鸭脚木དེ་ཐོག་མར་ཉོས་ཡོང་སྐབས་གཡུ་ལོ་ཐགས་སུ་བཀྲ་བ་ཞིག་ཡོད། ད་ཆ་ལོ་མ་སེར་པོར་གྱུར་ཏེ་ལྷུང་པ་རྣམས་ལྷུང་། གཏུབ་དགོས་པ་དག་གཏུབས་ནས་སྐམ་ཤི་མ་ཐེབས་ཙམ་གྱི་ཚད་དུ་བསླེབ་པས། ནང་མི་ཚོས་གསོན་པའི་རེ་བ་མཐའ་མཇུག་དེ་བཅོལ་ཞིང་། ས་དག་སོབ་སོབ་བཟོས་པ་དང་། གཞུང་ཤིང་ས་ངོས་སུ་ལི་སྨི་ཉི་ཤུ་རྩ་ལྔ་བུད་མཚམས་ནས་ཡོངས་སུ་བཅད་པ། འགྱིག་ཐུམ་གྱིས་བཏུམས་པ་སོགས་བྱས།
གང་ཚེ་བསྐྱོད་པར་འདོད་གྱུར་ཏམ།། སྨྲ་བར་འདོད་པར་གྱུར་ན་ཡང་།། དང་པོར་རང་གི་སེམས་བརྟགས་ནས།། བརྟན་པས་རིགས་པ་ལྡན་པར་བྱ།། གང་ཚེ་རང་ཡིད་ཆགས་པ་དང་།། ཁྲོ་བར་འདོད་པ་དེ་ཡི་ཚེ།། ལས་སུ་མི་བྱ་སྨྲ་མི་བྱ།། ཤིང་བཞིན་དུ་ནི་གནས་པར་བྱ།། རྒོད་དང་ག་ཞར་བཅས་པ་འམ།། གལ་ཏེ་ང་རྒྱལ་རྒྱགས་ལྡན་པའམ།། མཚང་འབྲུ་བ་ཡི་བསམ་པ་དང་།། གལ་ཏེ་སྐྱོར་འབྱིན་བསླུ་སེམས་སམ།། གང་ཚེ་བདག་བསྟོད་ལྷུར་ལེན་པའམ།། གཞན་ལ་སྨོད་པ་ཉིད་དང་ནི།། གཤེ་བཅས་འགྱེད་དང་བཅས་གྱུར་པ།། དེ་ཚེ་ཤིང་བཞིན་གནས་པར་བྱ།། རྙེད་དང་བཀུར་སྟི་གྲགས་འདོད་པའམ།། གཡོག་འཁོར་དོན་དུ་གཉེར་འདོད་པའམ།། བདག་སེམས་རིམ་གྲོ་འདོད་གྱུར་ན།། དེ་ཚེ་ཤིང་བཞིན་གནས་པར་བྱ།། གཞན་དོན་ཡལ་བར་འདོར་བ་དང་།། རང་དོན་གཉེར་བར་འདོད་པ་དང་།། སྨྲ་བར་འདོད་པའི་སེམས་བྱུང་ན།། དེ་ཚེ་ཤིང་བཞིན་གནས་པར་བྱ།། མི་བཟོད་ལེ་ལོ་འཇིགས་པ་དང་།། དེ་བཞིན་སྤྱི་བརྟོལ་མུ་ཅོར་དང་།། རང་གི་ཕྱོགས་ཞེན་སེམས་བྱུང་ན།། དེ་ཚེ་ཤིང་བཞིན་གནས་པར་བྱ།།
རྒྱལ་རབས་གསལ་བའི་མེ་ལོང་གི་མཇུག་རྩོམ་ལས།
ཆོས་རྒྱལ་རྣམས་ཀྱི་རྣམ་ཐར་མདོར་བསྡུས་འདི།།
ལྷ་བཙུན་རིན་ཆེན་དཔལ་གྱིས་བསྐུལ་བའི་ངོར།།
རྡོ་རྗེ་འཛིན་པ་བསོད་ནམས་རྒྱལ་མཚན་གྱིས།།
འགལ་འཁྲུལ་སྤངས་ཏེ་ལེགས་པར་བསྒྲིགས་པ་ཡིན།།
ངས་རྒྱལ་རབས་འདི་ཀློག་པ་ཐོག་མ་ཡིན་སྟབས་ངེས་ཆ་ཆེར་མ་སོང་མོད། སྤྱིར་ལོ་རྒྱུས་ཀྱི་འཇིངས་སུ་ཉལ་བའི་གནས་ལུགས་ཁར་ཁེར་རེ་ངའི་ཡིད་དུ་ཉལ་ཡོད་ལ་ཡིན་མིན་གྱི་དོགས་པ་རེ་ཡང་བློ་ངོར་བཟུང་ཡོད་ཕྱིར་ཕན་པའི་རྒྱུ་ཡང་མང་དུ་རྙེད། འོན་ཀྱང་དེབ་འདིར་ལོ་རྒྱུས་ཀྱི་གཙོ་བོ་གཅིག་ཆད་འདུག་པ་ནི་ལོ་ཚིགས་གོང་འོག་བསྒྲིག་འོང་ཚེ་འགལ་འགྲོ་བ་དེ་རེད། དེབ་དཀར་མཁན་པོས་བརྗོད་པའི་སྐྱོན་ཡང་དོན་དངོས་ཡིན་འདུག་སྙམ། ད་དུང་མགར་སྟོང་བཙན་གྱིས་ཡི་གེ་མི་ཤེས་པར་བཤད་བཤད་རྗེས་རྒྱལ་བོའི་བཀའ་ཆེམས་མགར་གྱིས་ཡི་གེར་བཀོད་ཚུལ་བཤད་པ་ལྟ་བུའི་ཞིབ་ཆ་མ་ཐོན་པའམ་བདེན་ལ་འཇུ་དཀའ་བ་མང་དུ་མཆིས། གཙོ་བོ་ཆོས་ཀྱི་ཆེ་བ་འདོན་ཕྱིར་དེབ་འདི་བརྩམས་པ་འདྲ་སྟེ། མགོ་མཇུག་བར་གསུམ་དུ་ལྷ་སྒྲུང་གིས་ཁྱབ་ཅིང་ཆོས་རྒྱལ་གྱི་ཆེ་བ་མང་དུ་བཤད། སྲིད་རྒྱལ་གྱི་ཆེ་བ་ནི་བསྡུས་བཤད་ཅི་ཐུབ་བྱས་ཡོད་པས་སོ།། སྤྲུལ་བ་གྱེས་ནས་མཐའ་བཞི་དབང་དུ་བསྡུས་རབས་མ་གཏོགས་མི་ཕལ་བས་གོ་མཚོན་སྤྱད་དེ་རྒྱལ་ཁབ་བསྐྲུན་རབས་མི་འདུག གཞན་ཡང་ཐོན་མིས་ཡི་གེ་གསར་དོད་བྱས་པ་ལྟ་བུ་རྒྱལ་རབས་སམ་མི་རིགས་ཀྱི་ལོ་རྒྱུས་ནང་མི་བཤད་ཐབས་མེད་ཀྱི་སྐོར་ལུས་འདུག་པ་ཡང་ཁེད་མཚར། ལེགས་པའི་ཆ་ཡང་མེད་པ་ག་ལ་ཡིན་དེས་ན་བློ་གསལ་ལོ་རྒྱུས་ལ་དགའ་བ་དག་གིས་ཤེས་རབ་ཀྱི་རལ་གྲི་རྣོན་པོ་སྤྱད་དེ་དྲང་བདེན་གྱི་གཏམ་སྨྲ་རྒྱུ་ཧ་ཅང་གལ་ཆེ་བ་ལགས།
༢༠༢༤/༡/༡༡ཉིན། བཀླགས་གྲུབ་མ་ཐག་ཞུགས་ཆེན་གྱིས་སྦྱར།
ཆོས་རྒྱལ་རྣམས་ཀྱི་རྣམ་ཐར་མདོར་བསྡུས་འདི།།
ལྷ་བཙུན་རིན་ཆེན་དཔལ་གྱིས་བསྐུལ་བའི་ངོར།།
རྡོ་རྗེ་འཛིན་པ་བསོད་ནམས་རྒྱལ་མཚན་གྱིས།།
འགལ་འཁྲུལ་སྤངས་ཏེ་ལེགས་པར་བསྒྲིགས་པ་ཡིན།།
ངས་རྒྱལ་རབས་འདི་ཀློག་པ་ཐོག་མ་ཡིན་སྟབས་ངེས་ཆ་ཆེར་མ་སོང་མོད། སྤྱིར་ལོ་རྒྱུས་ཀྱི་འཇིངས་སུ་ཉལ་བའི་གནས་ལུགས་ཁར་ཁེར་རེ་ངའི་ཡིད་དུ་ཉལ་ཡོད་ལ་ཡིན་མིན་གྱི་དོགས་པ་རེ་ཡང་བློ་ངོར་བཟུང་ཡོད་ཕྱིར་ཕན་པའི་རྒྱུ་ཡང་མང་དུ་རྙེད། འོན་ཀྱང་དེབ་འདིར་ལོ་རྒྱུས་ཀྱི་གཙོ་བོ་གཅིག་ཆད་འདུག་པ་ནི་ལོ་ཚིགས་གོང་འོག་བསྒྲིག་འོང་ཚེ་འགལ་འགྲོ་བ་དེ་རེད། དེབ་དཀར་མཁན་པོས་བརྗོད་པའི་སྐྱོན་ཡང་དོན་དངོས་ཡིན་འདུག་སྙམ། ད་དུང་མགར་སྟོང་བཙན་གྱིས་ཡི་གེ་མི་ཤེས་པར་བཤད་བཤད་རྗེས་རྒྱལ་བོའི་བཀའ་ཆེམས་མགར་གྱིས་ཡི་གེར་བཀོད་ཚུལ་བཤད་པ་ལྟ་བུའི་ཞིབ་ཆ་མ་ཐོན་པའམ་བདེན་ལ་འཇུ་དཀའ་བ་མང་དུ་མཆིས། གཙོ་བོ་ཆོས་ཀྱི་ཆེ་བ་འདོན་ཕྱིར་དེབ་འདི་བརྩམས་པ་འདྲ་སྟེ། མགོ་མཇུག་བར་གསུམ་དུ་ལྷ་སྒྲུང་གིས་ཁྱབ་ཅིང་ཆོས་རྒྱལ་གྱི་ཆེ་བ་མང་དུ་བཤད། སྲིད་རྒྱལ་གྱི་ཆེ་བ་ནི་བསྡུས་བཤད་ཅི་ཐུབ་བྱས་ཡོད་པས་སོ།། སྤྲུལ་བ་གྱེས་ནས་མཐའ་བཞི་དབང་དུ་བསྡུས་རབས་མ་གཏོགས་མི་ཕལ་བས་གོ་མཚོན་སྤྱད་དེ་རྒྱལ་ཁབ་བསྐྲུན་རབས་མི་འདུག གཞན་ཡང་ཐོན་མིས་ཡི་གེ་གསར་དོད་བྱས་པ་ལྟ་བུ་རྒྱལ་རབས་སམ་མི་རིགས་ཀྱི་ལོ་རྒྱུས་ནང་མི་བཤད་ཐབས་མེད་ཀྱི་སྐོར་ལུས་འདུག་པ་ཡང་ཁེད་མཚར། ལེགས་པའི་ཆ་ཡང་མེད་པ་ག་ལ་ཡིན་དེས་ན་བློ་གསལ་ལོ་རྒྱུས་ལ་དགའ་བ་དག་གིས་ཤེས་རབ་ཀྱི་རལ་གྲི་རྣོན་པོ་སྤྱད་དེ་དྲང་བདེན་གྱི་གཏམ་སྨྲ་རྒྱུ་ཧ་ཅང་གལ་ཆེ་བ་ལགས།
༢༠༢༤/༡/༡༡ཉིན། བཀླགས་གྲུབ་མ་ཐག་ཞུགས་ཆེན་གྱིས་སྦྱར།
✋热门推荐