ལྷིང་འཇགས་ཀྱི་མཚན་མོ་རེ་རེ བློས་གཏོང་མི་འད

首页发布

ལྷིང་འཇགས་ཀྱི་མཚན་མོ་རེ་རེ
བློས་གཏོང་མི་འདོད་པའི་ཆུང་འདྲིས་ཀྱི་འཇམ་ཤ་ཡིན་ན
དེ་ལ་ཐོགས་པའི་རྣམ་ཤེས་རྨས་མ་དེ་ནི
མཐའ་ཡས་པའི་སྤང་ཐང་ལ་ཡན་པའི་རྫི་གླུ་ཡིན་འགྲོ

བཟང་པོ་སྤྱོད་པའི་སྨོན་ལམ་བཏོན་པ་ཡི། །
དགེ་བ་ཅུང་ཟད་བདག་གིས་ཅི་བསགས་པ། །
དེས་ནི་འགྲོ་བའི་སྨོན་ལམ་དགེ་བ་རྣམས། །
སྐད་ཅིག་གཅིག་གིས་ཐམས་ཅད་འབྱོར་བར་ཤོག ། [微笑]

མདང་ནུབ་རྨི་ལམ་ནང་དུ་དགེ་བཤེས་མང་པོ་མཇལ། དགེ་བཤེས་སྟོང་ཕྲག་ལ་ཉེ་བ་བཞུགས། གནམ་གྱིས་ས་བཀབ་པ་ལྟ་བུའི་ངུར་སྨིག་གི་གྲོང་ཁྱེར་དབུས། ཕྱོགས་བཞི་སེང་ཁྲིའི་པད་གདན་གྱི་སྟེང་ལ་དགེ་བཤེས་ཆ་ལུགས་མི་འདྲ་བ་རེ་རེ་བཞུགས་ནས་ཆོས་འཆད་བཞིན་འདུག གཡས་ནི་ལྡན་མ་རོང་ཐ་ཚང་དང་གཡོན་ལ་རྣལ་འབྱོར་འཕགས་པ་ཞིག་བཞུགས། དེའི་ཕྱག་མཚན་དུ་རུས་རྒྱན་མང་པོ་ཐོགས་ཤིང་སྐབས་རེར་སྟོན་པའི་སྐུ་མྱ་ངན་ལས་འདས་ཁའི་བཞུགས་སྟངས་སེང་གེའི་ཉལ་སྟབས་མཛད། ང་ནི་འདི་འདྲ་སྐལ་བ་བཟང་ངོ་སྙམ་ཏེ་གུས་པའི་མིག་ཆུ་བསིལ་བཞིན་ཞབས་སུ་བཏུད་ཅིང་། ཡིད་ལ་འཇམ་དབྱངས་ལུང་རྒྱུན་ཞིག་ཞུས་ན་དྲན་ཞིང་གསོལ་ཚེ། དེ་མུར་ཅུང་ཟད་སྒུག་དང་ཕ་བོང་ཁ་པ་བྱོན་རན་ཡོད་གསུངས། ང་རང་ཏག་ཏག་དུས་ཚོད་དྲུག་ལ་སྒུག་མཐར་སྐྱབས་རྗེ་ཕ་བོང་ཁ་སྐུ་གཟི་བརྗིད་དང་བཅས་ཏེ་ཕེབས་ནས་བྱིན་རླབས་ཀྱི་བཀའ་ལུང་བསྩལ། ཡུད་ཙམ་ནས་གཉིད་འདྲོགས་སྐབས་པད་འབྱུང་ཐུགས་རྗེའི་འོད་ཟེར་འཆར་ལ་ཉེ། ང་རང་ད་དུང་དགེ་བཤེས་མང་པོ་མཇལ་རྒྱུ་ཡོད་སྙམ་པ་བྱུང་། མནལ་ཡོངས་སུ་སད་ཚེ། ཁོ་བོས་ཚེ་འདིར་རྣམ་གྲོལ་ལག་བཅངས་ཏོག་ཙམ་བཀླགས་མྱོང་བ་ལས་དམ་པ་དེ་ཉིད་མཇལ་མ་མྱོང་བ་དང་། ལྷག་པར་དགེ་བཤེས་དེ་འདྲ་མང་པོ་ཞིག་ཐོས་པའི་རྒྱན་དུའང་བྱུང་མ་མྱོང་བར་བསམ་ཚེ། ད་ལྟ་ང་རང་བོད་ཡིག་ཀ་ངོ་ར་ངོ་འཕྲོད་ཙམ་ཡོད་པ་འདི་ནི་རྗེ་གོང་མ་མང་པོས་སྐུ་དྲིན་ཁོ་ན་ལས་བྱུང་བར་གདོན་མི་ཟའོ། ། --༼རང་གི་བརྗེད་ཐོ༽ལས།