ཐུབ་བསྟན་འདུལ་ཁྲིམས་གུར་གུམ་སྙེ་མའི་ཚལ། །
ལོག་སྤྱོད་གླང་པོས་བཟའ་བར་རྩོམ་པའི་དུས། །
དཔྲལ་བའི་མིག་དང་ཁོག་པའི་སྙིང་བཞིན་དུ། །
བགས་ཡོད་བརྟན་པ་ཁྱེད་འདྲ་རེ་རེ་ཙམ། །
[鲜花][鲜花][鲜花]

ཨ་ཏི་བཀོད་པ་ཆེན་པོའི་རྒྱུད་ལས། འཇིག་རྟེན་ཁམས་ནི་ཐམས་ཅད་ཀྱི། །གསེར་དངུལ་ལ་སོགས་རྒྱུ་ལས་ནི། །སངས་རྒྱས་དཔག་ཏུ་མེད་པ་ཡི། །སྐུ་གཟུགས་གྲངས་མེད་བྱས་པ་བས། །བླ་མའི་སྐུ་འབག་སུས་བྲིས་པ། །འདི་ནི་བསོད་ནམས་ཁྱད་པར་འཕགས། །བརྒྱ་སྟོང་ཁྲི་འབུམ་ཆར་མི་ཕོད། །གང་གིས་བླ་མའི་སྐུ་འབགས་ལ། །མཆོད་ཅིང་བསྟོད་པ་སུས་བྱས་པ། །རྡོ་རྗེ་འཆང་ལ་བསྐལ་པ་བརྒྱར། །མཆོད་ཅིང་བསྟོད་པའི་བསོད་ནམས་ཆེ། །འབུམ་ཕྲག་སུམ་ཅུ་རྩ་ལྔ་ཡང༌། །ཕོད་ཅིང་མཉམ་པ་མ་ཡིན་ནོ། །གསུངས་

སྟོན་ཆར།
མེ་ཏོག་གི་འདབ་མ་རེ་རེའི་སྟེང་ལ་ཟགས།
འདབ་མ་རེ་རེའི་སྙིང་ལའང་།
འཁྱག་སིབ་སིབ་ཀྱིས་འཐིམས།

མེ་ཏོག་ལ་སྨྲ་བ་མེད་ཀྱང་།
མཆི་མ་ཡོད།
སེམས་ཞིབ་མོས་བལྟས་ན།
མཆི་མ་ལས།
ནམ་དུས་འདིའི་སྨྲེང་བ་མཐའ་དག
གསལ་གྱི་ལེར་ཚོར་ཐུབ།