚང་བ་ཞིག་ཀྱང་སྐྱེ་ཐུབ་པའོ་སྙམ་པ་དེ་རེད། ཐོས་རྟགས་ལས་ཞི་ཞིང་དུལ་བ་ཡོང་དགོས་པའི་རྒྱུ་མཚན་ཡང་། ཐོས་པ་ཇི་ཙམ་བསོག་ཐུབ་ན། དེ་ཙམ་གྱིས་རང་ཉིད་ཀྱིས་ཅི་ཡང་མི་ཤེས་ཀྱི་མེད་པ་དང་རང་ཉིད་ཀྱི་ཤེས་རྒྱ་དེ་ཙམ་གྱིས་གུ་དོག་པའི་དོན་དངོས་དེ་ངོ་འཕྲོད་ཡོང་བ་དང་། རང་ཉིད་ཀྱི་ཤེས་ཚད་ནི་ཤིན་ཏུ་དམན་པའི་གནས་ལུགས་དེ། ཇི་ཙམ་གྱིས་ངོས་འཛིན་ཐོབ་ན། དེ་ཙམ་གྱིས་རང་རློམ་དང་ང་རྒྱལ་སྐྱེ་ཆོག་པའི་གཞི་ཞིག་གཏན་ནས་མེད་པར་ཧ་གོ་སྟེ། སེམས་བསམ་པའི་གཏིང་ནས་དམན་ས་འཛིན་འདོད་ངང་གིས་སྐྱེ་ཞིང་། སྐབས་དེར་ལུས་ངག་གི་ཞི་དུལ་ཀྱང་ངང་གིས་ཡོང་བའོ།། སྐབས་དེར་སེམས་སུ་ཞི་དུལ་ཡོང་བ་མ་ཟད། སྔོན་གྱི་སྐྱེས་ཆེན་གནམ་གྱིས་ས་ཀབ་པ་ལྟ་བུའི་ཚོའི་གསུང་རྩོམ་དག་ལ། ཐོས་པ་རྒྱ་ཆེར་བྱས་པ་ལ་བརྟེན་ནས་ཁོང་རྣམ་པའི་སྐུ་གསུང་ཐུགས་ཀྱི་ཡོན་ཏན་བསམ་གྱིས་མི་ཁྱབ་པ་དག་ངོ་འཕྲོད་འགྲོ་བ་དང་། ཞོར་དུ་རང་ཉིད་ཀྱི་ཤེས་ཚད་ནི། ཤིན་ཏུ་ཐབས་སྐྱོ་བའི་གནས་སུ་ལྷུང་འདུག་པའི་ཚུལ་དེ་གསལ་ཁ་ཕྱེས་ཡོང་བས། སྐྱེས་ཆེན་ཚོའི་འགྲན་ཟླ་བའི་ཐུགས་ཀྱི་མཁྱེན་དཔྱོད་གྱི་ཡོན་ཏན་བསམ་པའི་མོད་ལ། སྤ་ཀོང་སྟེ། ང་རྒྱལ་དང་རང་རློམ་རྟ་ཙམ་དེའི་མགོ་འཕང་ཡོངས་སུ་མནན་ཡོང་བས། ཁེངས་སྐྱུང་མི་བྱེད་ཐུ་མེད་ཀྱི་གནས་སུ་བསྐྱལ་འགྲོའོ།། གནད་འདི་ལས། ཐོས་རྟགས་ལས་ཞི་དུལ་ཡོང་དགོས་པ་མ་ཟད། ཕྱི་ཚུལ་ཙམ་མ་ཡིན་པའི་དོན་དམ་གྱི་ཁེངས་སྐྱུང་མཚན་ཉིད་ཚང་བ་ཞིག་སྐྱེ་བ་དེ་ཡང་། གཞུང་ལུགས་ལ་ཐོས་པ་རྒྱ་ཆེར་གནང་བ་ལ་ངེས་པར་ལྟོས་པའི་རྒྱུ་འབྲས་ཀྱི་འབྲེལ་བ་དེ་ཡང་རྟོགས་ཡོང་ངོ་།།

གངས་དཀར་ཏེ་སེའི་དཔལ་ལས་ལྷག་པར་མཛེས།།
ཁུ་བྱུག་སྙན་པའི་གདངས་ཀྱང་ཟིལ་གྱིས་གནོན།།
དྭངས་གསལ་སྟོན་ཟླའི་མཁའ་ལྟར་བྲལ་བ་ཡི།།
བྱིན་ཅན་བླ་མའི་ཐུགས་དང་དབྱེར་མེད་ཅིག།

མདོ་སྔགས་བསྟན་འཛིན[月亮]