༄༅།། བྱང་ཆུབ་སེམས་ཀྱི་སྨོན་ལམ་བཞུགས་སོ།།

བདག་གིས་བསྒྲུབས་པའི་དགེ་བ་འདིས།། འགྲོ་ཀུན་བདེ་སྐྱིད་ལྡན་པར་ཤོག། སེམས་ཅན་སྡུག་བསྔལ་ཅི་ཡོད་པ།། མ་ལུས་བདག་གིས་སྦྱང་བར་ཤོག། དུས་ཀུན་རྣམ་པ་ཐམས་ཅད་དུ།། སྡིག་པའི་གྲོགས་དང་མི་འཕྲད་ཤོག། སྐྱེ་ཞིང་སྐྱེ་བ་ཐམས་ཅད་དུ།། ཆོས་མཐུན་གྲོགས་དང་འཕྲད་པར་ཤོག། ཐེག་ཆེན་ཚུལ་བཞིན་སྟོན་ནུས་པའི།། བླ་མ་དམ་པ་མཇལ་བར་ཤོག། མཇལ་ནས་ཀུན་ཏུ་མཉེས་བྱེད་ཅིང་།། ཡང་དག་ལམ་ལ་སློབ་པར་ཤོག། བསམ་པ་བཟང་པོ་བྱང་ཆུབ་སེམས།། ཉིན་མཚན་མེད་པར་སྦྱོང་བར་ཤོག། རྒྱས་སྲས་འཕགས་པའི་ས་ཐོབ་ནས།། མ་ལུས་བདག་གིས་འདྲེན་པར་ཤོག། ཅེས་རྗེ་བཙུན་མི་ལ་རས་པས་གསུངས་སོ།།

࿇ གུ་ཡངས་སེམས་ཀྱི་སྒོ་མོ་མ་དོག་པ་ཡིན་ན། རྒྱལ་ཁམས་མཛེས་པའི་དཔལ་ཡོན་རྣམས་རང་ཤུགས་ཀྱིས་འདུས་ཡོང་། —- ཁྱབ་བདག་རྫོགས་ཆེན་པས།།
༶ 只要心胸开阔，世间的繁华荣光将会自然的凝聚。 —- 大圆满尊者白玛格桑法王#尖单瓦[超话]# https://t.cn/R08xaRT

དེང་རབས་བོད་སྐད་ཤན་སྦྱར་མིང་མཛོད་རྩོམ་སྒྲིག་དཔྱད་གླེང་ཚོགས་འདུ་ཐེངས46པ་ཕྱི་ལོ2023.7.1དང་བོད་ཆུ་ཡོས་ལོའི་བོད་ཟླ་ལྔ་པའི་ཚེས་བཅུ་གསུམ་ཉིན་ཁྲིན་ཏུའུ་གྲོང་ཁྱེར་དུ་བསྡུས་ཏེ་དེ་རིང་སྟེ་ཕྱི་ལོ2023.7.7དང་བོད་ཆུ་ཡོས་ལོའི་བོད་ཟླ་ལྔ་བའི་ཚེས་བཅུ་དགུ་ཉིན་མཇུག་གྲོལ་ཡོད་པ་རེད།‍‍‍‍‍‍‍‍‍‍‍‍‍‍

གཙོ་སྒྲིག་པ། མཁན་ཆེན་ཚུལ་ཁྲིམས་བློ་གྲོས། ཚོགས་ཐེངས་༤༦པའི་སྟེང་དུ་ཕེབས་པའི་དགེ་རྒན་རྣམ་པ། དགེ་རྒན་ཆེན་མོ་འཇུ་སྐལ་བཟང་། འཇུ་བཀྲ་ཤིས་བཟང་པོ། བསོད་ནམས་བསྟན་འཛིན། ཚེ་རིང་བཀྲ་ཤིས། ཐུབ་བསྟན་དགེ་ལེགས། རིག་འཛིན་རྒྱལ་མཚན། པདྨ་བདུད་འདུལ། ཆོས་ཉིད་རྡོ་རྗེ། མཁའ་མོ་རྒྱལ། གཡུ་མཚོ། བསྟན་འཛིན་དབྱངས་སྒྲོན། ཚེ་རིང་ལྷ་མཚོ་བཅས་ཆེད་མཁས་པའི་དགེ་རྒན་མང་པོ་ཕེབས་ཡོད་པ་རེད། ཚོགས་འདུ་ཉིན་བདུན་གྱི་རིང་མཁས་པ་རྣམས་ཀྱིས་ཐ་སྙད་གསར་པ་གཏན་འབེབས་དང་དེའི་སྐོར་གྱི་དཔྱད་གླེང་ཞིབ་རྒྱས་བྱས་པ་རེད།༢༠༠༥ལོ་ནས་བཟུང་མི་ལོ་ཧྲིལ་བོ་བཅུ་དགུའི་རིང་མིང་མཛོད་དཔྱད་གླེང་ཚོགས་འདུ་རིམ་པ་ལྟར་བསྡུས་ཏེ་ད་རེས་ཀྱི་མིང་མཛོད་དཔྱད་གླེང་ཚོགས་འདུ་སྐབས༤༦པར་ཁེལ་ཀྱིན་ཡོད་པ་རེད།

འདས་མ་ཐག་པའི་དུས་རབས་ཉི་ཤུ་པའི་ནང་དུ་སྐད་རིགས་སྟོང་ཕྲག་གཅིག་ནུབ་སྟེ། སའི་གོ་ལའི་ཐོག་ནས་མེད་པར་གྱུར། ད་ལྟ་གཟའ་འཁོར་གཉིས་རེ་ཙམ་གྱི་ནང་དུ་སྐད་རིགས་གཅིག་རེ་ནུབ་ནས་མེད་པར་འགྱུར་བཞིན་ཡོད། མ་འོངས་པའི་ལོ་བརྒྱའི་ནང་དུ་འཛམ་གླིང་གི་སྐད་རིགས་བརྒྱ་ཆ་ལྔ་བཅུ་ཙམ་ནུབ་ནས་མེད་པར་འགྱུར་རྒྱུ་རེད། བོད་གངས་ཅན་པ། རང་གི་སྐད་ཡིག་ལ་སྲོག་བཞིན་དུ་གཅེས། མིག་བཞིན་དུ་སྐྱོངས། སྙིང་བཞིན་དུ་སྲུང་བར་མཛོད། འདི་ནི་མི་རིགས་ཧྲིལ་པོ་འཚོ་གནས་བྱེད་པའི་སྲོག་དང་། བླང་དོར་གསལ་བའི་མིག་དང་། བསམ་བློ་བརྟེན་སའི་སྙིང་རེད། འདི་མེད་ན་ཐམས་ཅད་ནས་ཐམས་ཅད་མེད་པར་འགྱུར་ལ། འདི་ཡོད་ན་སྲོག་གི་དབང་པོ་ནམ་ཡང་ཡོད་པས་ཅིས་ཀྱང་འབད་པར་འཚལ་ལོ།།

ཚུལ་ཁྲིམས་བློ་གྲོས་ཀྱིས།

དེང་རབས་མིང་མཛོད་ཀྱི་མིང་ཚིག་རེ་རེ་བཞིན་འདི་ལྟར། བོད་རྒྱ་ཡིག་རིགས་གཉིས་ཀར་མཁས་ཤིང་ཕྱག་ལས་མི་ལོ་བཅུ་ཕྲག་མང་པོར་གནང་མྱོང་མཁན་གྱི་ཆོལ་གསུམ་མཁས་དབང་རྣམས་ཀྱིས་གདོང་གཏུག་ཅིང་། ཕན་ཚུན་ཐུགས་གུས་ཡོད་ཀྱང་ཞལ་གུས་ཆེར་བཞེས་མེད་པ་དང་། སྤྱི་དོན་དང་རིག་གཞུང་དཔང་དུ་བཞག་ནས་བདར་ཤ་བཅད་དེ་གཏན་འབེབས་གནང་པ་ཤ་སྟག་ཡིན་པས། ཀུན་གྱིས་ཡིད་ཆེས་ངང་སྤྱོད་པའི་རེ་བ་ཞུའོ།། ཐ་སྙད་འགའ་ཞིག་ནི་ཐད་ཀར་བརྗོད་མི་བདེ་བ་དང་དེ་ལས་འདི་དགའ་སྙམ་པ་རེ་ཟུང་ཡོད་སྲིད་ཀྱང་། དེ་ནི་ཕལ་ཆེར་རང་གི་བློས་སྤྱི་ཁོག་མ་འཆུམས་པ་ལས་བྱུང་བ་ཞིག་ཡིན་སྲིད་དོ།།
འཇུ་བཀྲ་ཤིས་བཟང་པོ་ནས།#gebaxiT[超话]#