མེ་ཏོག་གི་འདབ་མའི་ཆ་ཤས་རེ་རེ།
འགྱུར་སྐྱེན་པའི་རླུང་ཁར་ཡན།
སྐད་ཅིག་མའི་མིག་མདངས་ལས།
ཚོར་ཤེས་ཧྲིལ་བོ་འཁྱག་སིབ་སིབ་ཏུ་བཏང་།

དྲན་འཛིན་གྱི་ཡོར་བ་དལ་གྱིས་སྒུལ་ཞིང་།
སྐྱོ་སྣང་གི་རླུང་བུ་ངེས་མེད་དུ་ལྡང་དུས།
ཉི་ནུབ་དང་ས་སྲོད་ལས་རང་ཉིད་ཀྱི་གྲིབ་གཟུགས་ཀྱང་བོར་འགྲོ།

ཡིད་འབྱུང་བའི་འདས་དོན་རེ་རེ།
སེམས་པའི་གཏིང་རིམ་དུ་ཐིམ་རྗེས།
མུན་པ་དང་མཚན་མོ་ནི་སྐྱོ་བ་མཚོན་བྱེད་ཀྱི་བརྡ་ཆད་དེའོ། །

༧. ༡

རྡོ་རྗེ་སློབ་དཔོན་ཞབས་བརྟན་བཞེད་པ་འགྲུབ། །
དགེ་འདུན་སྡེ་འཕེལ་བཤད་སྒྲུབ་བསྟན་པ་དར། །
འཁོར་སློབ་སྦྱིན་བདག་མངའ་ཐང་འབྱོར་བ་རྒྱས། །
བསྟན་པ་ཡུན་རིང་གནས་པའི་བཀྲ་ཤིས་ཤོག །

་་་་་་་་་་་་་་་་་་་་་་་་་་་་་་་་་་་་་་་་་་་་་་་་

དབྱར་ཁ་འགྲོ་ལ་ཉེ།
སྟོན་ཀ་བསླེབས་གྲབས་འདུག
ཉི་མས་དེ་ཙམ་མི་འཚིག
ཉི་མ་ཡིབ་ནས་འདུག
ཆར་བ་ཆུང་ཆུང་ནི་སློབ་གྲྭར་སོང་མ་ཐག་པའི་བྱིས་པ་བཞིན།
སྐྲག་སྣང་ཅུང་ཟད་སྐྱེས།
ཀྱག་ཀྱོག་ངང་།
སྒེའུ་ཁུང་ཤེལ་ངོས་སུ་རི་མོ་གང་བྱུང་འབྲི།