ཕ་སྐད་ཀྱི་ཟུངས་ཁྲག་འདི་འགག་མེད་ན།
ང་ཚོ་ལ་སང་ཉིན་ཡོད།

——— པཎ་ཆེན་རིན་པོ་ཆེས།

སློབ་གྲྭར་འགྲོ་དུས་བོད་ཡིན་ན་ཡང་།
མར་ཡོང་དུས་རུས་པ་བོད་ཡིན་ཡང་བོད་ཀྱི་བྲོ་བ་མེད་པ་ཞིག་མ་བྱེད།

རེ་བ་ཡིན།

   ——— ༧ པཎ་ཆེན་སྐུ་ཕྲེང་བཅུ་བ་ཆོས་ཀྱི་རྒྱ་མཚན་མཆོག་ནས།

ཁྱེད་ཚོས་བོད་སྐད་བཤད་པར་ངོ་ཚ་ན་མ་བཤད་ན་ཆོག་ལ།
བོད་ལྭ་གྱོན་པར་ངོ་ཚ་ན་དེ་ཡང་མ་གྱོན་ན་ཆོག།
འོན་ཀྱང་ཁྱེད་ཚོའི་ཤ་དང་རུས་པ་ཇི་ལྟར་བྱེད་རྒྱུ་ཡིན།
ཁྱེད་ཚོའི་སྐྱེ་ཡུལ་བོད་རིགས་ཀྱི་ཁྱིམ་ཡིན་པ་ཇི་ལྟར་བྱས་ཀྱང་བསྒྱུར་ཐབས་མེད།
ཁྱོད་ཚོའི་ཕ་མེས་ཡང་མེས་རྣམས་བོད་རིགས་ཡིན།

———༸པཎ་ཆེན་བཅུ་པ་མཆོག་གིས།

ལྟོ་ཡི་ཟས་དང་རྒྱབ་ཀྱི་གོས།།
ཁ་ཡི་སྐད་དང་སེམས་ཀྱི་ཆོས།།
མི་རིགས་གནས་པའི་ཀ་བཞི་སྟེ།།
ཀ་བཞི་འགྱེལ་ན་མི་རིགས་འཆི།།

——— མཁན་པོ་ཚུལ་ཁྲིམས་བློ་གྲོས་ཀྱིས།

གཞན་གྱི་སྐད་ཡིག་ལ་ལག་ཆའི་འདུ་ཤེས་འཇོག་དགོས།
རང་གི་སྐད་ཡིག་ལ་ཕ་ནོར་གྱི་འདུ་ཤེས་འཇོག་དགོས།

———མཁས་དབང་ཚུལ་ཁྲིམས་བློ་གྲོས་ནས།

ཕ་སྐད་མ་ཡིག་ལ་འབད་པ་མཛོད།
བྱིས་པའི་སློབ་གསོ་ལ་དོ་སྣང་གྱིས།
ཁ་བཤད་ཀྱིས་མི་ཕན་ལག་ལེན་དགོས།
ལག་ལེན་གྱིས་མི་ཕན་རྒྱུན་འཁྱོངས་དགོས།
2024.2.21———མཁས་དབང་ཚུལ་ཁྲིམས་བློ་གྲོས་ནས།

མི་འགའ་རེས་བོད་ཡིག་གིས་གོ་མི་ཆོད་ཁུ་ཟེར་མོད།
གོ་མི་ཆོད་པ་ཅི་ཡང་མེད།
གལ་ཏེ་གོ་མི་ཆོད་པའི་དབང་དུ་བཏང་རུང་།
ང་ཚོས་ངེས་པར་དུ་སྦྱང་དགོས།
དེ་ནི་ང་ཚོར་བབས་པའི་འོས་འགན་ཡིན།

ཕ་སྐད་ལགས་ཁྲི་ལོ་ཤོག[鲜花]
གཞན་གྱི་སྐད་ཡིག་ལ་ལག་ཆའི་འདུ་ཤེས་འཇོག་དགོས།
རང་གི་སྐད་ཡིག་ལ་ཕ་ནོར་གྱི་འདུ་ཤེས་འཇོག་དགོས།

མཁས་དབང་ཚུལ་ཁྲིམས་བློ་གྲོས་ནས།

འཛམ་གླིང་ཕ་སྐད་ཉིན་མོ་གླེང་ཡོང་དུས་དམ་པ་ཁོང་རྣམས་མ་དྲན་རང་དྲན་རེད། ཁྱེད་ཚོའི་མཛད་ཕྲིན་དར་ན་འུ་ཚང་གི་ཕ་སྐད་ལ་ད་རུང་རེ་བ་ཆེ། དམ་པ་ཁྱེད་ཚོ་ནི་བོད་སྐད་ཡིག་གི་མཁའ་དབྱིངས་ན་འཚེར་བའི་ཉི་ཟླ་སྐར་གསུམ་ཡིན། སྐུ་ཚེ་བརྟན་ལ་མཛད་ཕྲིན་རྒྱས་པར་སྨོན།
རིག་པའི་གནས་ནི་སྐད་དང་ཡི་གེར་ཐུག །སྐད་ཡིག་མཐའ་ནི་རྒ་དང་འཆི་བར་ཐུག །རྒ་འམ་འཆི་མིན་འབད་པའི་ཤུགས་ལ་ཐུག །འབད་པ་བརྒྱ་འགྱུར་སྐྱེད་དང་གངས་ཅན་པ། ། 

མཁན་པོ་ཚུལ་ཁྲིམས་བློ་གྲོས་ནས།
ངས་ཨ་རིའི་སྐད་ཡིག་ཚོད་ལྟ་ཁང་ནས་བོད་ཡིག་བརྡ་ཕྲིན་ཚོད་ལྟ་ལེགས་གྲུབ་བྱུང་ཉིན་ནས་བཟུང་། མི་ལོ་ཉི་ཤུའི་རིང་ལ་དཀའ་ངལ་གང་ལ་ཐུག་ཀྱང་བོད་སྐད་ཡིག་གི་ཆེད་དུ་མདུན་སྐྱོད་ཁོ་ན་ལས། ཕྱི་ནུར་གོམ་གང་ཡང་བྱེད་མ་མྱོང་། འུ་ཚོ་ཚང་མས་ནུས་པ་མཉམ་སྤུངས་ཐུབ་ན་ང་ཚོའི་སྐད་ཡིག་ཀྱང་མི་རིགས་གཞན་གྱི་སྐད་ཡིག་ལྟར་གོ་ལའི་ཡང་རྩེར་ཐོན་པའི་ཡིད་ཆེས་ཆེན་པོ་ཡོད།

​དགེ་བཤེས་ལྷ་རབས་པ་བློ་བཟང་སྨོན་ལམ་ནས།