དཔལ་ལྡན་ལྷ་མོ་སྟོན་ཀའི་ཟླ་བའི་མདོག།
ཞལ་གསུམ་ཕྱག་བརྒྱད་རབ་མཛེས་ཞི་བའི་སྐུ།།
ཡེ་ཤེས་དཔག་ཡས་ཚེ་ཡི་མཆོག་སྩོལ་མ།།
རྣམ་པར་རྒྱལ་མའི་ཞབས་ལ་ཕྱག་འཚལ་ལོ།།

དེ་རིང་ཞོགས་པ་ཆུ་ཚོད་ལྔ་བ་ནས་མལ་ལས་ལངས་ཤིང་རི་བོ་དགེ་ལུགས་པའི་གྲུབ་མཐའི་སྲོལ་འབྱེད་པ་པོ་སྟེ། སྐུ་ཚེ་གང་བོར་འཆད་རྩོད་རྩོམ་པ་རྒྱ་ཆེར་གནང་ནས་བཤད་སྒྲུབ་ཀྱི་བྱ་བས་དུས་འདའ་བར་མཛད་པའི་འཇམ་མགོན་བླ་མ་ཙོང་ཁ་བས་ཕྱག་བཏབ་ལ་སྔོན་བྱོན་རྒྱལ་བ་སྲས་བཅས་ཀྱིས་ལན་དུ་མར་ལུང་བསྟན་ཅིང་འཕགས་པ་མོོད་འགལ་བུས་ཞབས་བཅག་སྟེ་ཆོས་དུང་དཀར་པོ་གཏེར་དུ་སྦས་པ་སོགས་དགེ་མཚན་ཁྱད་པར་ཅན་དུ་བརྗོད་པའི་གནས་སུ་མངའ་བའི་དགའ་ལྡན་དགོན་པ་དང་། འཇམ་དབྱངས་ཆོས་རྗེས་བདག་ཉིད་ཆེན་པོས་ལུང་བསྟན་པ་ནང་བཞིན་རྒྱབ་རི་དགེ་འཕེལ་དང་མདུན་རི་སྐྱིད་ཆུ་སྔོན་མོ་དར་ལྟར་བྲིས་པའི་གནས་སུ་ཕྱག་བཏབ་ལ། རྒྱལ་དབང་ལྔ་བའི་སྐབས་བོད་ས་གནས་སྲིད་གཞུང་གི་ཆབ་སྲིད་ལུགས་གཉིས་ཟུང་འབྲེལ་གྱི་སྒོ་ནས་བོད་ལྗོངས་ཡོངས་ལ་ཁ་ལོ་སྒྱུར་བའི་ལམ་ལུགས་དེ་དགོན་པ་འདིའི་དགའ་ལྡན་ཕོ་བྲང་དུ་ཐོག་མར་འཛུགས་སའི་འབྲས་སྤུངས་དགོན་པ། དེ་འབྲེལ་བྱམས་ཆེན་ཆོས་རྗེ་ཤཱཀྱ་ཡེ་ཤེས་ཞེས་མཁྱེན་པ་དང་བརྩེ་བའི་བདག་ཉིད་ཅན་དེ་རྗེ་ཙོང་ཁ་པ་ཆེན་པོའི་སྐུ་ཚབ་ཏུ་རྒྱ་ནག་ཏཱ་མིང་གི་ཡུང་ལོས་རྒྱལ་པོའི་ཏི་ཤྲིར་ཕེབས་ནས་འགྲོ་དོན་རྒྱ་ཆེན་མཛད་མཁན་ཁོང་ནས་ཕྱག་བཏབ་པའི་སེ་ར་ཐེག་ཆེན་གླིང་བཅས་ལ་མཆོད་མཇལ་འགྲོ་བའི་སྐལ་བ་བཟང་བོ་བྱུང་བས་ཡིད་སེམས་དགའ་མགུ་བྱུང་སོང་ངོ། བཀྲ་ཤིས་པར་གྱུར་ཅིག་གུ https://t.cn/Rp7W8xr

གནའ་སྔ་མོར། ས་ཆ་ཞིག་ན་རང་དབང་ཟེར་བའི་བྱིས་པ་ཞིག་ཡོད།
ཁོའི་ཕ་མ་གཉིས་སྔ་མོ་ནས་ཁ་ཁ་གྱེས་སོང་བས།
དུས་རྒྱུན་སྙོར་སྐྱོང་བྱེད་མཁན་ཨ་མ་ལས་མེད།
རང་དབང་ནི་བྱིས་པ་ཡ་རབས་ཤིག་ཡིན་ན་ཡང་སྡེ་མིའི་ལྟ་སྟངས་དེ་འདྲ་བཟང་རྒྱུ་མེད་པས།
ཉིན་ཞིག་རང་དབང་གིས་ཁྱིམ་མཚེ་ཚང་ལ་གནོད་འཚེ་བྱས་སོང་ཟེར་ནས།
སྡེ་མི་ཚོགས་འདུ་བསྡུས་ནས་རང་དབང་འདི་བྱིས་པ་མ་རབས་ཐ་ཤལ་ཞིག་ཡིན་པས་ཡུན་རིང་སྡེ་བ་རུ་བསྡད་ན་སྡེ་བ་འདི་ལ་ཞི་འཇམ་མེད་པ་སོགས་མང་པོ་ལབ།
སྡེ་མི་རྒན་པ་ཞིག་ཡར་ལ་འགྲེང་སྟེ་བྱིས་པ་འདི་སྡེ་བའི་ནང་ནས་ཕུད་དང་ན་འགྲིག་འདུག་ཟེར་ནས་གཤེ་གཤེ་བཏང་།
སྡེ་མི་ཚོ་རྒན་པ་དེའི་ཁ་ལ་བརྒྱུགས་ནས་རང་དབང་སྡེ་འདི་ནས་ཡུལ་གཞན་ཞིག་ལ་རྒྱང་འཕུད་གཏོང་དགོས་རབས་ལབ་གླེང་བྱས་ནས་མང་པོར་གྲོས་འཆམས་བྱུང་།
ཡིན་ཡང་བྱིས་པ་ཞིག་ཡར་ལངས་ཏེ་དེ་ནི་དྲང་བདེན་དང་འོས་པ་ཞིག་མིན་པར་ལབ།
རང་དབང་ནི་ངའི་རྩེད་གྲོགས་བཟང་ཤོས་ཡིན་པར་མ་ཟད་བྱིས་པ་ཡ་རབས་ཤིག་ཡིན་པ་ངས་ཤེས་ཞེས་ལབ།
ཡང་སྡེ་མི་ཞིག་ལངས་ཏེ།
བྱིས་པའི་ཁ་ལ་ཉན་རྒྱུ་མེད། དེ་སྔོན་ལྟར་ཐག་གཅོད་རྒྱུ་ཡིན་ཟེར་བས་བྱིས་པ་དེ་ཡང་ཅི་བྱ་གཏོལ་མེད་དུ་གྱུར།
ཚོགས་འདུ་གྲོལ་འགོ་བརྩམ་ལ་ཉེ་བའི་སྐབས་སུ།
སྡེ་མི་ལ་ལས་ངོ་གཉེར་ནས་སྣབས་ཁ་སྤྱོད་ངན་ཁྱོད་མེད་སོང་ན་སྐྱིད་འདུག་ཟེར་ནས་སྡིགས་སྡིགས་བྱས།
ཡང་གློ་བུར་དུ་རང་དབང་གི་གྲོགས་པོ་དེས།
སྡེ་མི་རྣམ་པ་དྲང་མོ་ཞིག་ཡོད་པ་ནི་རང་དབང་འགྲོ་མི་འགྲོ་འདེམས་ཤོག་འཕེན་རྒྱུ་དེ་ཡིན་ཟེར།
སྡེ་མི་ལ་ལས་དགོས་དོན་མེད། ཁྱོད་ཀྱིས་ཅང་མི་ཤེས་སྣབས་ལུག

ངོ་ངོ་ཅན།
ཟེར་ནས་མང་མང་སྨོད། ཁོས་མ་བཟོད་པར་ངུས་ནས་བསྡད།
གསར་བུ་ཞིག་གིས་ཚང་མས་འདེམས་ཤོག་འཕེན་རྒྱུ་ཡིན།གཙོ་བོ་མང་ཉུང་ལས་འདེམས་རྒྱུ་ཡིན།

རང་དབང་གི་གྲོགས་པོ་དགའ་ནས་མིག་ཆུ་ཕྱི་ཞོར་དུ་འདེམས་ཤོག་འཕེན་རྒྱུ་འགོ་བརྩམས་པ་རེད།
འོན་ཀྱང་།
རང་དབང་ལ་འདེམས་ཤོག་འཕེན་མི་རང་དབང་གི་གྲོགས་ལས་མེད་པས་རང་དབང་ལམ་དེར་མི་ཞུགས་ག་མེད་བྱུང་སོང་།