འོད་ཟེར།

སོལ་བ་ནག་པོ་ལྟ་བུའི་འཇིག་རྟེན། འབུད་ཤིང་སྐམ་པོ་ལྟ་བུའི་འཇིག་རྟེན།
སུ་ཞིག་གིས་མེ་རུ་སྦར་བ་ནས་བཟུང་།
འོད་ཟེར་ཀྱི་ཕུང་པོ་ཞིག་ཏུ་གྱུར།
འོད་ཟེར་དེས་སྨག་ནག་པའི་འཇིག་རྟེན་ལ་གནས་ལུགས་གཞན་ཞིག་འགྲེལ་བཤད་བྱས།
མག་མོག་གི་འཇིག་རྟེན་ཡང་དཀར་འཇམ་གྱི་མཛེས་དཔྱོད་རེ་རེེས་བྱབས་ཁྲུས་བརྒྱབ།
དུས་དེ་ནས་བཟུང་།
དྭངས་གཙང་དང་། འོད་ཟེར་ཞེས་པའི་མིང་ཚིག་ཀྱང་འཇིག་རྟེན་འདིར་དབུ་དབུས་འགོ་བརྩམས།
ཐ་ན་མངོན་ཆུང་བའི་འབུ་སྐྱོགས་ཚོགས་ཀྱིས་ཀྱང་འོད་ཟེར་གྱི་མཛེས་པ་ཞེས་མིང་བརྡ་སྣ་ཚོགས་ཡང་ཡང་ཟློ།
༢༠༢༣ ༩ ༡༠

༄༅།།གུང་ཐང་སྐུ་འཕྲེང་བདུན་པ་བློ་བཟང་འཇམ་དབྱངས་དགེ་ལེགས་བསྟན་པའི་མཁན་ཆེན་མཆོག་ནས་དཔལ་དུས་ཀྱི་འཁོར་ལོའི་དབང་ཆེན་སྐབས་དང་པོ་གནང་བཞིན་པའི་ཡུལ་དངོས།
དུས་ཚོད། ཧོར་ཟླ་བརྒྱད་པའི་ཚེས་གཅིག་དང་གཉིས་གསུམ་བཅས་ཉིན་གསུམ་ལ་དབང་གི་དངོས་གཞི།
ས་གནས། མཛོད་དགེ་སྨན་ལྗོངས་ཕྱུག་མོ།

མི་རྟག་པ་ཤ་སྟག་བཤད་ནས།
མི་རབས་རྗེས་མ་ལ་སེམས་ཁུར་ལར་ནས་མེད་ན།
ཁྱོད་ཀྱི་བྱང་སེམས་དང་སྙིང་རྗེ་ནི་ཅི་ཞིག་རེད།

ཆོས་ཤ་སྟག་བཤད་ནས།
འཇིག་རྟེན་མི་དགོས་ན།
སྐྱེ་བོ་ཕལ་མོ་ཆེ་ནི་འཇིག་རྟེན་དགོས་མཁན་ཡིན་ན།
དེ་ཚོ་ལ་ཕན་འདོགས་ཇི་ལྟར་བྱེད།

ཚེ་འདི་ལས་ཀྱང་ཕྱི་མ་གལ་ཆེ་ན།
དུས་རྟག་ཏུ་ཕྱི་མ་ལ་བསམས་ནས།
ད་རེས་ཀྱི་ལུས་རྟེན་འདི་བཟང་པོ་ཞིག་ཡིན་ཀྱང་།
དེ་ལ་གཅེས་སྤྲས་བྱེད་པའི་དུས་ཤིག་ཡོད་དམ།

——ལེགས་མཐོང་།