མཚན་ལྡན་བཤེས་གཉེན་ཚུལ་བཞིན་བསྟེན་པས་ལེགས་ཚོགས་སྒོ་བརྒྱ་དང་པོར་ཕྱེས།།
གཉོམ་ཆུང་ཚུལ་མཐུན་བཅོས་མིན་རྟག་པས་ཡོན་ཏན་མྱུ་གུ་བར་དུ་འབུས།།
ཤེས་བརྩོན་ཟུང་འབྲེལ་ནོམ་དུ་བཟུང་པས་ཆོས་ཀྱི་དགའ་སྟོན་མཐའ་རུ་སྤེལ།།
ལས་སྨོན་དམ་བཅའ་སྔོན་ནས་འདྲེས་པའི་མཆེད་གྲོགས་མཛད་བཟང་ལྷ་ཡིས་སྒྲོག།

•ལུགས་གཉིས་སྐྱོང་མཁས་ཕྱག་སྤྲུལ་ཁྲི་བས།

གསུང་བ་མད་མོད་ཡིན་ནའང་ང་ཚོ་འདི། དང་བླང་བྱེད་སའི་མི་རིགས་ཞིག་མིན་པ་འདྲ། དེ་བས་བླ་ཆེན་དཔོན་ཆེན་གྱི་མང་ཐོག་ནས་རྫིག་པོ་བྱས་ཏེ་མགོ་བརྣནཅི་ཐུབ་བྱས་ན་ཟོད། མགོ་སྒུར་ལྕེ་ནར་བྱས་དེ་ལགས་སོ་ཟེར་ནས་འགྲོ་མཁན་གྱི་རིགས་རེད་འདུག།

 ࿐དེ་རིང་ལྷ་བབས་དུས་ཆེན་ཡིན་པས་ཀུན་ལ་ཁྱབ་བསྒྲགས་བྱོས། 今天是神降节请告知众人༄༅། །ཐུབ་པའི་བསྟོད་པ་གང་ཚེ་རྐང་གཉིས་མ།
གང་ཚེ་རྐང་གཉིས་གཙོ་བོ་ཁྱོད་བལྟམས་ཚེ། ། ས་ཆེན་འདི་ལ་གོམ་པ་བདུན་བོར་ནས། །  ང་ནི་འཇིག་རྟེན་འདི་ན་མཆོག་ཅེས་གསུངས། ། དེ་ཚེ་མཁས་པ་ཁྱོད་ལ་ཕྱག་འཚལ་ལོ། །  དང་པོ་དགའ་ལྡན་ལྷ་ཡི་ཡུལ་ནས་བྱོན། །  རྒྱལ་པོའི་ཁབ་ཏུ་ཡུམ་གྱི་ལྷུམས་སུ་ཞུགས། ། ལུམྦི་ནི་ཡི་ཚལ་དུ་ཐུབ་པ་བལྟམས། །  བཅོམ་ལྡན་ལྷ་ཡི་ལྷ་ལ་ཕྱག་འཚལ་ལོ། །  གཞལ་ཡས་ཁང་དུ་མ་མ་བརྒྱད་བཞིས་མཆོད། །ཤཱཀྱའི་གྲོང་དུ་གཞོན་ནུས་རོལ་རྩེད་མཛད། །  སེར་སྐྱའི་གནས་སུ་ས་འཚོ་ཁབ་ཏུ་བཞེས། །  སྲིད་གསུམ་མཚུངས་མེད་སྐུ་ལ་ཕྱག་འཚལ་ལོ། །  གྲོང་ཁྱེར་སྒོ་བཞིར་སྐྱོ་བའི་ཚུལ་བསྟན་ནས། །  མཆོད་རྟེན་རྣམ་དག་དྲུང་དུ་དབུ་སྐྲ་བསིལ། །  ནཻ་རཉྫ་ནའི་འགྲམ་དུ་དཀའ་ཐུབ་མཛད། །  སྒྲིབ་གཉིས་སྐྱོན་དང་བྲལ་ལ་ཕྱག་འཚལ་ལོ། །  རྒྱལ་པོའི་ཁབ་ཏུ་གླང་ཆེན་སྨྱོན་པ་བཏུལ། །  ཡངས་པ་ཅན་དུ་སྤྲེའུས་སྦྲང་རྩི་ཕུལ། །  མ་ག་དྷ་རུ་ཐུབ་པ་མངོན་སངས་རྒྱས། །  མཁྱེན་པའི་ཡེ་ཤེས་འབར་ལ་ཕྱག་འཚལ་ལོ། །  ཝཱ་ར་ཎཱ་སིར་ཆོས་ཀྱི་འཁོར་ལོ་བསྐོར། །  ཛེ་ཏའི་ཚལ་དུ་ཆོ་འཕྲུལ་ཆེན་པོ་བསྟན། །  རྩྭ་མཆོག་གྲོང་དུ་དགོངས་པ་མྱ་ངན་འདས། །  ཐུགས་ནི་ནམ་མཁའ་འདྲ་ལ་ཕྱག་འཚལ་ལོ། །  འདི་ལྟར་བསྟན་པའི་བདག་པོ་བཅོམ་ལྡན་འདས། །  མཛད་པའི་ཚུལ་ལ་མདོ་ཙམ་བསྟོད་པ་ཡི། །  དགེ་བས་འགྲོ་བ་ཀུན་གྱི་སྤྱོད་པ་ཡང༌། །  བདེ་གཤེགས་ཉིད་ཀྱི་མཛད་དང་མཚུངས་པར་ཤོག ། ཅེས་པ་འདི་ནི་སློབ་དཔོན་དཔའ་བོས་མཛད་པའོ། །