བཤེས་གཉེན་བསྟོད་པའི་ཚིག་རྒྱན་དད་པའི་སྒྲ་དབྱངས།
རབ་མཛེས་ཟླ་གཞོན་སྲིད་པའི་རྩ་སྟོངས་སུ་ཕྱུང་ཞིང་།།
རབ་མཁྱེན་རྒྱལ་བའི་ཞི་ལམ་མགྲིན་དབྱངས་སུ་འཇེབས་པ།།
རབ་གསལ་དགོངས་དོན་རྒྱལ་བའི་ཐུགས་ཀ་ནས་འཐེན་མཁན།།
རབ་བྱུང་བསྟན་པའི་རྒྱན་དུ་ཐུབ་དབང་གིས་བཀོད་དམ།།
ཆགས་མེད་རབ་དྭངས་བཅུད་ལྡན་འོ་མཚོ་ཡི་དཀྱིལ་དུ།།
སྡང་བྲལ་གཉེན་གྱི་མངའ་འདྲེན་ཡེ་ཤེས་ཀྱི་སྤྱན་གང་།།
གཏི་མུག་མུན་པའི་དབྱིངས་སུ་གསལ་ལམ་མེར་སྒྲོན་པ།།
འཇམ་དབྱངས་མཁྱེན་པའི་གཏེར་གྱི་ཕོ་ཉ་ཨང་མིན་ནམ།།
ས་འཛིན་སྒེག་མོའི་རྣ་བ་ཀྲོག་ཀྲོག་ཏུ་གཡོ་ཞིང་།།
སྟོབས་ལྡན་གྲགས་པའི་དཔལ་ཡང་རང་ཆས་སུ་འཁོར་བ།།
རབ་དྭངས་རབ་ཡངས་གང་འདོད་སྙན་འཇེབས་ཀྱི་གསུང་དབྱངས།།
ངག་དབང་ལྷ་མོའི་བརྩེ་ཆེན་ཐུགས་རྒྱུད་དུ་འཕོས་སམ།།
ཟབ་ཆོས་བདུད་རྩི་རྩེད་དགའི་དཔལ་ཡོན་དུ་བྲེལ་ཞིང་།།
ཤེས་བྱའི་སྐྱེད་མོའི་ཚལ་ནས་སློབ་ཚོགས་ཀྱི་གཙུག་ན།།
བློ་གྲོས་པདྨའི་འོད་མདངས་མངོན་གསལ་དུ་མཛེས་པ།།
མཐོང་ན་མི་མཐུན་མེད་པའི་དཔེ་བྱད་དེ་མངའ་འམ།།
རྣམ་མང་རོལ་བའི་བྱམས་བརྩེའི་གུར་ཁང་དེ་ཕུབ་ནས།།
རྣམ་དཔྱོད་གར་གྱི་འཕུར་ལྡིང་རྩལ་ཆེན་དེ་ངོམ་སྟེ།།
རྣམ་དཀར་བགྲོད་པའི་ཐབས་ལམ་དངོས་མ་དེ་སྟོན་པའི།།
རྣམ་ཐར་ལུགས་བཟང་བསྐྱང་ལ་སྲིད་པ་འདི་བཟུང་ངམ།།
དགེ་བཅུའི་དཔལ་གྱི་མཚར་སྡུག་ལམ་ལམ་འཕྱོ་ཞིང་།།
བསོད་ནམས་འབུམ་གྱིས་བསྐྲུན་པའི་དགེ་ཚོགས་ཀྱི་གནས་འདིའི།།
མཁས་མང་བྱེ་བའི་དབུས་ན་སྒྱུ་སྐར་བཞིན་གསལ་བ།།
མི་འཇིགས་རྣམ་བཞིའི་དམ་བཅའ་མཛད་ཟིན་ཅིག་མིན་ནམ།།
རྩུབ་པོའི་རྨུ་རྒོད་བརྩེ་བའི་ཀློང་ཡངས་སུ་བསུས་ཤིང་།།
མུན་པའི་འཁོར་ཚོགས་མཁྱེན་པའི་ནུས་སྟོབས་ཀྱིས་བཤིག་སྟེ།།
དམ་པའི་སྤྱོད་བཟང་ལན་གཅིག་སྟོན་པ་དེ་མཐོང་སྐབས།།
མཁས་གཞན་འཚོལ་བའི་མོས་པ་སྔོ་བསངས་མས་ཁུར་རམ།།
ཕྱོགས་བཅུའི་རྒྱལ་བའི་མཁྱེན་བརྩེས་བདག་གི་རུ་མཛད་ཅིང་།།
ས་བཅུའི་འདུན་མ་ངག་དབང་ལྷ་མོ་ཡིས་སྟོན་ཏེ།།
གཞན་དོན་མཛད་ལ་དུབ་མེད་སྙིགས་མ་འདི་བཟུང་པ།།
སྤང་པ་རྣམ་བཞི་ཞལ་བཞེས་མཛད་ཚུལ་དེ་སྟོན་ནམ།།
དཔྱོད་ལྡན་རྩེན་པའི་བློ་གྲོས་མངོན་མངོན་དུ་འཁྱུད་ཅིང་།།
བདེ་བའི་ཞི་སྒོ་གཅིག་པའི་ལམ་བཟང་གི་མ་མ།།
མཁས་དང་རྟོགས་པའི་དབུས་ན་བསྒྲུན་མེད་དུ་འཁོད་པ།།
མཚན་དཔེ་གསལ་རྫོགས་གྲུབ་ལས་གཞན་དོན་དེ་སྒྲུབ་བམ།།
མདོར་ན་མཚར་སྡུག་དབྱངས་ཀྱི་བདག་མོ་ཡི་གསུང་སྲས།།
བློ་གྲོས་མཁྱེན་པའི་གཏེར་གྱི་མཛོད་འཛིན་པའི་ཐུགས་སྲས།།
སྐལ་བཟང་རྣམ་འདྲེན་བཞི་པས་དངོས་བཟུང་གི་སྐུ་སྲས།།
རྒྱལ་བ་ཀུན་ཀྱང་དགྱེས་པའི་མཛད་ཆེན་དེས་ངལ་ལམ།།
ཞེས་དམ་པ་གང་གི་ཞབས་རྡུལ་ཕྲ་མོ་ཙམ་ཡང་སྤྱི་བོར་ལེན་པའི་སློབ་བུའི་ཚོགས་ཀྱི་ཐ་ཤལ་བ་ཡོན་ཏན་དར་རྒྱས་ཀྱིས་བྲིས།
རབ་མཛེས་ཟླ་གཞོན་སྲིད་པའི་རྩ་སྟོངས་སུ་ཕྱུང་ཞིང་།།
རབ་མཁྱེན་རྒྱལ་བའི་ཞི་ལམ་མགྲིན་དབྱངས་སུ་འཇེབས་པ།།
རབ་གསལ་དགོངས་དོན་རྒྱལ་བའི་ཐུགས་ཀ་ནས་འཐེན་མཁན།།
རབ་བྱུང་བསྟན་པའི་རྒྱན་དུ་ཐུབ་དབང་གིས་བཀོད་དམ།།
ཆགས་མེད་རབ་དྭངས་བཅུད་ལྡན་འོ་མཚོ་ཡི་དཀྱིལ་དུ།།
སྡང་བྲལ་གཉེན་གྱི་མངའ་འདྲེན་ཡེ་ཤེས་ཀྱི་སྤྱན་གང་།།
གཏི་མུག་མུན་པའི་དབྱིངས་སུ་གསལ་ལམ་མེར་སྒྲོན་པ།།
འཇམ་དབྱངས་མཁྱེན་པའི་གཏེར་གྱི་ཕོ་ཉ་ཨང་མིན་ནམ།།
ས་འཛིན་སྒེག་མོའི་རྣ་བ་ཀྲོག་ཀྲོག་ཏུ་གཡོ་ཞིང་།།
སྟོབས་ལྡན་གྲགས་པའི་དཔལ་ཡང་རང་ཆས་སུ་འཁོར་བ།།
རབ་དྭངས་རབ་ཡངས་གང་འདོད་སྙན་འཇེབས་ཀྱི་གསུང་དབྱངས།།
ངག་དབང་ལྷ་མོའི་བརྩེ་ཆེན་ཐུགས་རྒྱུད་དུ་འཕོས་སམ།།
ཟབ་ཆོས་བདུད་རྩི་རྩེད་དགའི་དཔལ་ཡོན་དུ་བྲེལ་ཞིང་།།
ཤེས་བྱའི་སྐྱེད་མོའི་ཚལ་ནས་སློབ་ཚོགས་ཀྱི་གཙུག་ན།།
བློ་གྲོས་པདྨའི་འོད་མདངས་མངོན་གསལ་དུ་མཛེས་པ།།
མཐོང་ན་མི་མཐུན་མེད་པའི་དཔེ་བྱད་དེ་མངའ་འམ།།
རྣམ་མང་རོལ་བའི་བྱམས་བརྩེའི་གུར་ཁང་དེ་ཕུབ་ནས།།
རྣམ་དཔྱོད་གར་གྱི་འཕུར་ལྡིང་རྩལ་ཆེན་དེ་ངོམ་སྟེ།།
རྣམ་དཀར་བགྲོད་པའི་ཐབས་ལམ་དངོས་མ་དེ་སྟོན་པའི།།
རྣམ་ཐར་ལུགས་བཟང་བསྐྱང་ལ་སྲིད་པ་འདི་བཟུང་ངམ།།
དགེ་བཅུའི་དཔལ་གྱི་མཚར་སྡུག་ལམ་ལམ་འཕྱོ་ཞིང་།།
བསོད་ནམས་འབུམ་གྱིས་བསྐྲུན་པའི་དགེ་ཚོགས་ཀྱི་གནས་འདིའི།།
མཁས་མང་བྱེ་བའི་དབུས་ན་སྒྱུ་སྐར་བཞིན་གསལ་བ།།
མི་འཇིགས་རྣམ་བཞིའི་དམ་བཅའ་མཛད་ཟིན་ཅིག་མིན་ནམ།།
རྩུབ་པོའི་རྨུ་རྒོད་བརྩེ་བའི་ཀློང་ཡངས་སུ་བསུས་ཤིང་།།
མུན་པའི་འཁོར་ཚོགས་མཁྱེན་པའི་ནུས་སྟོབས་ཀྱིས་བཤིག་སྟེ།།
དམ་པའི་སྤྱོད་བཟང་ལན་གཅིག་སྟོན་པ་དེ་མཐོང་སྐབས།།
མཁས་གཞན་འཚོལ་བའི་མོས་པ་སྔོ་བསངས་མས་ཁུར་རམ།།
ཕྱོགས་བཅུའི་རྒྱལ་བའི་མཁྱེན་བརྩེས་བདག་གི་རུ་མཛད་ཅིང་།།
ས་བཅུའི་འདུན་མ་ངག་དབང་ལྷ་མོ་ཡིས་སྟོན་ཏེ།།
གཞན་དོན་མཛད་ལ་དུབ་མེད་སྙིགས་མ་འདི་བཟུང་པ།།
སྤང་པ་རྣམ་བཞི་ཞལ་བཞེས་མཛད་ཚུལ་དེ་སྟོན་ནམ།།
དཔྱོད་ལྡན་རྩེན་པའི་བློ་གྲོས་མངོན་མངོན་དུ་འཁྱུད་ཅིང་།།
བདེ་བའི་ཞི་སྒོ་གཅིག་པའི་ལམ་བཟང་གི་མ་མ།།
མཁས་དང་རྟོགས་པའི་དབུས་ན་བསྒྲུན་མེད་དུ་འཁོད་པ།།
མཚན་དཔེ་གསལ་རྫོགས་གྲུབ་ལས་གཞན་དོན་དེ་སྒྲུབ་བམ།།
མདོར་ན་མཚར་སྡུག་དབྱངས་ཀྱི་བདག་མོ་ཡི་གསུང་སྲས།།
བློ་གྲོས་མཁྱེན་པའི་གཏེར་གྱི་མཛོད་འཛིན་པའི་ཐུགས་སྲས།།
སྐལ་བཟང་རྣམ་འདྲེན་བཞི་པས་དངོས་བཟུང་གི་སྐུ་སྲས།།
རྒྱལ་བ་ཀུན་ཀྱང་དགྱེས་པའི་མཛད་ཆེན་དེས་ངལ་ལམ།།
ཞེས་དམ་པ་གང་གི་ཞབས་རྡུལ་ཕྲ་མོ་ཙམ་ཡང་སྤྱི་བོར་ལེན་པའི་སློབ་བུའི་ཚོགས་ཀྱི་ཐ་ཤལ་བ་ཡོན་ཏན་དར་རྒྱས་ཀྱིས་བྲིས།
ལྷོ་ལམ་བྱེ་མ་ཅན་གྱི་ཐང་དུ་ངལ་བའི་རྐང་འགྲོས་རབ་བཀོད་ཅིང་།།
ངམ་ནག་རྒྱ་མཚོའི་འོབས་ཀྱིས་བསྐོར་བའི་ས་ཡི་མུ་ཁྱུད་མངོན་བརྒལ་ཏེ།།
གཅེས་ཤིང་ཕངས་པའི་སྲོག་གི་ཉག་ཐག་རལ་གྲིའི་སོ་ལ་དྲངས་པ་ལས།།
དཀའ་བའི་ལོ་ཟླ་རིང་མོ་ཟད་ནས་ཅི་ཞིག་ལྟར་སྟེས་གཞུང་འདི་གྲུབ།།
བློ་གྲོས་སྤོབས་པའི་རང་གཤིས་རེ་རེར་གངས་སེང་གཡུ་རལ་ང་རོ་སྒྲོགས།།
གངས་ཅན་ཐུན་མིན་རིག་གཞུང་དག་ལ་དཔྱད་རྟོཊ་དཔལ་གྱི་ཟིལ་གནོན་ཁྱབ།།
རང་སྡེར་གཅེས་པའི་ལྷག་བསམ་འོ་དཀར་མ་ངེས་རིག་པའི་སྟོབས་ཀྱི་སྒྲུབ།།
རྟོཊ་སད་དྭངས་མའི་བེཌཱུརྱ་ཁྱེད་བདག་བློའི་མུན་སེལ་སྒྲོན་མེར་རྟག་ཏུ་གུས།།
ངམ་ནག་རྒྱ་མཚོའི་འོབས་ཀྱིས་བསྐོར་བའི་ས་ཡི་མུ་ཁྱུད་མངོན་བརྒལ་ཏེ།།
གཅེས་ཤིང་ཕངས་པའི་སྲོག་གི་ཉག་ཐག་རལ་གྲིའི་སོ་ལ་དྲངས་པ་ལས།།
དཀའ་བའི་ལོ་ཟླ་རིང་མོ་ཟད་ནས་ཅི་ཞིག་ལྟར་སྟེས་གཞུང་འདི་གྲུབ།།
བློ་གྲོས་སྤོབས་པའི་རང་གཤིས་རེ་རེར་གངས་སེང་གཡུ་རལ་ང་རོ་སྒྲོགས།།
གངས་ཅན་ཐུན་མིན་རིག་གཞུང་དག་ལ་དཔྱད་རྟོཊ་དཔལ་གྱི་ཟིལ་གནོན་ཁྱབ།།
རང་སྡེར་གཅེས་པའི་ལྷག་བསམ་འོ་དཀར་མ་ངེས་རིག་པའི་སྟོབས་ཀྱི་སྒྲུབ།།
རྟོཊ་སད་དྭངས་མའི་བེཌཱུརྱ་ཁྱེད་བདག་བློའི་མུན་སེལ་སྒྲོན་མེར་རྟག་ཏུ་གུས།།
འདི་ནི་དུས་རབས་བཅུ་བཞི་བར་འབྲི་གུང་དཔལ་འཛིན་གྱིས་མཛད་པའི༼ཆོས་དང་ཆོས་མ་ཡིན་པའི་རབ་བྱེད༽བྱ་བའི་དཔེ་རྒྱུན་ཧ་ཅང་དཀོན་པའི་མ་ཕྱི་དེ་རེད། དེ་ནས་ལོ་ཉིས་བརྒྱ་ལྷག་གི་རྗེས་ཏེ། དུས་རབས་བཅུ་དྲུག་པར་སོག་བཟློག་པ་བློ་གྲོས་རྒྱལ་མཚན་གྱིས་འདི་ལ་དགག་ལན་ཞིབ་མོ་ཞིག་བྲིས་ཡོད། ཕྱིས་སུ་འབྲི་གུང་དཔལ་འཛིན་གྱི་ཀརྨ་པར་ཆབ་ཤོག་ཅིག་བྲིས་ཡོད། བདག་གིས༼དབའ་བཞེད་བསྐྱར་ཞིབ༽ཀྱི་དཔྱད་རྩོམ་དེ་འབྲི་དུས་སུ་འདི་ལ་ཁུངས་བཅོལ་ཡོད། དིང་སང་བོད་ལྗོངས་སློབ་ཆེན་གྱི་འབུམ་རམས་པ་སྣབས་ལུག་ཅིག་གིས༼དབའ་བཞེད་བསྐྱར་ཞིབ༽ལ་ཀླན་ཀ་འཚོལ་བའང་ཐོས་མོད། མུ་ཏོའི་སྤྲང་ཁུག་ཙམ་ལས་རྡོ་རྗེ་གདན་ལ་ཙི་གུས་སོ་འདེབས་པའི་ངང་ཚུལ་ལ་སོང་་ཡོད་སྙམ་པས་ཁུ་སིམ་མེར་བཞག་ཡོད། མདོར་ན། གཡས་རུའི་མཁས་དབང་འབྲི་གུང་དཔལ་འཛིན་གྱི༼སྔགས་ལོག་སུན་འབྱིན༽འདི་ནི་རྒྱལ་རབས་དབའ་བཞེད་ཀྱི་འཕེལ་རིམ་ལ་དབྱེ་ཞིབ་བྱེད་པར་མེད་དུ་མི་རུང་པ་ཡིན། — བན་ཤུལ་པས་ལྷ་སར།
✋热门推荐