རྒྱང་རིང་ནས། ཁྱེད་ཀྱི་སྣང་བརྙན་དང་སྣང་བརྙ

首页发布

རྒྱང་རིང་ནས།
ཁྱེད་ཀྱི་སྣང་བརྙན་དང་སྣང་བརྙན་ལས་མཆེད་པའི་དྲན་གདུང་གི་རླུང་བུ་རེ་ཁོའི་འགྲམ་དུ་ལྡང་སྐབས།
སེམས་ཀྱི་རྟ་ཕོ་ལ་མྱུར་བགྲོད་ཀྱི་གཤོག་པ་ཐོགས་ནས་ཁྱེད་ཀྱི་ཕྱོགས་སུ་འཕུར་ན་འདོད།
དྲན་འཛིན་གྱི་འཆར་ངོས་སུ་ལོ་ཟླའི་དཀའ་ཁག་གི་རི་མོ་རྣམས་བསུབས་ནས།
དུང་དུ་བླངས་པའི་ཤེས་རབ་ཀྱི་སྒྲོན་མེ་རྐང་གཉིས་སྤར་ཏེ།
ལྷུན་རྩེར་འགྲེང་སྟེ།
དྲན་གདུང་གིས་སྤྲིངས་པའི་རླུང་རྟའི་ཤོག་བུ་རེ་འགའ་གཏོར།

དཔེ་ཆར་བལྟས་ན་མི་སེམས་ལྷོད་ལ་འབབ། ཁ་པར་བསྣོགས་ན་རྣམ་རིག་ཟང་ཟིང་བཟོ། དེའི་རྒྱུ་མཚན་ཅི་རེད་ཅེ་ན། ཕལ་ཆེར་ང་ཚོ་མིའི་རིགས་ཀྱི་ཀླད་པ་འདི་རྒྱུ་དང་འབྲས་བུའི་རྒྱུན་ཐག་གསལ་བའི་མ་ལག་རང་བཞིན་གྱི་མནོ་བསམ་ལ་གོམས་པ་ལས། སྔ་ཕྱིའི་འབྲེལ་བ་ཆད་པའི་ཆ་འཕྲིན་ཐར་ཐོར་སྣ་ཚོགས་མཉམ་དུ་སྤུངས་གསོག་བྱེད་སར་མི་འཚམ་པ་འདྲ་།[月亮]

ལྷད་མེད་དུང་སེམས་ཀྱི་གངས་རི་ད་དུང་མིག་ལ་འཚེར།
གདོད་མའི་མཛེས་སྡུག་གི་མེ་ཏོག་མ་རྙིང་སེམས་སུ་བཞད།
ལྷན་སྐྱེས་བདེ་ཆེན་གྱི་བསུང་ཞིམ་མ་ཚོར་གང་དུ་བྱོ།
ཁྱེད་ནི་སེམས་ངལ་ཁྲི་ཕྲག་གིས་བཏེགས་པའི་སྨོན་འདུན་གྱི་གཏད་སོ་ལགས།
ཁྱེད་ནི་གཏན་དུ་གཞིག་པར་དཀའ་བའི་མི་གཤིས་ཀྱི་བཙན་རྫོང་ལགས།
ཁྱེད་ནི་ནམ་ཡང་གཞལ་དུ་མེད་པའི་རིན་ཐང་གི་རིན་ཐང་ངོ།

བོར་ཟིན་པའི་རྩྭ་ཐང་།