ཁ་སང་།
བོད་རྒྱལ་ལོ་༢༡༥༠ལོའི་ཆོས་འཁོར་ཟླ་བའི་ཚེས་བཅུ་དང་བསྟུན་གསང་ཆེན་སྔ་འགྱུར་བའི་ཆོས་སྡེ་བྲག་ནག་དགོན་གྱི་བཤད་གྲྭ་བསླབ་གསུམ་དར་རྒྱས་གླིང་དུ་སློབ་དཔོན་དང་སྐྱོར་དཔོན་གྱི་མཚན་གསོལ་བའི་མཛད་སྒོ་བདེ་ལེགས་ཀྱི་ངང་ནས་མཇུག་ལེགས་པར་གྲུབ་སོང་། སྙིང་ནས་དགའ་བྱུང་།

བྱང་གི་གནམ་མཚོ་ཕྱུག་མོ་ནི་གཉན་ཆེན་ཐང་ལྷའི་བཙུན་མོ་བསྟན་མ་བཅུ་གཉིས་ཀྱི་ཡ་གྱལ་རྡོར་རྗེ་ཀུན་གྲགས་མ་ཞུ་བ་དེ་ཡིན་གསུངས་ལ་མཚོའི་དབྱིབས་ཀྱང་རྡོརརྗེ་ཀུན་གྲགས་མའི་བཞུགས་སྟབས་ལྟར་གནས་ཡོད།ཐང་ལྷའི་རི་རྒྱུད་ཀྱི་བྱང་ཕྱོགས་སུ་ས་མཐོའི་མཚེའུ་ཆེ་ཤོས་གནམ་མཚོ་ཕྱུག་མོ་ཡོད། མཚེའུ་དེའི་རྒྱ་ཁྱོན་ལ་སྤྱི་ལེ་གྲུ་བཞི་མ1993དང་ཤར་ནས་ནུབ་ཀྱི་བར་སྤྱི་ལེ70དང་། ལྷོ་ནས་བྱང་བར་སྤྱི་ལེ30དང་། གཏིང་ཚད་ལ་སྤྱི་50སྐོར། མཐོ་ཚད་རྒྱ་མཚོའི་ངོས་ལས་སྤྱི་ཁྲི4118སར་ཡོད། གནམ་མཚོའི་ཕྱེད་མིན་ཙམ་ནག་ཆུ་ས་གནས་ཀྱི་སྤང་ཁ（དཔལ་མགོན）རྫོང་ཁོངས་དང་། ཕྱེད་ལྷག་ཙམ་འདམ་གཞུང་རྫོང་ཁོངས་སུ་གནས། གནམ་མཚོ་ལ་ཉ་ཡི་གསོག་ཚད་ཧ་ཅང་ཆེན་པོ་ཡོད་སྐད། གནམ་མཚོ་ཡི་མཐའ་སྐོར་དུ་ཉིན་གྱི་དེའུ་བཅོ་བརྒྱད་དང་སྲིབ་ཀྱི་གདོང་ཆེན་བརྒྱད་ཅེས་རི་ཆུང་བཅོ་བརྒྱད་དང་རི་སྣ་བཅོ་བརྒྱད་ཡོད་ཟེར། གནམ་མཚོའི་ཆུ་ཡི་འབྱུང་ཁུངས་ནི་ཤར་དུ་ནག་ཆུ་རྫོང་ཁོངས་སུ་ཡོད་པའི་བསམ་གཏན་གངས་བཟང་དང་། ལྷོ་རུ་གཉན་ཆེན་ཐང་ལྷ། ནུབ་ཏུ་སྙེ་མོ་རྫོང་ཁོངས་ཀྱི་ཇོ་མོ་གངས་དཀར་བཅས་གངས་རི་ཆེན་པོ་གསུམ་གྱི་འབབ་ཆུ་ཡིན། གནམ་མཚོའི་གཡས་གཡོན་དུ་རྩྭ་ཐང་རྒྱ་ཆེ་ལ་རྩྭ་ཆུ་བཟང་བ། གང་སར་མེ་ཏོག་ཁྲ་ཆེམ་མེར་གནས་པས་ཡུལ་མཛེས་ཤིང་འབྲོག་ལས་བྱེད་པའི་ཆ་རྐྱེན་ཕུན་སུམ་ཚོགས་པོ་ཡོད། གནམ་མཚོ་ནི་གནས་མཆོག་ཅིག་ཏུ་བརྩིས་ཤིང（གནམ་མཚོའི་གསོལ་འདེབས）ཞེས་པར་ཕྱི་ལྟར་དབང་སྔོན་ཞུན་མ་འཁྱིལ་འདྲའི་མཚོ།། ནང་ལྟར་དཔའ་བོ་མཁའ་འགྲོ་འདུ་བའི་གནས།། གསང་བ་རྒྱལ་ཡུམ་རྡོ་རྗེ་ཀུན་གྲགས་མ།། གནས་མཆོག་གནམ་མཚོ་ཕྱུག་མོར་གསོལ་བ་འདེབས།། ཞེས་འདོན་སྲོལ་ཡོད་གནམ་མཚོའི་དཀྱིལ་་དུ་བྲག་རྡོ་དང་དེའུ་འགའ་ཤས་ཡོད་པར་ཡང་གནས་བཤད་མང་པོ་རྒྱག་སྲོལ་འདུག་གོ།

࿑ ཅི་ལ་བསམས་ཀྱང་འཇིན་རྟེན་བྱ་གཞག་ལ། །
ཡང་སྒོས་སྙིང་པོ་ཏིལ་ཙམ་མི་འདུག་པས། །
ཡུན་ཐུང་ཚེ་འདིའི་བློ་སྣ་བསྒྱུར་བྱས་ཏེ། །
ད་ནས་སྙིང་པོའི་ལྷ་ཆོས་བྱེད་པར་བྱ། །

如何思维尘世之琐事，
无有芝麻毫许之实义，
短暂此生心当急剧转，
虔诚勤修精藏胜妙法。

__/ མཁས་དབང་དགེ་འདུན་ཆོས་འཕེལ་གྱིས་སོ། །