སེམས་ལ་ཤིན་སྦྱངས་མེད་པ་ཡིན་ན་རྙོག་རྫོབ་ཏུ་ཚུད་སླ་བ་དང་།
ཁོང་ཁྲོ་དང་གཡོ་བ་སླ་བ། ཕྱིའི་ཁོར་ཡུག་གིས་རྐྱེན་ཞུགས་དང་ཚོད་འཛིན།
དོན་མེད་ཀྱི་བསྟོད་སྨད་ཀྱི་དབང་དུ་ཤོར་སླ་བ་མ་ཟད།
འཁྲེགས་འཛིན་དང་ཨུ་ཚུགས། བསམ་ཚུལ་གསར་བ་དང་དུ་མི་ལེན་པའི་ལྷད་ཀྱང་རྒྱུན་པར་ཞུགས་ཡོད།

ནོར་ལ་འཛིན་ཆགས་ཆུང་ན་བཟང་མོད་ཀྱང་།། ནོར་མེད་སྤྲང་པོ་ཀུན་གྱིས་མཐོང་ས་མེད།། ཕྱུག་པོའི་ཁྱི་ཡང་གྲལ་མགོར་འཇོག་དུས་འདིར།། ནོར་རྫས་ཅུང་ཟད་བསགས་པ་སྙིང་གཏམ་ཡིན།།
ཐུའུ་བཀྭན་བློ་བཟང་ཆོས་ཀྱི་ཉི་མ་ནས། https://t.cn/A6G2ZQ9a

ས་གསེར་ལུང་དབང་གི་ལུང་པ། །
རྗེ་བླ་མ་ཡུན་རིང་བཞུགས་ས། །
འཁོར་སློབ་མ་སྐར་ཚོགས་བཀྲ་ས། །
ཐུགས་སྲས་ཆེན་གཤོག་རྩལ་རྫོགས་ས། །
སྐྱིད་བདེ་ལྡན་ཞིང་ལ་འགྲན་ཡོད། །

གནས་འདི་ལས་སྐྱིད་ཅིག་རྙེད་དཀའ། །
དཔེ་ཞིང་ཁམས་བཞག་ན་མ་གཏོགས། །
ཡུལ་གཞན་གྱིས་མཚོན་ཐབས་མི་འདུག །
ས་ཐག་རིང་འགྲིམས་པའི་སྐབས་སུ། །
ཁྱོད་ཁོ་ནས་ཡིད་སེམས་གསོས་མྱངས། །

ཙི་ཏྲ་བརྞས་འཕྲལ་མར་སྦྱར་བའོ། །