༄༅། །དབེན་པའི་གནས་ལ་བསྔགས་པ།
མཐོན་མཐིང་ལྷས་རྩེན་དགའ་མ་ཉི་ཟླ་ཡི། །
མིག་ཟུར་འཕེན་པ་གཡེམ་མའི་མུ་ཅོར་ལ། །
འཁྱུད་པར་གོམས་པ་ཆུ་ལྡན་ཆར་གྱི་སྤྲིན། །
བན་བུན་འཕྱོ་བའི་སྨན་ལྗོངས་ཉམས་སུ་བདེ། །
མཁའ་སྤྱོད་ཞིང་གི་ཡོན་ཏན་ལྟ་བའི་ཕྱིར། །
རབ་མཐོར་ལངས་པའི་ས་འཛིན་རྩེ་མོས་མཁའ། །
དྲལ་དོགས་ལྗོན་ཤིང་ཡལ་གའི་ལག་པ་ཡིས། །
རིངས་པར་གཡོབ་པའི་སྨན་ལྗོངས་ཉམས་སུ་བདེ། །
སྔོ་སངས་ཆར་སྤྲིན་གཞོན་ནུའི་མགྲིན་པ་ནས། །
འཁྱུད་པ་གངས་རིའི་བུ་མོ་ཟླ་བཞིན་མ། །
རྗེས་ཆགས་དྲོད་ཀྱིས་བཞུས་པའི་རྔུལ་ཐིགས་རྒྱུན། །
ལྷུང་ལྷུང་སྒྲ་འབྱིན་སྨན་ལྗོངས་ཉམས་སུ་བདེ། །
རླབས་འཕྲེང་སྨིན་མ་འཁྱོག་པོར་གཡོ་བའི་གླུ། །
དལ་གྱིས་ལེན་པའི་ཆུ་ཀླུང་བུ་མོའི་ཚོགས། །
དབུ་བའི་འཛུམ་དཀར་སྟོན་པས་ཡིད་འདྲེན་ཅིང་། །
མདུན་ངོར་འབབ་པའི་སྨན་ལྗོངས་ཉམས་སུ་བདེ། །
འཁྲིལ་ལྡེམ་སྔོ་ལྗང་ལོ་མས་སྟོད་གཡོགས་ནས། །
མེ་ཏོག་གདུབ་ཀོར་ལྡན་པའི་ཡལ་གའི་ལག །
བདུད་རྩིའི་འབྲས་བཟང་སྟེར་བའི་ལྗོན་ཤིང་རྣམས། །
སྒྲར་བཅས་གཡོ་བའི་སྨན་ལྗོངས་ཉམས་སུ་བདེ། །
ཉི་གཞོན་ལི་ཁྲིའི་འོད་ལ་འདབ་མ་ཟུང་། །
བརྐྱངས་ནས་འཕུར་ཞིང་ལྡིང་བའི་འདབ་ཆགས་ཁྱུ། །
མགྲིན་པའི་གླིང་བུས་དྲི་ཟའི་འཇིག་རྟེན་གྱི། །
ཁེངས་པ་འཕྲོག་པའི་སྨན་ལྗོངས་ཉམས་སུ་བདེ། །
མེ་ཏོག་འཕྲེང་ཚོགས་སྡུག་གུའི་མགོ་ལྕོག་རྣམས། །
དལ་གྱིས་ལྡེམ་པའི་འཁྲི་ཤིང་འགྲམ་པ་ནས། །
བུང་བའི་ན་ཆུང་མྱོས་པའི་གླུ་ལེན་པས། །
ཡིད་རབ་བསྒྱུར་བའི་སྨན་ལྗོངས་ཉམས་སུ་བདེ། །
སྨན་དང་མེ་ཏོག་འབར་བའི་སྐྱེད་མོས་ཚལ། །
དྲི་བཞོན་རྔ་ཡབ་དལ་བུར་གཡོབ་ལྡན་པས། །
བླངས་པའི་བསུང་ཞིམ་བསིར་བུ་དལ་གྱིས་ལྡང་། །
སྤོས་ངད་ལྡན་འདྲའི་སྨན་ལྗོངས་ཉམས་སུ་བདེ། །
རྩྭ་ལྗང་མྱུ་གུའི་ཚལ་དུ་བག་ཕབ་ནས། །
རྣ་བའི་རླུང་གཡབ་གཡོབ་པའི་རི་དྭགས་མོ། །
མགྲིན་པ་འཁྱོག་པོར་བསྐྱོད་པའི་ཕྱི་མིག་གིས། །
དུལ་བར་ལྟ་བའི་སྨན་ལྗོངས་ཉམས་སུ་བདེ། །
སྟེང་ནས་ཉི་ཟླའི་འོད་ཟེར་སྒྲོན་མེར་འདེགས། །
ཕྱོགས་ནས་དྲི་བཞོན་བསིལ་ཡབ་ངང་གིས་འཕེན། །
ཕུ་ཆུའི་རྒྱུན་སྒྲ་རྔ་ལྟར་སྙན་པས་ཡིད། །
དྭངས་པར་བྱེད་པའི་སྨན་ལྗོངས་ཉམས་སུ་བདེ། །
ཡིད་འཕྲོག་ཆུ་འཛིན་ཕུང་པོའི་གདུགས་དཀར་གཡོ། །
བསིལ་ཞིམ་སྤོས་ཆུའི་ཆར་ཟིམ་ཀུན་ནས་འཐུལ། །
ཕྱོགས་ཀྱི་འཁོར་ལོ་ན་བུན་ཡོལ་བས་བྲིས། །
དགའ་བའི་ཚལ་འདྲའི་སྨན་ལྗོངས་ཉམས་སུ་བདེ། །
སྐྱེ་མེད་དབྱངས་དང་ལྡན་པའི་འཐོར་བྱེད་བྱ། །
འགག་མེད་ཐལ་བྱུང་འབིགས་པའི་རླན་གཤེར་མཚོན། །
གནས་མེད་ཀུན་ཁྱབ་འཇུག་པའི་བརྡ་ཐབས་འདིས། །
རང་སེམས་མཚོན་པའི་སྨན་ལྗོངས་ཉམས་སུ་བདེ། །
ལྗོན་ཤིང་བསིལ་བའི་གྲིབ་མ་བག་ཕེབས་ཤིང་། །
སྔོ་ལྗང་ལོ་མའི་སྤྱིལ་བུ་ཡི་གར་འོང་། །
རང་བྱུང་ཕུག་དང་ངེས་མེད་རི་བོའི་སུལ། །
དང་བ་འདྲེན་པའི་སྨན་ལྗོངས་ཉམས་སུ་བདེ། །
སུམ་རྩེན་ལྭ་བ་དཀར་པོའི་རྡོ་ལེབ་སྟེང་། །
དཔག་བསམ་ཤིང་ལོའི་གདིང་བ་བཀྲམ་པ་ལྟའི། །
གོར་མའི་ཁྲི་མཛེས་རྩྭ་སྔོའི་མལ་སྟན་ཅན། །
ལྷ་ཡིས་བཀོད་འདྲའི་སྨན་ལྗོངས་ཉམས་སུ་བདེ། །
མཛའ་འཁོན་བར་མའི་སྐྱེ་བོའི་འདུ་འཛིས་དབེན། །
འགྲས་དང་འདྲིས་པའི་གཏམ་གྱི་འདུ་བྱེད་བྲལ། །
ཆགས་སྡང་རྨོངས་པའི་འཕྲོ་རྒོད་ངང་གིས་ཞི། །
བསམ་གཏན་འཕེལ་བའི་སྨན་ལྗོངས་ཉམས་སུ་བདེ། །
ཚེ་འདིའི་སྣང་ཤས་འཇོ་སྒེག་རོལ་པ་མོར། །
ཆགས་པ་བྲལ་བའི་སྨྲ་བཅད་སྙིང་རིང་ཡང་། །
རང་རིག་ཕྱག་ཆེན་དགའ་མར་དམ་འཁྱུད་པའི། །
ཡང་དག་རྩེ་དགའི་ཚལ་འདི་མཁས་པས་བསྟེན།།
བོད་མཁས་པའི་སྙན་ངག
མཐོན་མཐིང་ལྷས་རྩེན་དགའ་མ་ཉི་ཟླ་ཡི། །
མིག་ཟུར་འཕེན་པ་གཡེམ་མའི་མུ་ཅོར་ལ། །
འཁྱུད་པར་གོམས་པ་ཆུ་ལྡན་ཆར་གྱི་སྤྲིན། །
བན་བུན་འཕྱོ་བའི་སྨན་ལྗོངས་ཉམས་སུ་བདེ། །
མཁའ་སྤྱོད་ཞིང་གི་ཡོན་ཏན་ལྟ་བའི་ཕྱིར། །
རབ་མཐོར་ལངས་པའི་ས་འཛིན་རྩེ་མོས་མཁའ། །
དྲལ་དོགས་ལྗོན་ཤིང་ཡལ་གའི་ལག་པ་ཡིས། །
རིངས་པར་གཡོབ་པའི་སྨན་ལྗོངས་ཉམས་སུ་བདེ། །
སྔོ་སངས་ཆར་སྤྲིན་གཞོན་ནུའི་མགྲིན་པ་ནས། །
འཁྱུད་པ་གངས་རིའི་བུ་མོ་ཟླ་བཞིན་མ། །
རྗེས་ཆགས་དྲོད་ཀྱིས་བཞུས་པའི་རྔུལ་ཐིགས་རྒྱུན། །
ལྷུང་ལྷུང་སྒྲ་འབྱིན་སྨན་ལྗོངས་ཉམས་སུ་བདེ། །
རླབས་འཕྲེང་སྨིན་མ་འཁྱོག་པོར་གཡོ་བའི་གླུ། །
དལ་གྱིས་ལེན་པའི་ཆུ་ཀླུང་བུ་མོའི་ཚོགས། །
དབུ་བའི་འཛུམ་དཀར་སྟོན་པས་ཡིད་འདྲེན་ཅིང་། །
མདུན་ངོར་འབབ་པའི་སྨན་ལྗོངས་ཉམས་སུ་བདེ། །
འཁྲིལ་ལྡེམ་སྔོ་ལྗང་ལོ་མས་སྟོད་གཡོགས་ནས། །
མེ་ཏོག་གདུབ་ཀོར་ལྡན་པའི་ཡལ་གའི་ལག །
བདུད་རྩིའི་འབྲས་བཟང་སྟེར་བའི་ལྗོན་ཤིང་རྣམས། །
སྒྲར་བཅས་གཡོ་བའི་སྨན་ལྗོངས་ཉམས་སུ་བདེ། །
ཉི་གཞོན་ལི་ཁྲིའི་འོད་ལ་འདབ་མ་ཟུང་། །
བརྐྱངས་ནས་འཕུར་ཞིང་ལྡིང་བའི་འདབ་ཆགས་ཁྱུ། །
མགྲིན་པའི་གླིང་བུས་དྲི་ཟའི་འཇིག་རྟེན་གྱི། །
ཁེངས་པ་འཕྲོག་པའི་སྨན་ལྗོངས་ཉམས་སུ་བདེ། །
མེ་ཏོག་འཕྲེང་ཚོགས་སྡུག་གུའི་མགོ་ལྕོག་རྣམས། །
དལ་གྱིས་ལྡེམ་པའི་འཁྲི་ཤིང་འགྲམ་པ་ནས། །
བུང་བའི་ན་ཆུང་མྱོས་པའི་གླུ་ལེན་པས། །
ཡིད་རབ་བསྒྱུར་བའི་སྨན་ལྗོངས་ཉམས་སུ་བདེ། །
སྨན་དང་མེ་ཏོག་འབར་བའི་སྐྱེད་མོས་ཚལ། །
དྲི་བཞོན་རྔ་ཡབ་དལ་བུར་གཡོབ་ལྡན་པས། །
བླངས་པའི་བསུང་ཞིམ་བསིར་བུ་དལ་གྱིས་ལྡང་། །
སྤོས་ངད་ལྡན་འདྲའི་སྨན་ལྗོངས་ཉམས་སུ་བདེ། །
རྩྭ་ལྗང་མྱུ་གུའི་ཚལ་དུ་བག་ཕབ་ནས། །
རྣ་བའི་རླུང་གཡབ་གཡོབ་པའི་རི་དྭགས་མོ། །
མགྲིན་པ་འཁྱོག་པོར་བསྐྱོད་པའི་ཕྱི་མིག་གིས། །
དུལ་བར་ལྟ་བའི་སྨན་ལྗོངས་ཉམས་སུ་བདེ། །
སྟེང་ནས་ཉི་ཟླའི་འོད་ཟེར་སྒྲོན་མེར་འདེགས། །
ཕྱོགས་ནས་དྲི་བཞོན་བསིལ་ཡབ་ངང་གིས་འཕེན། །
ཕུ་ཆུའི་རྒྱུན་སྒྲ་རྔ་ལྟར་སྙན་པས་ཡིད། །
དྭངས་པར་བྱེད་པའི་སྨན་ལྗོངས་ཉམས་སུ་བདེ། །
ཡིད་འཕྲོག་ཆུ་འཛིན་ཕུང་པོའི་གདུགས་དཀར་གཡོ། །
བསིལ་ཞིམ་སྤོས་ཆུའི་ཆར་ཟིམ་ཀུན་ནས་འཐུལ། །
ཕྱོགས་ཀྱི་འཁོར་ལོ་ན་བུན་ཡོལ་བས་བྲིས། །
དགའ་བའི་ཚལ་འདྲའི་སྨན་ལྗོངས་ཉམས་སུ་བདེ། །
སྐྱེ་མེད་དབྱངས་དང་ལྡན་པའི་འཐོར་བྱེད་བྱ། །
འགག་མེད་ཐལ་བྱུང་འབིགས་པའི་རླན་གཤེར་མཚོན། །
གནས་མེད་ཀུན་ཁྱབ་འཇུག་པའི་བརྡ་ཐབས་འདིས། །
རང་སེམས་མཚོན་པའི་སྨན་ལྗོངས་ཉམས་སུ་བདེ། །
ལྗོན་ཤིང་བསིལ་བའི་གྲིབ་མ་བག་ཕེབས་ཤིང་། །
སྔོ་ལྗང་ལོ་མའི་སྤྱིལ་བུ་ཡི་གར་འོང་། །
རང་བྱུང་ཕུག་དང་ངེས་མེད་རི་བོའི་སུལ། །
དང་བ་འདྲེན་པའི་སྨན་ལྗོངས་ཉམས་སུ་བདེ། །
སུམ་རྩེན་ལྭ་བ་དཀར་པོའི་རྡོ་ལེབ་སྟེང་། །
དཔག་བསམ་ཤིང་ལོའི་གདིང་བ་བཀྲམ་པ་ལྟའི། །
གོར་མའི་ཁྲི་མཛེས་རྩྭ་སྔོའི་མལ་སྟན་ཅན། །
ལྷ་ཡིས་བཀོད་འདྲའི་སྨན་ལྗོངས་ཉམས་སུ་བདེ། །
མཛའ་འཁོན་བར་མའི་སྐྱེ་བོའི་འདུ་འཛིས་དབེན། །
འགྲས་དང་འདྲིས་པའི་གཏམ་གྱི་འདུ་བྱེད་བྲལ། །
ཆགས་སྡང་རྨོངས་པའི་འཕྲོ་རྒོད་ངང་གིས་ཞི། །
བསམ་གཏན་འཕེལ་བའི་སྨན་ལྗོངས་ཉམས་སུ་བདེ། །
ཚེ་འདིའི་སྣང་ཤས་འཇོ་སྒེག་རོལ་པ་མོར། །
ཆགས་པ་བྲལ་བའི་སྨྲ་བཅད་སྙིང་རིང་ཡང་། །
རང་རིག་ཕྱག་ཆེན་དགའ་མར་དམ་འཁྱུད་པའི། །
ཡང་དག་རྩེ་དགའི་ཚལ་འདི་མཁས་པས་བསྟེན།།
བོད་མཁས་པའི་སྙན་ངག
阿赖耶识就像电脑的芯片,看似空间不大,却无所不包。它一直在收录存储各种信息,你前世今生的所作造业都储存。
སྟོན་མཇུག
བཀྲ་ཌིས།{སྐྱེ་རྒུ}
གསེར་མདོག་གོས་བཟང་བཀླུབས་པའི་
འགྲུལ་བཞུད་པ་དེའང་
སླར་ཡང་ང་ཚོ་དང་
ཐག་རིང་དུ་གྱེས་གྲབས་བྱེད་བཞིན་འདུག
སྦྲ་ནག་གི་ཁྱིམ་གཞིས་ཅན་གྱི་
མཐོ་སྒང་གི་ཕ་ཡུལ་འདིར
ནངས་ནུབ་ཀུན་ཏུ་གྲང་སིབ་སིབ་ཀྱི་རླུང་བུ་ལྡང་སྟེ།
སྡོང་ལོ་སེར་པོ་གྱུར་ནས་ས་ལ་བྲུལ་ནས
རི་ཀླུང་ཀུན་ཏུ་ཁ་བ་སྐྱ་འཚུབ་འཚུབ་ཏུ་འབབ་བཞིན
དགུན་ལ་ཕྱོགས་པའི་ཚོར་སྣང་ངང་གིས་སྐྱེ།
ད་ནི་དྭངས་ཤིང་བསིལ་བའི་རྫ་ཆབ་སིལ་མ།
མཐོ་སྒང་འདི་ཁོ་ན་ལ་ཡོད་པའི་སྦྲ་ནག་གི་ཕ་ཡུལ།
འབགས་བཙོག་གིས་མ་བསླད་པའི་རི་བོ་མཐོན་པོ།
རྒས་ཟིན་པའི་ཚོར་སྣང་ཞིག་ངང་གིས་སྐྱེས།
ཉི་མ་དང་། ཟླ་བ། གངས་རི་དང་། ཆུ་བོ།
ཁོར་ཡུག་ཀུན་ཁ་དོག་འགྱུར་ཏེ།
རིམ་བཞིན་ཚུགས་ཀ་ཤོར་བ་གྱུར།
དབྱར་ཀ་ཡང་ལོ་རྒྱུས་སུ་གྱུར་ཟིན་ལ།
འབྲས་ལྡན་གྱི་དུས་ཀྱང་རྫོགས་ཏེ།
བཞི་ཤད་བཀོད་ནས་དྲན་པའི་ཡུལ་དུ་གྱུར་ཏེ།
དགུན་གྱི་ཕྱོགས་སུ་་གོམ་སྟབས་ཆེན་པོ་
ཞིག་མྱུར་དུ་སྤོ་མགོ་རྩོམ་པ་མིན་ནམ།
༢༠༢༣/༡༠/༡༡ཉིན་སྐྱེ་རྒུ་མདོ་ནས།
སྟོན་མཇུག
བཀྲ་ཌིས།{སྐྱེ་རྒུ}
གསེར་མདོག་གོས་བཟང་བཀླུབས་པའི་
འགྲུལ་བཞུད་པ་དེའང་
སླར་ཡང་ང་ཚོ་དང་
ཐག་རིང་དུ་གྱེས་གྲབས་བྱེད་བཞིན་འདུག
སྦྲ་ནག་གི་ཁྱིམ་གཞིས་ཅན་གྱི་
མཐོ་སྒང་གི་ཕ་ཡུལ་འདིར
ནངས་ནུབ་ཀུན་ཏུ་གྲང་སིབ་སིབ་ཀྱི་རླུང་བུ་ལྡང་སྟེ།
སྡོང་ལོ་སེར་པོ་གྱུར་ནས་ས་ལ་བྲུལ་ནས
རི་ཀླུང་ཀུན་ཏུ་ཁ་བ་སྐྱ་འཚུབ་འཚུབ་ཏུ་འབབ་བཞིན
དགུན་ལ་ཕྱོགས་པའི་ཚོར་སྣང་ངང་གིས་སྐྱེ།
ད་ནི་དྭངས་ཤིང་བསིལ་བའི་རྫ་ཆབ་སིལ་མ།
མཐོ་སྒང་འདི་ཁོ་ན་ལ་ཡོད་པའི་སྦྲ་ནག་གི་ཕ་ཡུལ།
འབགས་བཙོག་གིས་མ་བསླད་པའི་རི་བོ་མཐོན་པོ།
རྒས་ཟིན་པའི་ཚོར་སྣང་ཞིག་ངང་གིས་སྐྱེས།
ཉི་མ་དང་། ཟླ་བ། གངས་རི་དང་། ཆུ་བོ།
ཁོར་ཡུག་ཀུན་ཁ་དོག་འགྱུར་ཏེ།
རིམ་བཞིན་ཚུགས་ཀ་ཤོར་བ་གྱུར།
དབྱར་ཀ་ཡང་ལོ་རྒྱུས་སུ་གྱུར་ཟིན་ལ།
འབྲས་ལྡན་གྱི་དུས་ཀྱང་རྫོགས་ཏེ།
བཞི་ཤད་བཀོད་ནས་དྲན་པའི་ཡུལ་དུ་གྱུར་ཏེ།
དགུན་གྱི་ཕྱོགས་སུ་་གོམ་སྟབས་ཆེན་པོ་
ཞིག་མྱུར་དུ་སྤོ་མགོ་རྩོམ་པ་མིན་ནམ།
༢༠༢༣/༡༠/༡༡ཉིན་སྐྱེ་རྒུ་མདོ་ནས།
བླ་མ་བསྟེན་ནས་བཀའ་འགལ་ཐུགས་དཀྲུགས་མེད་པ། སྲོག་གཅོད་ལ་འཛེམ་པ། ཚེས་བཅུ་ཉེར་ལྔ་མ་ཆག་པ། རྩ་གསུམ་གང་རུང་གི་བསྐྱེད་བཟླས་རྫོགས་གསུམ་ལ་ཉམས་ལེན་ཅི་ནུས་བྱས་ན་སྙིགས་དུས་ལ་དཔག་པའི་སྔགས་པ་ཚད་ལྡན་ཡིན་པ་བླ་མ་བརྒྱུད་པའི་ཞལ་ནས་ཐོས། དིལ་མཁྱེན་རིན་པོ་ཆེས།
✋热门推荐