ཕར་ལ་འགྲོ་དུས་རྒྱུས་ཡོད་སྙིང་ལ་ལྷུང་།།
ཚུར་ལ་འོང་ངམ་ཞེ་འདྲེས་ཡོང་ངམ་ལགས།།
ཁྲེལ་གཞུང་འཚོལ་བར་ང་ཡང་ལམ་ལ་ཆས།།
འཁྲེང་སེམས་མེད་པའི་ལས་ལ་སུ་ཡིས་དཔག།

࿐ དེ་རིང་བོད་ཟླ་བཅུ་གཅིག་པའི་ཚེས་བཅུ་ལ་ཨོ་རྒྱན་ཆེན་པོ་ཉིད་ལྷོ་ནུབ་སྲིན་པོའི་ཡུལ་དུ་གཤེགས་པར་དགོངས་ནས་བསམ་ཡས་མཆིམ་ཕུར་ཡོན་མཆོད་བཀའ་བགྲོས་མཛད་དེ་གཏེར་ཁ་སྦས་པའི་སྟ་གོན་དུ་ལྷ་འདྲེ་དབང་དུ་བསྡུས་ཏེ་གཏེར་གྱི་གཉེར་བྱང་གཏད་པའི་དུས་ཆེན་ཡིན་པས། དགེ་སྡིག་གང་བྱས་འབུམ་དུ་འགྱུར་ལ་མཚོན་གྱི་བསྐལ་བ་ལས་ཐར། ཚ་བའི་དམྱལ་བར་མི་སྐྱེ་བ་སོགས་ཕན་ཡོད་བསམ་གྱིས་མི་ཁྱབ་པ་ཡོད་དོ། གལ་ཏེ་སློབ་དཔོན་པད་འབྱུང་ལ་དད་སེམས་ཀྱི་ངང་ནས་སེམས་གཅིག་གིས་བསྙེན་པ་བརྗོད་ན་བཀྲ་མི་ཤིས་པའི་སྔ་ལྟས་དང་རང་ལོ། དགྲ་འཁྲུགས། ལྟས་ངན། ན་ཚ། ཆག་སྒོ།

ཉམས་ལེན་སོགས་ལ་བར་ཆད་མེད་པར་འགྱུར་ཞིང་བསམ་དོན་མྱུར་དུ་འགྲུབ་པར་འགྱུར་རོ།།དེ་རིང་སློབ་དཔོན་ཉིད་ལ་ཕྱག་དང་བསྐོར་བའི་གུས་འདུད་དང་བཅས་པས་སེར་སྣ་མེད་པར་རང་འབྱོར་དང་བསྟུན་ཏེ་དངོས་རྫས་མེ་ཏོག མཆོད་མེ། ཡོན་ཆབ་སོགས་འབུལ་ཞིང་སྒོ་གསུམ་གྱིས་རྣམ་དཀར་དགེ་བའི་ལས་ལ་འབད་ན་འདི་ཕྱི་ཀུན་ཏུ་བསོད་ནམས་རྒྱུན་ཆད་མེད་པར་འབྱུང་བའི་ཐབས་བླ་ན་མེད་པ་ཡིན་ནོ།

ཕྱུག་པོ་ཐམས་ཅད་ཡོད་སྡུག་ཡིན། །
དབུལ་པོ་ཐམས་ཅད་མེད་སྡུག་ཡིན། །
ཡོད་མེད་གཉིས་ཀ་སྡུག་བསྔལ་ཡིན། །
དམ་ཆོས་ནུས་ན་སྐྱིད་དང་མཇལ། །

___ རྗེ་བཙུན་མི་ལས།
富者因多愁，贫者因缺忧，
有无皆苦苦，修法遇安乐。

------米拉日巴尊者