དཔེ་ཀློག་ལ་དགའ་བ་དང་དཔེ་ཆ་ཀློག་ཤེས་པ།
དཔེ་ཆ་ཡག་པོ་ཀློག་པ་བཅས་ནི་སྤྱོད་ཡོན་གཉིས་
ལྡན་གྱི་མི་སྣ་སྐྱེད་བསྲིང་བྱེད་པའི་ཆ་རྐྱེན་དམིགས་
བསལ་བ་ཞིག་ཡིན་ནོ།། 爱读书、会读书、
读好书是培养德才兼备的人才
的特殊条件。

​ངའི་རེ་བ་མི་མཐོ།
​ལྟོ་རྒྱབ་ཁེབས་ཙམ་གྱིས་སྐྱིད་སྣང་ཤར་འོང་བས་ཆོག
​ངའི་རེ་བ་མི་མཐོ།
​ཕ་མ་ཞེས་པའི་སེམས་པ་ཁེན་ས་ཞིག་དང་ཕུ་ནུ་ཟེར་བའི་དཔུང་བ་གཤིབ་རོགས་དག་ཡོད་པས་ཆོག
​ངའི་རེ་བ་མི་མཐོ།
​རང་ཉིད་ཤོང་བའི་སྦྲ་གུར་ཞིག་དགོད་སྒྲས་ཁྱབ་པས་ཆོག
ངའི་རེ་བ་མི་མཐོ།
སྐྱིད་ལ་སྐྱིད་སྣང་ཤར་བས་ཆོག ལྷ་ངོ་མི་ངོ་མཐོང་བས་ཆོག

​

ཡང་མོན་བུམ་ཐང་ལ་ཕྱིན་པས། མོན་པའི་བུ་མོ་འགའ་རེས་གླུ་

འདི་འདྲས་བཏང་བྱུང་ངོ་།།

ཤོ་ནི་ལ་ཡི་ཤོ་འོ་ལ་ཡི་ཤོ་འོ་ལ་ཡི་ཤོ་འོ།

ལ་ཡོ་ལ་མོ་ལཱ་ཡོ་ཡཱ།

གསེར་གྱི་མཆོད་རྟེན་བརྒྱ་རྩ་བརྒྱད།།

སངས་རྒྱས་ཐུགས་ཀྱི་རྟེན་ཡིན་པ།།

དེ་འདྲའི་མཚོན་བྱེད་མ་ཤེས་པར།།

ངས་ནི་འབུམ་པའི་གཟུགས་སུ་བལྟས།།

ཆོས་སྐུ་གཟུགས་སུ་བལྟས་པ་མཐོལ་ལོ་བཤགས།།

ཤོག་སྔོན་ལོགས་ལ་གསེར་གྱིས་བྲིས།།

སངས་རྒྱས་གསུང་གི་རྟེན་ཡིན་པ།།

སངས་རྒྱས་གསུང་དུ་མ་ཤེས་པས།།

ངས་ནི་ཡི་གེའི་གཟུགས་སུ་བལྟས།།

བརྗོད་མེད་སྒྲ་རུ་བཟུང་བ་མཐོལ་ལོ་བཤགས།།

མཚན་དང་ལྡན་པའི་བླ་མ་རྣམས།།

སངས་རྒྱས་འདུས་པའི་སྐུ་ཡིན་པ།།

ངས་ནི་མི་ཡི་གཟུགས་སུ་བལྟས།།

བླ་མ་ཐ་མལ་བལྟས་པ་མཐོལ་ལོ་བཤགས།།

འགག་མེད་སྣང་བ་སྣ་ཚོགས་འདི།།

སྟོང་པ་ཉིད་དང་ལྷན་ཅིག་སྐྱེས།།

རང་ལ་ཡོད་པ་མ་ཤེས་པར།།

ངས་ནི་ཟབ་ཟབ་གཞན་ནས་བཙལ།།

འབྲས་བུ་རང་ངོ་མ་ཤེས་མཐོལ་ལོ་བཤགས།།

ཧྲིག་གེ་བཞག་པའི་འཁྲུལ་མེད་འདི།།

དམིགས་པ་མེད་པའི་སྒོམ་ཡིན་པ།།

རྟོག་དང་མི་རྟོག་དབྱེར་མེད་ལ།།

ངས་ནི་རྟོག་པ་ཆེད་དུ་བཀག།

མི་རྟོག་བློ་ཡིས་བཅོས་པ་མཐོལ་ལོ་བཤགས།།

མི་རྟག་སྒྱུ་མའི་ཆོས་རྣམས་ནི།།

དང་པོ་ཉིད་ནས་བསླུ་བྱེད་པ།།

རྒྱུན་དུ་བདེན་པར་བཟུང་ནས་ནི།།

ངས་ནི་སྐད་སྐད་ཀྲིག་ཀྲིག་བྱས།།

བརྫུན་ལ་བདེན་པར་བཟུང་བ་མཐོལ་ལོ་བཤགས།།

དམ་པའི་ཆོས་དང་འཇིག་རྟེན་གཉིས།།

དང་ནས་འགལ་བར་མ་ཤེས་པར།།

ངས་ནི་མདུན་མ་གཉིས་འཁྲིད་བྱས།།

གཉིས་ཀ་མེད་པ་མཐོལ་ལོ་བཤགས།།

ཆོས་ཀྱི་རྩ་བ་བྱང་ཆུབ་སེམས།།

སངས་རྒྱས་སྒྲུབ་ན་དེ་དགོས་རྒྱུར།།

ངས་ནི་ཟབ་ཟབ་མང་པོ་བསླབས།།

ལུས་སེགས་ངལ་བ་མཐོལ་ལོ་བཤགས།།

ཚོགས་གཉིས་ཤིང་རྟའི་འཁོར་ལོ་འདི།།

སྨོན་ལམ་སྟབས་ཀྱིས་བསྒྱུར་རྒྱུ་ལ།།

ངས་ནི་དགེ་རྩ་རང་གར་བཏང་།།

དགེ་བ་བྱང་ཆུབ་མ་བསྔོས་མཐོལ་ལོ་བཤགས།།