ད་ལྟ་འཆར་གཞི་ཡོད་མེད་གཉིས་ཀྱི་བར་ནས་
ཚམ་ཚོམ་མ་ཆོད་པའི་རང་གི་དོགས་པ་དང་འདྲི་གཞི་དག་
སེམས་ལྟ་བུ་གཅིག་ཁོ་ན་ཉིད་ཀྱིས་ཆོད།
ཁྱོད་ལྟ་བུ་གཅིག་ཁོ་ན་ཉིད་ཀྱིས་ཆོད།

#འཚོ་བའི་གོ་ཐོས།#
༧ སྐྱབས་རྗེ་དབལ་མང་པཎྜི་ཏ་ཆེན་པོའི་ཞལ་སྔ་ནས།

དེ་ཡང་ཀློག་སློབ་པའི་ཐོག་མར་ཀ་ཁ་སློབ་དགོས་པ་ལྟར།
བཀའ་པོད་ལྔའི་བརྡ་དོན་ལ་སྦྱངས་པའི་ཐོག་མར་བསྡུས་གྲྭའི་རིགས་པ་སླ་རིམ་ནས་སྦྱངས་དུ་འཇུག་པ་ནི།
ལས་དང་བོ་བ་རྣམས་གཞུང་དོན་ལ་འཇུག་སླ་བའི་ཐབས་མཁས་གནད་ཆེན་པོ་ཡིན་པར་གོ་དགོས།

བསྡུས་གྲྭ་སྦྱང་པ་ན།
ལྟ་བ་གཏན་ལ་འབེབས་པའི་འགོ་ཚུགས་པ་ཡིན།
ཐ་སྙད་ཚད་གྲུབ་འཇོག་པའི་འགོ་ཚུགས་པ་ཡིན།
བདེན་མེད་དང་བདེན་གྲུབ་སོགས་ཕན་ཚུན་སྤང་འགལ་གྱི་དགག་སྒྲུབ་གཏན་ལ་འབེབས་པའི་འགོ་ཚུགས་པ་ཡིན་གསུངས་སོ།

རྣམ་འགྲེལ་ལེའུ་དང་བོའི་མཐའ་དཔྱོད་ཚད་མའི་འོད་བརྒྱ་འབར་བ་ལས།
བསྡུས་གྲྭའི་ཁས་ལེན་གྱི་རིགས་པ་ནི་བོད་ཀྱི་འཁྲུལ་བ་བརྒྱ་ཕྲག་ཟློག་བྱེད་ཡིན་གསུངས་པ་ནི།
དེ་འདྲའི་ཁས་ལེན་སོང་ཚུལ་གྱི་ཞིབ་ཆ་མ་འདྲེས་པར་ཤེས་པ་གལ་ཆེ་བའི་དོན་དུ་ཤེས་དགོས་སོ།

བསྡུས་གྲྭའི་རིགས་པ་རྣམས་དབུ་མའི་ལྟ་བ་རྙེད་པའི་ཐབས་མཆོག་ཡིན་ཞེས།
༧ འཇམ་པའི་དབྱངས་དཀོན་མཆོག་བསྟན་པའི་སྒྲོན་མེ་དཔལ་བཟང་བོའི་ཞལ་སྔ་ནས་ལས་ཐོས་ཏེ།
རྗེ་ཉིད་ཀྱི་བསྡུས་གཞུང་རིགས་ལམ་འཕྲུལ་གྱི་ལྡེ་མིག་ལས།
ཁྱད་པར་གཞི་དང་མ་འབྲེལ་སྤྱི་ལྡོག་མ།།
རྣམ་པ་གཞི་མེད་སྐྱེས་བུའི་དོན་མིན་ལོ།།
ངེས་བཟུང་མེད་ལ་མེད་ཅེས་སྨྲ་བ་ཡང་།།
མི་རུང་མིང་ཙམ་དབུ་མའི་འཕྲུལ་འདེགས་ཡིན།།
ཞེས་གསུངས་པ་ལྟར་རོ།

འཛིན་མཚམས་མི་རྙེད་པའི་ཚིག་འཁྲི་བ་ཆེ་བ་ནི་དོན་དམ་དཔྱོད་བྱེད་དུ་སོང་ནས།
ཀུན་རྫོབ་མ་རྙེད་པའི་དབང་གིས་ཡིན་ཏེ།
བདེན་གཉིས་ལས།
ཇི་ལྟར་སྣང་བཞིན་དངོས་པོའི་ཕྱིར།།
འདི་ལ་དཔྱོད་པ་མི་འཇུག་གོ།
ཞེས་གསུངས་པ་ལྟར་རོ།
བསྡུས་ཚད་ཀྱི་རིགས་པ་ནི་དབུ་མའི་ལྟ་བ་ཁོ་ནར་མ་ཟད།
ནང་རིག་པའི་གཞུང་དོན་ལ་གལ་ཆེ་བ་ཡིན་ཏེ།
བསྡུས་མཚན་སོགས་ཀྱི་བརྡ་དོན་དང་།
དེའི་སྟེང་ནས་སྒྲུབ་དང་སུན་འབྱིན་ཡང་དག་ལྟར་སྣང་གི་ཁྱད་པར་འབྱེད་མ་ནུས་ན།
གཞུང་ཆེན་མོ་གང་གི་དོན་ལ་རིགས་པ་བཞིའི་སྒོ་ནས་དཔྱད་ཚུལ་ཤེས་དཀའ་བས་སོ།

ད་ནི་དངོས་ནས་ཁྱོད་ལ་སེམས་ཤོར་སོང་སྟབས།
ཁྱོད་རང་སེམས་ནས་དོར་རྒྱུ་དེ་ང་ལ་མཚོན་ན་ཆེས་ཆེ་བའི་སྡུག་བསྔལ་རེད།
ངའི་སེམས་ཀྱི་གུར་ཁང་ནང་ཁྱོད་ཁོ་ན་ལས་མེད་ཀྱང་།
ཁྱོད་ལ་ང་ནི་མི་མཁོ་བས་ང་རང་ཁྱོད་ཀྱི་འཇིག་རྟེན་ལས་ཕྱིར་འབུད་རྒྱུ་ལས་ཐབས་བཀོད་ཅི་ཡང་མེད།