རྒྱུ་འབྲས་ཁྱད་མེད་ཡིན་པ་བདེན་ན།

ཁྲི་ཐོག་བླ་མ་སྤྲུལ་སྐུ་རྣམ་པ་ལ།།
སྡོམ་པ་ཡོད་མེད་ཁྱད་མེད་གནང་བ་འདི།།
སུ་ཞིག་འདི་རྣམ་གནང་བ་ཐོབ་པ་རེད།།
རྒྱུ་འབྲས་ཡོད་ན་ཁྱད་པ་མེད་པ་མཐོང་།།

གྲྭ་གོས་མི་དགོས་རྒྱ་ཡུལ་འགྲོ་དུས་དེ།།
རྒྱ་གོས་གྱོན་ནས་རྒྱ་ཡུལ་འགྲོ་ཆོག་པ། །
སུ་ཞིག་འདི་རྣམ་གནང་བ་ཐོབ་པར་རེད།།
རྒྱུ་འབྲས་ཡོད་ན་ཁྱད་པར་མེད་པར་མཐོང་།།

རྒྱ་བལ་ལྷ་ས་མཁན་པོ་དགེ་བཤེས་རྣམ།།
འགྲོ་དུས་གྲྭ་བཙུན་ཆ་ལུགས་སྤང་མཁན་རྣམས།།
སུ་ཞིག་འདི་དག་གནང་བ་ཐོབ་པར་རེད།།
རྒྱུ་འབྲས་ཡོད་ན་ཁྱད་པར་མེད་པར་མཐོང་།།

དེངས་སོང་བུ་མེད་བྱིས་པ་བསད་མཁན་རྣམས། །
ལག་ཏུ་ཕྲེང་བ་ཁ་ནས་ཆོས་གཟུགས་ཚུལ།།
སུ་ཞིག་འདི་དག་གནང་བ་ཐོབ་པར་རེད།།
རྒྱུ་འབྲས་ཡོད་ན་ཁྱད་པར་མེད་པར་མཐོང་།།

ཕྱི་ནས་ཆོས་གཟུགས་ནང་དུ་མི་དགེ་རག།
ཕྱི་ནང་མི་མཚུངས་དེངས་རབས་ཤིན་ཏུ་མང་།།
སུ་ཞིག་འདི་དག་གནང་བ་ཐོབ་པར་རེད།།
རྒྱུ་འབྲས་ཡོད་ན་ཁྱད་པར་མེད་པར་མཐོང་།།

རྡོ་བརྐོས་རིགས་གནས་ནི་རིགས་གནས་གཞན་དང་འདྲ་བར་གནའ་ནས་ད་བར་ཇེ་ཡག་ནས་ཇེ་ཚོགས་སུ་སོང་བ་མ་ཟད་ལོ་ཤས་ནང་རྡོ་བརྐོས་དེང་རབས་ཅན་དུ་གྱུར་བར་བརྟེན། འཛི་ཆུའི་ཆུ་རྡོ་འདིའང་མ་ཎི་སོགས་འབུར་བརྐོས་བྱེད་སའི་མ་གཞི་ཆེས་ཡག་ཤོས་ཤིག་ཏུ་གྱུར་ཡོད།།
ཆུ་རྡོ་རྡོ་བརྐོས་སྔ་ནས་མེད་པ་ཞིག་མིན་ཏེ། སྟག་ལུང་རྗེ་བཙུན་ངག་དབང་བཀྲ་ཤིས་དཔལ་གྲུབ་ངེས་དོན་ཆོས་ཀྱི་ཉི་མ་མཁྱེན་ནོ།། ཞེས་པ་དང་། རྗེ་བཙུན་ངག་གི་དབང་ཕྱུག་མཁྱེན་ནོ།། ཞེས་པ་གཉིས་དང་ཆོས་སྐུ་ཨོ་རྒྱན་མགོན་པོའི་རྡོ་སྐུ་དེ་རྣམས་ད་ལྟ་ཐུབ་པ་ཁང་ལ་བཞུགས་ཡོད། རྡོ་རྩི་གྱོན་པའི་རྡོ་བརྐོས་དེ་རྣམས་རིན་ཆེན་མ་སྐོགས་སུ་ཡོད། དེ་རྣམས་རི་བོ་ཆེའི་ཕྱོགས་ནས་ཆུ་རྡོ་ཡིག་སྐུ་རྡོ་བརྐོས་སྔ་ཤོས་ཤིག་ཡིན་པ་འདྲ། ཆུ་རྡོ་འདི་ལ་སྐྱོན་ཆ་ཆེ་ཤོས་ཤིག་ནི་རྡོ་རྩི་འཐུག་པོ་གྱོན་འགྲོ་བ་འདི་རེད་འདུག །
རིན་ཆེན་བྲག་ཁར་ཡོད་པའི་གཡའ་མར་རྡོ་བརྐོས་འདི་རྣམས་ཀྱང་སྔ་ཙམ་ནས་ཡིན་ནམ་སྙམ། གཡའ་རྡོ་འདིའི་རིགས་ནི་རྡོ་བརྐོས་བྱེད་ས་ཆེས་ཡག་ཤོས་ཤིག་ཏུ་མཐོང་། རྒྱུ་མཚན་མ་ཎི་སོགས་ཤོང་ཚད་ཆེ་ལ། ཁུར་འདྲེན་བདེ་བ། རང་བཞིན་སྲ་ལ་རྡོ་རྩི་གྱོན་རྒྱུ་མེད་པ་རྣམས་སོ།།

ཤར་ཕྱོགས་རི་བོའི་རྩེ་ནས།།
དཀར་གསལ་ཉི་མ་ཤར་བྱུང་།།
རེ་བའི་མིག་ཟུང་ཕྲ་མོ།།
ཉི་མའི་ཕྱོགས་སུ་གཏད་ཡོད།།

དགུན་དུས་ལྷག་པས་བསྡམས་ཀྱང་།།
དྲོད་ལ་བདེ་བ་བཅོལ་ཡོད།།
སེམས་ལ་དྲོད་ཁོལ་ལྡན་ན།།
ལུས་ལ་སྟོབས་ཤུགས་རྒྱས་ཡོང་།།

༢༠༢༤-༢-༧ཉིན།