རྗེ་བཙུན་མི་ལ་རས་པ་ནི་བོད་བརྒྱུད་ནང་བསྟན་གྱི་ཆོས་པའི་མིག་དཔེ་ཡིན་ཞིང་། ཁོང་ནི་བཀའ་བརྒྱུད་པའི་གྲུབ་ཆེན་ཞིག་ཡིན་ནའང་བོད་བརྒྱུད་ནང་བསྟན་གྱི་གྲུབ་མཐའ་སྤྱི་ལ་ཁོང་གི་ཤུགས་རྐྱེན་ཐེབས་པས། ད་ལྟ་འཛམ་གླིང་ན་ཁོང་མི་ཤེས་མཁན་ཕལ་ཆེར་མེད་པའི་ཚོད་དུ་ཡོད་ལ། ཁོང་གིས་བསྐྲུན་པའི་ཆེས་མཚར་བའི་རྣམ་ཐར་རེ་རེས་མི་རྣམས་ལ་རེ་བ་དང་སྙིང་སྟོབས་ལ་རྒྱ་སོགས་མང་པོ་བསྩལ། ཁོང་ལ་“ཕོ་རྒོད་པོ་མི་ལ་རས་པ”་ཞེས་མཚན་གྱི་རྣམ་གྲངས་གཞན་ཞིག་ཡོད་པ་འདི་ཞེན་ཁོག་གིས་ནང་མི་ཞིག་གིས་བཏགས་པ་ཙམ་མིན་པར་སྐབས་དེའི་སྤྱི་ཚོགས་ན་འབུར་དུ་ཐོན་ཤོས་ཀྱི་མཁས་པ་ཞིག་གི་དགོངས་ཚུལ་ཡིན་པར་གྲགས། མདོར་ན། མི་ལ་རས་པ་ནི་ཆོས་འཇིག་རྟེན་གཉིས་ཀ་ནས་མཚན་སྙན་ཧ་ཅང་ཆེ་བའི་རླབས་ཆེན་གྱི་མི་སྣ་ཞིག་དང་ཆོས་པ་ཞིག་ལགས། དེ་བས། ཁོང་གི་ཞབས་རྗེས་ནི་ལོ་རྒྱུས་ཀྱིས་ནམ་ཡང་བརྗེད་མི་སྲིད།

___གཏེར་ཆུ།

གྲོགས་པོས་གསུང་རྒྱུར”ཙན་དན་ཇོ་བོ་འདི་ནི་རྒྱལ་མཆོག་བསྐལ་བཟང་རྒྱ་མཚོས་རྩེ་ཕོ་བྲང་གི་འཕགས་པ་ལོ་ཀེ་ཤྭ་ར་དཔེར་བླངས་ནས་གོང་མ་ཆན་ལུང་ལ་ཕུལ་བ་ཡིན་ཟེར། དེའི་ཁྲི་རྒྱབ་ཏུའང་རྒྱུ་ཙན་དན་དཀར་པོ་ཡིན་པ་དང་། འབུལ་མཁན་སུ་ཡིན་པ་སོགས་བོད་རྒྱ་མན་ཇི་གསུམ་གྱི་རྒྱབ་ཡིག་འདུག་ལགས་སོ།།”

བཀའ་གདམས་ཀྱི་སྐྱེས་བུ་དམ་པ་རྣམས་ཀྱི་གསུང་བགྲོས་ཐོར་བུ།

དགུ་བ།
འཕན་ཡུལ་སྤྲས་ཀྱི་འབྲོམ་ཟ་ལོ་འཚོ་མོས་ར་སྒྲེང་དུ་ནས་ཡ་བཞི་བཅུ་ཕུལ་ནས། མིང་བོ་འབྲོམ་ཚིགས་པས་ད་རེས་གཏམ་བཏང་བ་ལ་དགེ་བའི་བཤེས་གཉེན་པ་ལགས། འདི་ན་བཞུགས་པའི་གྲྭ་བ་འདི་རྣམས་ཀྱང་ཐམས་ཅད་མཁྱེན་པའི་སངས་རྒྱས་ཐོབ་པར་བྱ་བའི་དོན་དུ་འདུས་པ་ལགས། བདག་ཅག་མིང་སྲིང་ཡང་དེ་ཉིད་ཐོབ་པར་བྱ་བའི་དོན་དུ་མཆིས་པ་ལགས་པས། དགེ་བའི་བཤེས་གཉེན་པ་ལ། ཇོ་བོ་རྗེ་ལྷ་གཅིག་གི་གདམས་པ་བུམ་པ་གང་བྱོའི་ཚུལ་དུ་མངའ་བ་ལགས་པས། དེ་རིང་སངས་རྒྱས་ཐོབ་པར་བྱ་བའི་གདམས་ངག་མི་གསང་བར་ཞུ་འཚལ་ཞེས་ཞུས་པས། དགེ་བཤེས་སྟོན་པའི་ཞལ་ནས། དང་བོ་འཆི་བ་མི་རྟག་པ་དང་ལས་རྒྱུ་འབྲས་མང་དུ་སྒོམས་ལ། རང་གིས་ཁས་བླངས་པའི་བསྲུང་སྡོམ་ཀུན་དག་པར་བྱ། བྱམས་པ་དང་སྙིང་རྗེ་མང་དུ་སྒོམས་ལ། བྱང་ཆུབ་ཀྱི་སེམས་བརྟན་པར་བྱ། དེའི་ཕྱིར་ཚོགས་གཉིས་ཐབས་སྣ་ཚོགས་ཀྱི་སྒོ་ནས་བསག །སྡིག་པ་ཐབས་སྣ་ཚོགས་ཀྱི་སྒོ་ནས་སྦྱང་བ་ལ་འབད་པར་བྱ། ཆོས་ཐམས་ཅད་འཁོར་གསུམ་མི་དམིགས་པའི་རྩིས་ཟིན་པས། དགེ་བའི་རྩ་བ་ཐམས་ཅད་སེམས་ཅན་ཐམས་ཅད་དང་ཐུན་མོང་དུ་རྫོགས་པའི་བྱང་ཆུབ་ཏུ་བསྔོ་བར་བྱ། དེ་ལྟར་བྱས་ན་ཇོ་བོ་རྗེ་དང་མ་མཇལ་སྙམ་པའི་མྱ་ངན་བྱ་མི་དགོས། སངས་རྒྱས་པར་བྱེད་པ་ལ་ཆོས་དེ་ལས་མེད། ཕྱིས་ནས་འབྲོམ་རྒད་པོ་དང་མ་ཕྲད་སྙམ་པའི་མྱ་ངན་བྱ་མི་དགོས་ཆོས་དེ་ལས་མེད་གསུང་། ། 

  དགེ་བཤེས་སྟོན་པ་ལ། དགེ་བསྙེན་ཅིག་གིས་བྱམས་པ་དང་སྙིང་རྗེ་བྱང་ཆུབ་ཀྱི་སེམས་དང་མ་བྲལ་ན། དངོས་མ་བརྒྱུད་ནས་རྟག་ཏུ་གཞན་དོན་འབྱུང་བའི་རྒྱུ་མ་ལགས་སམ་ཞུས་པས། སྟོན་པའི་ཞལ་ནས། གཞན་དོན་ཕུན་སུམ་ཚོགས་པ་འབྱུང་བའི་རྒྱུ་ཡིན་པ་ཨ་ཅང་ཆེ་སྟེ། རང་ལ་རང་དོན་ཕུན་སུམ་ཚོགས་པའི་རྒྱུར་འགྱུར་ཏེ། བྱམས་པ་དང་སྙིང་རྗེ་བྱང་ཆུབ་ཀྱི་སེམས་དང་མ་བྲལ་ན་ངན་སོང་གསུམ་དུ་སྐྱེ་མི་སྲིད་དེ། ད་ལྟ་ཉིད་ནས་ཕྱིར་མི་ལྡོག་པ་ཞེས་བྱར་གཏུབ། གལ་ཏེ་སྔོན་གྱི་ལས་ངན་ཚན་ཆེན་པོ་དང་། དེ་ལྟའི་གློ་བུར་གྱི་རྐྱེན་དྲག་པོའི་དབང་གིས་ངན་སོང་སྐྱེས་སྲིད་ཀྱང་། བྱམས་པ་དང་སྙིང་རྗེ་བྱང་ཆུབ་ཀྱི་སེམས་སྐད་ཅིག་མ་གཅིག་དྲན་པ་ཙམ་གྱིས་དེ་མ་ཐག་ཏུ་ངན་སོང་གི་སྐྱེ་གནས་དེ་ཉིད་ལས་ཐར་ནས་མཐོ་རིས་ལྷ་དང་མིའི་གོ་འཕང་ཁྱད་པར་ཅན་ཐོབ་ངེས་པ་ཡིན། དེ་ཡང་། སྤྱོད་འཇུག་ལས། འཇིག་རྟེན་བདེ་བ་ཇི་སྙེད་པ། །དེ་ཀུན་གཞན་བདེ་འདོད་ལས་བྱུང་། །འཇིག་རྟེན་སྡུག་བསྔལ་ཇི་སྙེད་པ། །དེ་ཀུན་རང་བདེ་འདོད་ལས་བྱུང་། །མང་དུ་བཤད་ལྟ་ཅི་ཞིག་དགོས། །བྱིས་པ་རང་གི་དོན་བྱེད་དང་། །ཐུབ་པ་གཞན་གྱི་དོན་མཛད་པ། །འདི་གཉིས་ཀྱི་ནི་ཁྱད་པར་ལྟོས། །ཅེས་གསུངས་པ་ལྟར་རོ། །དེས་ན་བྱམས་སྙིང་རྗེ་བྱང་ཆུབ་ཀྱི་སེམས་ནི་རང་གཞན་གཉིས་ཀའི་དོན་ཆེན་པོ་འགྲུབ་པའི་རྒྱུ་ཡིན་གསུང་། 

མུ་འགོད།  https://t.cn/z8Ac3wc