ཀོང་ཇོ་ལགས་ སྒོ་རུ་བུད་དེ་མགོ་བོ་དགྱེ་ཙམ་ག

首页发布

ཀོང་ཇོ་ལགས་
སྒོ་རུ་བུད་དེ་མགོ་བོ་དགྱེ་ཙམ་གནང་དང་
ཟླ་བའང་སྤྲིན་གསེབ་ཏུ་ཡིབ་སྟེ་
རང་ཉིད་ཇི་ལྟར་འོད་གསལ་བ་མ་ཚོར་བར་
ལྗོན་ཤིང་གི་ལྗང་མདོག་ལ་ཡིབ་རེས་བྱེད་ཀྱིན་འདུག་

མཆོད་རྟེན་དཀར་པོ་དེའང་
ཇི་ལྟར་བང་རིམ་མཐོ་ཞིང་
དེ་ལྟར་རྒྱ་ཕིབས་ལ་གསེར་མདངས་བཀྲ་བ་ཤེས་ནའང་
དོན་དུ་
ཟླ་འོད་ཡོད་པའི་དྲིན་གྱིས་རེད་

ཡིབ་རེས་མ་གནང་རོགས་
ང་ནི་
ཟླ་འོད་འཕྲོས་པའི་མཆོད་རྟེན་སྟེང་གི་
རྒྱ་ཕིབས་ཀྱི་སྐས་རིམ་བྱེ་བྲག་པ་ཞིག་ལས་མིན་

ངོ་མར་བཤད་ན་
ང་ཚོ་ནམ་ཡང་དམར་རྗེན་དུ་སྐྱེས་ཡོང་བ་ཡིན་པས་
གསང་དོན་མི་འདུག་
ང་ལ་ཡང་ཁྱེད་ཀྱི་འོད་སྣང་ལས་མཁོ་ཞིག་སྲིད་གསུམ་ན་མཆིས་པ་མེད།

---རུལ་བས་རང་བ་རྫོང་ནས་གློ་བུར་དུ་བྲིས།

སྐྱབས་འགྲོའི་བསླབ་བྱའི་གཙོ་བོ་ཡང་ལས་འབྲས་ལ་བླང་དོར་བྱེད་པ་འདི་ཡིན། ལས་འབྲས་འདི་མ་བསྲུངས་ན་ངན་འགྲོར་སྐྱེ་བ་ཐག་ཆོད་ཆོད་པ་རེད། དེ་ཡང་རང་ཅག་ཕལ་ཆེ་བ་འདི་ཆོས་རང་གི་མ་ཤེས་པ་གཅིག་པུས་ངན་སོང་དུ་སོང་བ་མིན་ཡང་། ཆོས་ཤེས་ཀྱང་ལག་ཏུ་མ་བླངས་པ་དང་། ལས་འབྲས་ཁྱད་དུ་བསད་པས་ངན་སོང་དུ་འགྲོ་བ་ཆེས་མང་བ་ཡིན། ལས་འབྲས་ཁྱད་དུ་བསད་ན་མཁས་པ་དང་བཙུན་པ་ཇི་འདྲ་ཞིག་ཡིན་ཀྱང་ངན་སོང་དུ་འགྲོ། ལས་འབྲས་འདི་ལ་ནན་ཏན་མ་བྱས་ན། མཁས་པ་སྡེ་སྣོད་འཛིན་པ་དང་། གྲུབ་པ་ཐོབ་པའི་རྣལ་འབྱོར་བ་དང་། མངོན་ཤེས་དང་རྫུ་འཕྲུལ་ལ་མངའ་བརྙེེས་པ་ཡིན་ཀྱང་སྡུག་བསྔལ་མྱོང་དགོས་པ། དཔེར་ན་དགེ་སློང་ལེགས་སྐར་གྱི་བློར་སྡེ་སྣོད་བཅུ་གཉིས་དང་། ལྷས་བྱིན་གྱི་བློར་ཆོས་ཕུང་གཅིག་ཡོད་པས་ཀྱང་མ་ཕན་པར་དམྱལ་བར་སྐྱེས་པ་དེ་ཆོས་ཤེས་ཀྱང་ཉམས་སུ་མ་བླངས་པ་དང་། ལས་འབྲས་ཁྱད་དུ་བསད་པ་དང་ལས་འབྲས་ལ་དད་པ་མ་སྐྱེས་པ་ལས་བྱུང་བའོ།།