ལྷོ་ནུབ་མི་རིགས་སློབ་ཆེན་གྱི་དགེ་རྒན་ཆེན་མོ་སྟེ། ཞང་ཞུང་དང་བོན་པོའི་ཤེས་རིག་གི་ཆེད་མཁས་པ་རྒན་ཐོགས་མེད་ལགས་ཀྱིས༼ཞང་ཞུང་ཤེས་རིག་དང་བོད་ཀྱི་གསོ་བ་རིག་པ༽ཞེས་པའི་བརྗོད་གཞིའི་སྒང་ནས་རིག་གཞུང་འཆད་ཁྲིད་སྐྱོང་འཆར་གྱི་བརྡ་ཁྱབ། 成都中医药大学民族医药学院和成都中医药大学科技处联合举办，邀请西南民族大学象雄文明研究方面的著名专家同美教授讲座：“象雄文明与藏族医药学”将在2023年10月25日 （周三）上午10:00-12:00在成都中医药大学（温江校区）博物馆一楼示教厅举行。

࿑ སྐུ་ཚེ་གཅིག་གི་རིང་རྟེན་དགེ་བསྙེན་དུ་བཞུགས་པ་ལས་རབ་བྱུང་མ་མཛད་ཀྱང་བསླབ་ཁྲིམས་བསྲུང་བ་ལ་དགེ་སློང་ལས་ཀྱང་ལྷག་པ་མཛད་པའི་འབྲོམ་སྟོན་པ་རྒྱལ་བའི་འབྱུང་གནས༼༡༠༠༤-༡༠༦༤༽ལགས་ཀྱི་དངོས་སློབ་བཀའ་གདམས་སྐུ་མཆེད་གསུམ་སྟེ་དགེ་བཤེས་པོ་ཏོ་བ་དང་། དགེ་བཤེས་སྤྱན་སྔ་བ། དགེ་བཤེས་ཕུ་ཆུང་བ་བཅས་གྲགས་པའི་ཡ་གྱལ་དགེ་བའི་བཤེས་གཉེན་པོ་ཏོ་བའམ་རིན་ཆེན་གསལ༼༡༠༢༧-༡༡༠༥༽ནི་བཀའ་གདམས་པའི་དགེ་བཤེས་སློབ་མ་ལ་ཆོས་འཆད་པ་ལ་མཁས་པའི་མཆོག་ཏུ་གྱུར་པ་ཞིག་ཡིན་པར་གྲགས། ཁོང་གི་སློབ་མ་དག་གིས་བླ་མ་པོ་ཏོ་བའི་གསུང་སྒྲོས་བསྒྲིགས་ཏེ་འགྲེལ་པ་སྦྱར་བ་ལ་བེའུ་བུམ་སྔོན་པོ་ཞེས་གྲགས་པའི་བཀའ་གདམས་པའི་མན་ངག་དེབ་ལེགས་འདི་ནི་ལོ་འགའི་སྔ་རོལ་ཏུ་དྲིན་ཆེ་བའི་སློབ་དཔོན་ལགས་ཀྱིས་འོས་སྦྱོར་བྱས་ཤིང་། དེབ་འདི་ལ་ཐེངས་གཅིག་མཇལ་ན་ལེགས་ཚུལ་ཐེངས་དུ་མ་ཞིག་ལ་གསུངས་མྱངས། འོན་ཀྱང་། ཡུན་རིང་ཞིག་ལ་དཔེ་ཆ་འདི་ལག་ཏུ་མ་སོན་པ་རྒྱུ་མཚན་དུ་བྱས་ན་དུས་ད་ལྟའི་དབར་དུ་མཇལ་སྐལ་མ་ལྡན་པ་ཡིན། དེ་རིང་དུས་ཚོད་གཅིག་བེད་སྤྱོད་གཏོང་ནས་བེའུ་བུམ་སྔོན་པོ་ལས་པོ་ཏོ་བའི་ཆིག་ལབ་རིང་མོ་བྱ་བར་ཞིབ་མཇལ་ཐེངས་གཅིག་བྱས་པ་ཡིན། ཁོ་བོ་དང་ཁོ་བོ་མཉམ་པའི་མི་རྣམས་ཀྱིས་མི་ཚེ་ཧྲིལ་པོ་སྟོན་པ་བདེ་བར་གཤེགས་པའི་བཀའ་དང་། རྗེས་འབྲངས་སློབ་མའི་བསྟན་བཅོས་གཞུང་བཀའ་པོད་ལྔ་ལ་གཙོར་བོར་བློ་ཁ་ཕྱོགས་ནས་སློབ་སྦྱོང་བགྱིད་པའི་ངང་ཚུལ་ཞིག་ནམ་ཞར་བསྟན་དང་། སྟོན་བཞིན་ཡོད་རེད། སྤྱིར་བཏང་གཞུང་བཀའ་པོད་ལྔ་ལ་སྦྱང་བ་བྱས་པ་གང་དེས་མ་ཆོག་པ་ཞིག་མི་འདུག་མོད། འོན་ཀྱང་། ཁོ་བོར་ཉིན་མཚན་ཀུན་ཏུ་རྩ་ཚིག་དང་། དྲི་བ་བློར་འཛིན་པ་དང་། འགྲེལ་པ་དང་། དེའི་མཐའ་བཤད་ལ་གོམས་འདྲིས་མཐར་སོན་པ་དང་། མཐུན་དང་མི་མཐུན་པ་རྩོད་པར་བྱས་པ་གང་དེས་སེམས་རྒྱུད་དམ་བསམ་བློ་ལེགས་བཅོས་བྱས་པ་ཤས་ཆུང་ཤོས་རེད། དྲང་མོར་ཡིན། དེ་ནི་ཁོ་བོའི་བསམ་བློའི་ཁོག་ཆུང་བ་དང་། དད་པ་དང་། དག་སྣང་ཕོངས་དྲགས་པས་ཀྱང་ལོས་ཡིན་སྙམ། མདོར་ན་རྡོག་རྡོག་བྱས་ན་གཞུང་བཀའ་པོད་ལས་སྐབས་ལ་ལར་ཁམས་དང་། མོས་པ། སེམས་དང་། བསམ་པ་འདུལ་སྤྱད་ལ་འདི་དང་འདི་ལྟ་བུའི་མན་ངག་ལས་དགའ་ཞིག་མི་འདུག་སྙམ། མ་མཐའང་ཁོ་བོ་དེ་ལས་མ་འདས་པས་ནམ་ཞར་དཔེ་ཀློག་གི་ཁ་ཕྱོགས་སློབ་གསོ་དང་། མན་ངག་འདི་ལྟ་བུའི་དཔེ་ཆའི་རིགས་ལ་ཕྱོགས་རྩིས་ཡོད། སྤྱིར་དེ་རིང་ཁར་སང་ཁོ་བོ་འཆི་བར་ཇེ་སྐྲག་དང་། ཇེ་འཇིགས་རེད། བསམ་བློ་ཡང་དང་བསྐྱར་དུ་གཏོང་སྐབས་ཅི་འདི་གང་འདི་མེད་པ་ཞིག་ཏུ་གཞི་ནས་ལོག་འགྲོ་བཞིན་འདུག དངོས་གནས་ཚེ་འདི་ནས༼ཤི་ཆོས༽ཤིག་མ་འགྲུབ་ཚེ་མྱི་ཚེ་ཉི་མ་སྟོང་ཟད་རང་བྱས་འདུག་སྙམ་པའི་ཚོར་སྣང་ཉིན་རེ་ནས་ཉིན་རེར་ཇེ་ཡོད་དང་། ཇེ་སྟུག་ཡིན་པའི་སྐབས་ལ་མན་ངག་འདི་དང་འདི་ལྟ་བུ་དག་གིས་ནང་སེམས་ལྷོད་ལ་འབབ་ཏུ་བཅུག་ཐུབ་པ་དངོས་གནས་མཁོ་སོད་པ་ཞིག་རེད་ཨང་། གཞན་སློབ་གསོ་སློབ་ཁྲིད་ལ་མངའ་བརྙེས་པ་ཞིག་བྱ་འདོད་ན་རྒྱལ་བའི་གདུང་ཚབ་དགེ་བཤེས་པོ་ཏོ་བ་མཆོག་གི་དཔེ་ཆོས་བེའུ་བུམ་སྔོན་པོ་དང་། དཔེ་ཆོས་རིན་ཆེན་སྤུངས། དེའི་འགྲེལ་བ་དཔེ་ཆོས་དང་དཔེ་ཆོས་རིན་ཆེན་སྤུངས་པ་སོགས་ལ་ཞིབ་མཇལ་བྱས་ན་ཤིན་ཏུ་ལེགས་པར་སྙམ་མོ། ། [太阳] ཞེས་ནབས་ཀྱིས།

གསུམ་པ། ༼ རྙེད་དཀའི་དཔེ་ལ་བསམ་པ།༽
རླབས་ཆེན་པོས་རྣམ་པར་དཀྲུགས་པའི་རྒྱ་མཚོའི་སྟེང་གི་གཉའ་ཤིང་གི་བུ་ག་དང་། ཞབས་ཀྱི་རུས་སྦལ་གྱི་མགྲིན་པ་འཕྲད་པ་ལས་ཀྱང་མི་ལུས་ཐོབ་དཀའ་བར་བཅོམ་ལྡན་འདས་ཀྱིས་གསུངས་ཏེ། ཞི་བ་ལྷས། རྒྱ་མཚོ་ཆེར་གཡེངས་གཉའ་ཤིང་གི། ། བུ་གུར་རུས་སྦལ་མགྲིན་ཆུད་ལྟར། ། མི་ཉིད་ཤིན་ཏུ་རྙེད་དཀའ་གསུངས། ། ཞེས་པ་ལྟརོ། །
三、（思维难得之喻）
佛说：在波涛汹涌的海面上漂浮的木轭孔与海底盲龟颈相遇极为困难，而得到人身与此相比更是难上加难。寂天菩萨：“人生极难得，如海上盲龟，劲入轭本孔。”