ཚོར་བའི་སྣང་བ།

_ ཁམས་འོད་མ།

སྤྲིན་པའི་མཁའ་ཀློང་འོག་ནས།།
མུ་ཏིག་མགུར་མ་གྱོན་མཁན།།
ཐོལ་བྱུང་སྙན་ངག་ཅིག་གིས།།
འཕྲལ་མ་ཁྱོད་རང་དྲན་དུས།།
སེམས་ཀྱི་གཞས་ཆུང་ཞིག་ལ།།
རྣམ་ཤེས་འཁྲེང་དགོས་བྱུང་ངོ་།།

འདི་སྣང་སྲིད་པའི་དབྱིངས་སུ།།
སྣང་བའི་གར་ལ་འཁྱུད་པའི།།
མཛེས་པའི་ལང་ཚོ་འགའ་ཡི།།
ཚིག་དུམ་ངག་ལ་ཐོགས་དུས།།
སྣ་ཚོགས་མིག་ལ་འཁྲུལ་བའི།།
འཇིག་རྟེན་སུན་པའི་འདང་ལ།།
དགའ་སྡུག་ལན་མང་ཡིན་སོང་།།

༢༠༢༣/༦/༢༠ཉིན།

རིག་སྟོང་འཇམ་དཔལ་གཞོན་ནུའི་བྱིན་རླབས་ལས།།
དགོངས་པའི་ཀློང་ནས་སྤོབས་པའི་གཏེར་བརྒྱད་གྲོལ།།
ལུང་རྟོགས་ཆོས་མཛད་རྒྱ་མཚོའི་མངའ་བདག་མཆོག།
མི་ཕབ་འཇམ་པའི་དབྱངས་ལ་གསོལ་འདེབས།།

མདང་ནུབ་མཚན་དཀྱིལ་ལ་ཐུག་རག་བར་དུ་རོལ་རྩེད་བརྩེས་བས
ཁང་སྟོང་ཞིག་གི་ནང་ནས་ཉལ་དེ ད་དུང་མལ་ལས་ལངས་མེད
ཡིན་ཡང་རང་དབང་མེད་པར་དྲན་པའི་འཆར་སྒོ་ཁྱོད་སར་འཁོར
“གཡང་བྷོ” སྒོ་ཁའི་སྡོང་བོ་མཛེས་ཉམས་དང་ཞི་འཇགས་ཀྱི་གནས་པ་མཐོང་ཚེ
ངའི་ཞེ་ལ་འཁོར་ཡོང་བ་ནི་ཁྱོད་ཀྱི་གཤིས་ཀ་འཇམ་པོ་དེ་རེད་ལ
ད་དུང་འཛུམ་མུལ་མུལ་གྱི་ཞལ་རས་དུང་ཟླ་འདྲ་བོ་དེ་ཡང་རེད
“གཡང་བྷོ”
དབྱར་ཟླ་མགོ་མ་དེ
མེ་ཏོག་གིས་ས་གཞི་གཏམས་པའི་དུས་ཚིགས་དང
སྐར་འོད་ཀྱིས་ནམ་མཁའ་གསལ་བའི་དུས་ཚིགས་འདི་རུ
ངའི་སེམས་པའི་མཐིལ་དུ་གསལ་ལྷང་ངེར་ཚེས་བའང་ཁྱོད་རང་ཡིན