࿐ རྙེད་པ་དཀའ་བའི་མི་ཡི་ལུས་རྟེན་ལ།

། འཁོར་བའི་སྡུག་བསྔལ་སྒྲོལ་བའི་གྲུ་བོ་ཆེ།

། འདུ་ཤེས་ཉེ་བར་བཟུང་སྟེ་ཐར་པའི་གླིང་།

། བགྲོད་ལ་གཅིག་ཏུ་བརྩོན་པའི་སྙིང་པོ་ལོངས།

།

࿐ རང་རྒྱུད་ཀྱི་སྡིག་ལྟུང་དག་པ་ལ་བླ་མ་རྡོ་རྗེ་སེམས་དཔའ་ཐུགས་དགྱེས་པས་ཞལ་འཛུམ་མདངས་སུ་བཞད་ཅིང༌། རིགས་ཀྱི་བུ་ཁྱོད་ཀྱི་སྡིག་སྒྲིབ་ཉེས་ལྟུང་ཐམས་ཅད་དག་པ་ཡིན་ནོ། །ཞེས་གསུང་གིས་དངོས་སུ་གནང་བ་བྱིན་པ་དང་ཆབས་ཅིག་བདེ་སྟོང་ཆེན་པོའི་ངོ་བོར་འོད་དུ་ཞུ་ནས་རང་ལ་ཐིམ་པའི་རྐྱེན་ལས། རང་ཉིད་ཀྱང་སྐད་ཅིག་གིས་རྡོ་རྗེ་སེམས་དཔའ་ཡབ་ཡུམ་སྐུ་མདོག་ཕྱག་མཚན་རྒྱན་ཆ་ལུགས་སོགས་མ་འདྲེས་ཤིང་ཡོངས་སུ་རྫོགས་པ་སྣང་སྟོང་མེ་ལོང་ནང་གི་གཟུགས་བརྙན་ལྟ་བུར་གསལ་བའི་ཐུགས་ཀར་ཟླ་དཀྱིལ་གྱི་དབུས་སུ་ཐུགས་སྲོག་ཧཱུྂ། ཕྱོགས་བཞིར། ཨོཾ་ བཛྲ་ ས ཏྭ འི་སྔགས་ཀྱི་ཡིག་འབྲུ་རྣམས་གསལ་བ་ལས་འོད་ཟེར་དཀར་པོ་དཔག་ཏུ་མེད་པ་འཕྲོས། འཕགས་པ་མཆོད། བྱིན་རླབས་དང་དངོས་གྲུབ་ཐམས་ཅད་ཚུར་འདུས་རང་ལ་ཐིམ། སླར་འཕྲོས་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། ཕྱི་སྣོད་ཀྱི་འཇིག་རྟེན་འོག་མིན་མངོན་པར་དགའ་བའི་ཞིང་དང༌། ནང་བཅུད་ཁམས་གསུམ་གྱི་སེམས་ཅན་ཐམས་ཅད་རྡོར་སེམས་རིགས་ལྔའི་གོ་འཕང་ལ་བཀོད། དེ་ཐམས་ཅད་དང་རང་ཉིད་ལྷན་ཅིག་པས་བཟླས་པར་བསམས་ལ།།

༄༅། །མངར་ལ་སྐྱུར་བའི་འཚོ་བའི་བར་གཟེབ་ནས།།
དགའ་ལ་སྡུག་པའི་རྣམ་འགྱུར་མང་དུ་འཁྲབ།།
བདེན་ལ་རྫུན་པའི་རང་གཤིས་མ་མཐོང་བར།།
སྣང་བ་འཁྲུལ་པས་བསླུས་པ་གྲངས་མེད་ཡིན།།

࿐ @山本次朗藏文微博་ ལས་བཏུས། https://t.cn/R2Wx3sA