࿑བཟའ་བཏུང་ལ་སྦྱར་དུག་འདྲེས་མེད་ཚེ་ ལུས་ཕུང་ལ་སྨན་དུ་འགྱུར་བས་ལོངས་སུ་སྤྱད་ན་ཆོག
མྱི་སེམས་ལ་ཆོ་འཕྲུལ་མེད་ཚེ་ ཕན་སེམས་ཀྱི་སྐད་ཆ་དེ་སེམས་ལ་ཕན་པས་ ཡིད་ཆེས་བྱ་ན་འགྲིག
འོན་ཀྱང་ བཟའ་བཏུང་ལ་དུག་མེད་ཀྱང་ བསྟེན་ཚུལ་མ་ལེགས་ན་དུག་ཏུ་འགྱུར།
དེ་བཞིན་དུ་ མྱི་སེམས་ལ་ཆོ་འཕྲུལ་མེད་ཀྱང་ བཤད་ལུགས་མ་ཤེས་ན་ སེམས་ལ་གནོད་འགྲོ།

༢༠༢༣\ ༡\ ༡༣\ ཉིན་ རྨ་པྲཛྙཱ་ནས།

࿑སང་ཉིན་དགོང་མོ་སྟེ་དཔལ་ལྡན་འབྲི་གུང་བཀའ་བརྒྱུད་ཀྱི་བསྟན་པའི་ཆོས་གཞིས་ཆེན་མོ་ཁམས་གྲུབ་དབང་སྒྲུབ་བརྒྱུད་ཐུབ་བསྟན་ཆོས་འཕེལ་གླིང་གི་ཟབ་ཆོས་ནཱ་རོ་ཆོས་དྲུག་དང་མན་ངག་ཕྱག་ཆེན་ལྔ་ལྡན་ཟུང་དུ་འབྲེལ་བའི་སྒྲུབ་གྲྭ་བདེ་ཆེན་གྲུབ་པའི་གླིང་གི་སྒྲུབ་ཐེངས་དགུ་བའི་སྒྲུབ་གྲྭ་བ་རྣམ་པ་ལོ་གསུམ་ཟླ་གསུམ་གྱི་སྒྲུབ་པ་ཆེན་མོ་མཐར་རུ་ཕྱིན་ཏེ་གཅོད་ཀྱི་ལུས་སྦྱིན་སོགས་ཀྱིས་ངོ་མཚར་གྱི་རྣམ་ཐར་ཚུལ་བཞིན་མཛད་པའི་དུས་སུ་ཁེལ་ཡོད་པས་སྐལ་ལྡན་བསོད་ནམས་ཅན་ཚོས་ཐུགས་སུ་འཇག་པར་འཚལ། https://t.cn/R2WxDi7

࿑དེ་རིང་སེར་བྱེས་ཀྱི་མཁས་དབང་དམ་པ་རྒན་འཇམ་དཔལ་བློ་ཤེས་མཆོག་གིས་བརྩམས་པའི་ལམ་གཙོ་རྣམ་གསུམ་གྱི་གཞུང་འགྲེལ་ཡོངས་སུ་བཀླགས་ཚར་བའི་ཉིན་དང་།མགོ་བསྡུས་གྲྭ་ནས་གཞུང་ཕར་ཕྱིན་བར་ལ་བཀའ་དྲིན་ཤིན་ཏུ་ནས་ཀྱང་ཆེ་བའི་གུས་བའི་བླ་མ་ལས་ཀྱང་བླ་མ་དགེ་བའི་བཤེས་གཉེན་ཆེན་མོ་མཆོག་གི་ལོ་སར་གྱི་སྐལ་སོགས་དུས་སྐབས་དང་འགྲིག་ཡོད་པས།མ་འོངས་བ་ན་རྗེ་བླ་མའི་གསུང་གི་ཉིང་ཁུ་ལྟ་བུ་ཚིག་ཉུང་ལ་དོན་བསྡུས་པའི་ཉམས་ལེན་གྱི་སྡོམ་ཆེན་པོ་ལམ་གཙོ་རྣམ་གསུམ་རང་རྒྱུད་ལ་སྐྱེས་བའི་རྟེན་འབྲེལ་འགྲིག་པ་བྱུང་ཡོད། https://t.cn/z8yMKma