࿑ཇི་སྐད་དུ། སངས་རྒྱས་མར་མེ་མཛད་ལ་ཨུཏྤལ་ལྔས། །
གཏོར་ཏེ་རལ་བ་སྟན་དུ་བཏིང་བྱས་པས། །
མི་སྐྱེའི་ཆོས་ལ་བཟོད་པ་ཐོབ་གྱུར་ནས། །
ཤཱཀྱའི་རྒྱལ་པོར་འགྱུར་ཞེས་ང་ལུང་བསྟན། ། ཞེས་གསུངས་སོ། །
我佛释迦牟尼曰：
燃灯佛前供五朵青莲，
并把长发献为其座垫；
因而获得无生法智忍，
而且授记未来释迦佛；

ངས་ཆུ་འཁྱགས་དང་འབྲས་དཀར་གྱི་ཇ་ཐུན་ལས་དམར་དྲི་བཙལ
ཚོན་མདངས་མེད་པའི་རི་མོ་ལས་ཀྱང་དྲོད་སྣང་བཙལ
གཏིང་རིང་ཞིང་བརླན་གྱིས་ཟིན་པའི་ཁྲོམ་སྲང་ལས་ཁྱོད་ཀྱི་ཆར་གདུགས་བཙལ
ངས་ཤོར་བ་ཐམས་ཅད་ཁྱོད་ཀྱི་དོ་ཡ་མིན

#དཔེ་དེབ་འོས་སྦྱོར##དུས་འཁོར་ལ་དད་པའི་མོས་ལྡན་དག་ལ་འོས་སྦྱོར་གྱི་དཔེ་དེབ་ཅིག
དེབ་མིང་ནི《ཤམྦྷ་ལའི་གསང་བ་ཟབ་མོ》
​མཛད་པ་པོ ། ཉམས་ལེན་པ་ཆེན་མོ་ཇོ་ནང་《འཇམ་དཔལ་བློ་གྲོས》
​བརྗོད་བྱ། དག་ཞིང་བྱང་ཤམྦྷ་ལ་གང་ཡིན་གྱི་ངོ་སྤྲོད་སོགས།
དེབ་འདི་​ཉིན་གསུམ་གྱི་རིང་ལ་ཀློག་ནས་གཟོད་བཀླགས་གྲུབ་པ་ཡིན། བྱང་ཤམྦྷ་ལ་ནི་ཆོས་ལུགས་མི་གཅིག་པ་ཡུལ་གྲུ་མི་གཅིག་པ་སོགས་མང་པོས་དོ་སྣང་བྱེད་པའི་གནས་ཡུལ་ཁྱད་པ་བ་ཞིག་ཡིན་འདུག་སྟབས་ངོས་བཟུང་སྟངས་ལ་མི་གཅིག་པ་མང་པོ་བྱུང་ཡོད་འདུག བོད་ཀྱི་མང་ཚོགས་ཕལ་ཆེ་བ་སོགས་ཀྱིས་ཤམྦྷ་ལ་ཞེས་པའི་མིང་ཐོས་འཕྲལ་དེ་ནི་གནས་རི་རྩ་ཆེན་ཞིག་ལ་གོ་བཞིན་ཡོད་ཚད་རེད་མོད། འོན་ཀྱང་དོན་དམ་པ་བྱང་ཤམྦྷ་ལ་ནི་གནས་རི་ཞིག་མ་ཡིན་པ་སྦས་ཡུལ་གྱི་དག་ཞིང་ཞིག་ཡིན་ཏེ། དེབ་འདིའི་ནང་དུ། སྦས་ཡུལ་ཡིན་ལ་ས་སྤྱོད་ཡིན། །འདོད་ཁམས་ཡིན་ལ་དག་ཞིང་ཡིན། །ལས་ཀྱི་ས་སྤྱོད་ཡིན་བཞིན་དུ། །ད་ལྟ་སེམས་དཔའ་ཁོ་ནའི་ཞིང་། །ཞེས་བཀོད་པ་ལྟར་འདོད་ཁམས་གཏོགས་པའི་སྦས་ཡུལ་གྱི་དག་ཞིང་ཞིག་ཡིན་པ་དང་། གནས་དེ་ཆོས་ལོངས་སྤྲུལ་གསུམ་གང་རུང་གི་ཞིང་ཁམས་མ་ཡིན་པ་བྱང་ཆུབ་སེམས་དཔའི་ལས་དང་སྨོན་ལམ་ཁོ་ནས་གྲུབ་པའི་དག་ཞིང་ཞིག་ཡིན་འདུག འདི་དུས་འཁོར་ཀྱི་ཆེད་དུ་བྱ་བའི་གདུལ་ཞིང་ཞིག་ཡིན་པས་འདིར་གནས་པའི་གང་ཟག་མ་མཐའ་ཡང་ཚོགས་ལམ་ལ་གནས་པའི་སེམས་དཔའ་སེམས་མ་ཡིན་པའོ། །འདི་ལས་སྐྱེ་སླ་བའི་ཞིང་ཁམས་གཞན་མེད་ཀྱང་སྐྱེ་མཁན་གྱི་རྟེན་ནི་དུས་འཁོར་སོགས་ལ་གཞོལ་བའི་སྔགས་པའམ་སྔགས་མ་ཞིག་ཡིན་དགོས་ཀྱི་འདུག དུས་འཁོར་ལ་གཞོལ་ཞིང་སྨོན་ལམ་གདབ་ན་སྐྱེ་བ་གཅིག་ལ་འདིར་སྐྱེ་ཐུབ་པ་དུས་འཁོར་སོགས་ལ་གསུངས་ཡོད་ཚད་རེད། ཁ་ཅིག་གིས་གངས་རིན་པོ་ཆེ་ཡིན་པ་འདོད་བཞིན་འདུག་ཀྱང་དེ་ནི་མིན་གཏན་འཁེལ་ཡིན་ཏེ། གངས་རིན་པོ་ཆེ་ནི་གནས་རི་ཡིན་པ་ལས་དག་ཞིང་མ་ཡིན་ལ་འདི་ནི་དག་ཞིང་ཡིན་པ་གསུངས་པའི་ཕྱིར། རྩོམ་པ་པོས་དམངས་ཁྲོད་དུ་མང་པོ་ཞིག་རྒྱུན་ཤེས་དབེན་ནས་གནས་རི་དང་ཞིང་ཁམས་བསྲེ་ནས་ངོས་བཟུང་འདུག་པས་འདི་གཉིས་བསྲེ་མི་རུང་སོ་སོར་ཡིན་པ་ནན་དུ་གསུངས་སོ། །