孩子暑假=妈妈工作,每天七点起床,蒸早餐,晾衣服,执野……八点出店里开门,打扫然后整理货物,吃早餐。每日早上衣服湿完干了又湿,中午有时间就会煮午饭,不够时间就吃快餐……每天晚上回来整好野煮下饭,还要洗埋碗,搞到八点多九点,开始运动一小时,再搞完卫生,冲完凉已经十一点……反正每日时间都不够用一样。有些事情不能以累来做借口而不完成,妹妹的内裤,我是坚持用手洗才舒服,每个人身上都有细菌,所以必须分开洗!一复一日,坚持下去就是胜利!当我累了时候,我也只能自己带着两个孩子,无论去到边?都系自己带着孩子出去逛街,极少极少一家四口去逛逛商场或者晚上出去行行……自从没有回家后,我觉得自己少开好多唔开心的事,不会因为某人一句话而不开心,不会因为某一个人而去想太多无谓的事情,整个人系放松了的,唔好问我做咩唔翻去?果度都唔咪我屋企,翻去做咩野?弊过去人地屋企甘,呼吸一下空气都觉得好辛苦!而且我自己一个人带两个小朋友,一直都系自己带,自己的苦自知,我唔会再好似以前甘,咪都去考虑人,咪都去做埋,因为呢d日子,我已经过了30年了,果种感受无人能懂,所以我希望自己生的自己带,我唔想再帮人地带小朋友,带得唔好的话我自己都觉得唔好意思!从来只有我吃亏,我一直承认的,但无所谓,不过这个暑假开始我唔想再好似以前甘,我要有自己的想法,我认为系甘最舒服的,所以我有些事情不能强迫,我没有开口证明我系唔愿意的,因为当我拒绝你地噶时候,大家都尴尬!所以每个人的生活是怎样的就怎样,但我的生活,希望别人不要插手!
【許冠文獲頒終身成就獎:香港人就算喊,都係笑住嚟喊】
第40屆香港電影金像獎頒獎禮今晚舉行,是三年以來首次實體頒獎禮。從影50年,曾參演《鬼馬雙星》、《半斤八兩》等經典電影的許冠文獲頒終身成就獎,由黃子華頒發。
許冠文領獎時笑言,在第一屆金像獎憑《摩登保鑣》獲最佳男主角後,以為獎盃陸續有來,但等了40年卻沒有,直至上個月爾冬陞致電給他,說要準備頒終身成就獎予他時,「我話『吓,咁快同我埋單?』我仲要攞獎,仲有冇得攞㗎?」他後正色道:「我真係唔覺得自己終身有咩成就,我只係覺得自己一世好命,可以喺香港呢個我認為全世界最美麗、最浪漫、最有機會嘅地方,喺呢度成長,呢個係我嘅好命。」
許冠文又感謝「最可愛、最親愛」的許氏三兄弟,許冠武、許冠英、許冠傑,形容三人多年來「默默咁支持住我,一句聲都唔敢出」。他提到許冠英曾指他「聲大夾惡,又倔強又固執」,現時「已經去咗天堂」,一度哽咽道:「我知道佢今晚一定係睇緊,我想藉呢個機會同佢講,所有你對我嘅批評都係啱嘅,我冇咗你其實真係唔得,我好掛住你同多謝你,呢個獎係大部分都屬於你㗎。」
他又多謝太太,稱她是自己所有喜劇靈感的來源,因她有非常樂觀人生態度,「今日天跌咗落嚟,聽日都會更好」。他說,「有陣時我覺得自己山窮水盡嘅時候,想拍悲劇,佢就鬧我,駛乜你拍悲劇俾我哋睇,呢個現實仲唔夠悲,睇新聞就得啦,段段都係啦,而家我哋口罩都戴咗兩年幾。你一定要繼續拍喜劇,令到我哋香港人就算要喊,都係笑着哭!」許說,他也是以此宗旨拍所有喜劇。
許最後提示「所有香港電影兄弟姊妹」,「未來嘅日子,我哋會面對比較困難啲嘅時光,但我哋千祈唔好怕,我哋明天一定會更好,因為我哋香港人永遠會有嗰種精神,就算我哋喊,我哋都會笑住嚟喊。」
第40屆香港電影金像獎頒獎禮今晚舉行,是三年以來首次實體頒獎禮。從影50年,曾參演《鬼馬雙星》、《半斤八兩》等經典電影的許冠文獲頒終身成就獎,由黃子華頒發。
許冠文領獎時笑言,在第一屆金像獎憑《摩登保鑣》獲最佳男主角後,以為獎盃陸續有來,但等了40年卻沒有,直至上個月爾冬陞致電給他,說要準備頒終身成就獎予他時,「我話『吓,咁快同我埋單?』我仲要攞獎,仲有冇得攞㗎?」他後正色道:「我真係唔覺得自己終身有咩成就,我只係覺得自己一世好命,可以喺香港呢個我認為全世界最美麗、最浪漫、最有機會嘅地方,喺呢度成長,呢個係我嘅好命。」
許冠文又感謝「最可愛、最親愛」的許氏三兄弟,許冠武、許冠英、許冠傑,形容三人多年來「默默咁支持住我,一句聲都唔敢出」。他提到許冠英曾指他「聲大夾惡,又倔強又固執」,現時「已經去咗天堂」,一度哽咽道:「我知道佢今晚一定係睇緊,我想藉呢個機會同佢講,所有你對我嘅批評都係啱嘅,我冇咗你其實真係唔得,我好掛住你同多謝你,呢個獎係大部分都屬於你㗎。」
他又多謝太太,稱她是自己所有喜劇靈感的來源,因她有非常樂觀人生態度,「今日天跌咗落嚟,聽日都會更好」。他說,「有陣時我覺得自己山窮水盡嘅時候,想拍悲劇,佢就鬧我,駛乜你拍悲劇俾我哋睇,呢個現實仲唔夠悲,睇新聞就得啦,段段都係啦,而家我哋口罩都戴咗兩年幾。你一定要繼續拍喜劇,令到我哋香港人就算要喊,都係笑着哭!」許說,他也是以此宗旨拍所有喜劇。
許最後提示「所有香港電影兄弟姊妹」,「未來嘅日子,我哋會面對比較困難啲嘅時光,但我哋千祈唔好怕,我哋明天一定會更好,因為我哋香港人永遠會有嗰種精神,就算我哋喊,我哋都會笑住嚟喊。」
#迪迪的Diary# 14
我屋企,喺我啲親朋好友口中,係一間party House。我個人又咁鍾意熱鬧,好順理成章啫。
好嘞,喺大約兩三年前,某一晚,我如常大宴親朋,食完飯之後就飲酒作樂⋯⋯啲朋友飲飽食醉之後,有幾個新朋友,提意話嗰晚餐飯,不如大家夾返錢。咁我就一貫客套地推搪,嗰啲朋友就死都唔肯,臨走前,死都要放低錢。嗰刻我突然靈機一觸,建議不如將啲錢捐咗出去。大家都深表同意,完美結局。
嗰晚,我搵咗一個,唔記得喺邊個日本做漆木好出名嘅小鎮買嘅,好靚嘅漆木盒出嚟,放喺餐枱,然後將嗰晚朋友俾嗰啲錢,放咗落去。當時個心暗喜——你知道有時去到呢類小鎮,佢又好出名做某啲手工藝,咁去得到,就一定要買啲返屋企啦,但係通常嗰啲嘢,拎到返屋企之後,都唔知有咩用,所以我好開心嗰個漆木盒終於有用。
如是者,嗰個盒,就長期放喺我餐枱,邊個嚟到食飯飲嘢,鍾意捐錢就捐錢,唔捐都冇所謂,隨緣樂作,冇壓力。而每一期,我都會話俾呢啲朋友聽,今期呢筆錢,係會捐俾某某有需要嘅機構等等。
呢條橋,我都喺節目講過,但係當然有啲後續未講啦!
我好開心做咗呢件事,朋友又感覺良好,某程度上,開心完一晚之後,又可以為佢哋祈福,善有善報,福有攸歸吖嘛!
但係呢件事開始咗大約半年之後,如常嗰啲飯局酒局之後,突然間有個朋友,佢挑戰我呢條橋,佢話我想捐錢,但係今晚唔會捐,因為佢唔鍾意嗰期我會捐去嗰個機構。我話冇所謂,唔捐咪唔捐囉,話到明隨緣樂作,冇人逼你,你唔會下次冇得再嚟㗎,下次你再嚟嗰時,到時轉左另一個機構,咁你感覺舒服,咪到時鍾意先捐囉⋯⋯
我覺得我回應得幾好吖,起碼大方得體,點知嗰晚,我哋再用咗一支紅酒嘅時間,去討論到底啲賓客,有冇權去選擇佢哋想捐錢嘅機構。
結論係點呢——以後啲賓客,當然都係隨緣樂助啦,但係可以選擇佢哋想幫助嘅機構。
嗰晚因為已經係深夜,再加上我醉醉地,所以應承咗!
第二朝我醒咗,清醒返,諗諗吓,唔多啱數喎!我咁多賓客,呢個話要捐俾A機構,嗰個話要捐俾B機構,阿豬阿狗又話要捐俾C呀D呀機構,咁我張餐枱,咪要有好多個盒,仲邊有地方食飯啊!你哋如果咁鍾意你哋想捐錢俾嗰個特定嘅機構,咁咪自己去捐囉,呢個場,係我㗎,我可以話事㗎,你要捐,我代我選擇嗰個機構多謝你,你唔捐,其實冇人會怪你㗎!
正如好似你去到某啲國家,要入鄉隨俗㗎嘛。例如泰國,你唔可以隨便見到人哋個BB仔,覺得佢好得意,然後去摸佢個頭。咁如果你同我講:我去到咩國家都好,見到啲BB仔,覺得佢好得意,我都一定要摸吓佢個頭㗎!咁你咪唔好去泰國囉!就係咁簡單咋嘛。我覺得你嚟得到我屋企,你想捐錢就捐,唔想捐就唔捐,根本唔使問我嗰啲錢捐去乜嘢機構。因為你嚟得我個場,就要尊重個場嘅主人嘅選擇!
又咁講吖,如果我咁專制,要你捐咗錢先可以離場,咁我都唔會再有朋友嚟我屋企啦!
最後想講,我原本諗出呢條橋,係純粹出於善心,心諗可以造福幾方面嘅人或單位,如果嗰個客人,咁樣都可以挑機,根本可能係嗰個客人唔夠善心?或者唔夠尊重主場嘅主人嘅一顆善心?
我明白善心都要理智,所以好多人都會好心做壞事,如果你認為我係嗰種會好心做壞事低智嘅人,咁你都有你嘅選擇,下次咪唔好再嚟我屋企囉!
善心應該係宏大嘅,你有善心,咁應該對我嘅選擇都要有善心。
歌曲:梅艷芳 《心經》
我屋企,喺我啲親朋好友口中,係一間party House。我個人又咁鍾意熱鬧,好順理成章啫。
好嘞,喺大約兩三年前,某一晚,我如常大宴親朋,食完飯之後就飲酒作樂⋯⋯啲朋友飲飽食醉之後,有幾個新朋友,提意話嗰晚餐飯,不如大家夾返錢。咁我就一貫客套地推搪,嗰啲朋友就死都唔肯,臨走前,死都要放低錢。嗰刻我突然靈機一觸,建議不如將啲錢捐咗出去。大家都深表同意,完美結局。
嗰晚,我搵咗一個,唔記得喺邊個日本做漆木好出名嘅小鎮買嘅,好靚嘅漆木盒出嚟,放喺餐枱,然後將嗰晚朋友俾嗰啲錢,放咗落去。當時個心暗喜——你知道有時去到呢類小鎮,佢又好出名做某啲手工藝,咁去得到,就一定要買啲返屋企啦,但係通常嗰啲嘢,拎到返屋企之後,都唔知有咩用,所以我好開心嗰個漆木盒終於有用。
如是者,嗰個盒,就長期放喺我餐枱,邊個嚟到食飯飲嘢,鍾意捐錢就捐錢,唔捐都冇所謂,隨緣樂作,冇壓力。而每一期,我都會話俾呢啲朋友聽,今期呢筆錢,係會捐俾某某有需要嘅機構等等。
呢條橋,我都喺節目講過,但係當然有啲後續未講啦!
我好開心做咗呢件事,朋友又感覺良好,某程度上,開心完一晚之後,又可以為佢哋祈福,善有善報,福有攸歸吖嘛!
但係呢件事開始咗大約半年之後,如常嗰啲飯局酒局之後,突然間有個朋友,佢挑戰我呢條橋,佢話我想捐錢,但係今晚唔會捐,因為佢唔鍾意嗰期我會捐去嗰個機構。我話冇所謂,唔捐咪唔捐囉,話到明隨緣樂作,冇人逼你,你唔會下次冇得再嚟㗎,下次你再嚟嗰時,到時轉左另一個機構,咁你感覺舒服,咪到時鍾意先捐囉⋯⋯
我覺得我回應得幾好吖,起碼大方得體,點知嗰晚,我哋再用咗一支紅酒嘅時間,去討論到底啲賓客,有冇權去選擇佢哋想捐錢嘅機構。
結論係點呢——以後啲賓客,當然都係隨緣樂助啦,但係可以選擇佢哋想幫助嘅機構。
嗰晚因為已經係深夜,再加上我醉醉地,所以應承咗!
第二朝我醒咗,清醒返,諗諗吓,唔多啱數喎!我咁多賓客,呢個話要捐俾A機構,嗰個話要捐俾B機構,阿豬阿狗又話要捐俾C呀D呀機構,咁我張餐枱,咪要有好多個盒,仲邊有地方食飯啊!你哋如果咁鍾意你哋想捐錢俾嗰個特定嘅機構,咁咪自己去捐囉,呢個場,係我㗎,我可以話事㗎,你要捐,我代我選擇嗰個機構多謝你,你唔捐,其實冇人會怪你㗎!
正如好似你去到某啲國家,要入鄉隨俗㗎嘛。例如泰國,你唔可以隨便見到人哋個BB仔,覺得佢好得意,然後去摸佢個頭。咁如果你同我講:我去到咩國家都好,見到啲BB仔,覺得佢好得意,我都一定要摸吓佢個頭㗎!咁你咪唔好去泰國囉!就係咁簡單咋嘛。我覺得你嚟得到我屋企,你想捐錢就捐,唔想捐就唔捐,根本唔使問我嗰啲錢捐去乜嘢機構。因為你嚟得我個場,就要尊重個場嘅主人嘅選擇!
又咁講吖,如果我咁專制,要你捐咗錢先可以離場,咁我都唔會再有朋友嚟我屋企啦!
最後想講,我原本諗出呢條橋,係純粹出於善心,心諗可以造福幾方面嘅人或單位,如果嗰個客人,咁樣都可以挑機,根本可能係嗰個客人唔夠善心?或者唔夠尊重主場嘅主人嘅一顆善心?
我明白善心都要理智,所以好多人都會好心做壞事,如果你認為我係嗰種會好心做壞事低智嘅人,咁你都有你嘅選擇,下次咪唔好再嚟我屋企囉!
善心應該係宏大嘅,你有善心,咁應該對我嘅選擇都要有善心。
歌曲:梅艷芳 《心經》
✋热门推荐