༈ བཅོ་ལྔ་གཟུགས་ཅན་སྙིང་པོས་དགེ་ལེགས་བསྐྲུན། །
མ་ལུས་ལྷ་ཡི་བདུད་རྩིས་ཚིམ་མཛད་ནས། །
ཕྱག་སོར་ལས་ཐོན་གསེར་སྦྱངས་འོད་ཟེར་གྱིས། །
མནར་མེད་བདེ་འགྲོར་མཛད་ལ་ཕྱག་འཚལ་ལོ། །   
ཚེས་བཅོ་ལྔ་ལ་རྒྱལ་པོ་གཟུགས་ཅན་སྙིང་པོས་བསྙེན་བཀུར་ནས་དགེ་ལེགས་བསྐྲུན་པའི་ཚེ། གདུགས་ཚོད་ཀྱི་དུས་ལ་བབ་པ་ན། སྣོད་བཤམས་པས་ཐམས་ཅད་ཟས་རོ་བརྒྱ་དང་ལྡན་པ་ལྷའི་བདུད་རྩི་ལྟ་བུས་རང་བྱུང་དུ་གང་། ཆོ་འཕྲུལ་བལྟ་བའི་འཁོར་མ་ལུས་པས་རོལ་པས་ལུས་སེམས་བདེ་བ་ཁྱད་པར་ཅན་གྱིས་ཚིམ་པར་མཛད། བཅོམ་ལྡན་འདས་ཀྱིས་ཕྱག་ས་ལ་རེག་པས་མནར་མེད་ལ་ཐུག་གི་བར་གྱི་དམྱལ་ཁམས་ཀྱི་སེམས་ཅན་ཚད་མེད་པ་རྣམས་ཀྱིས་སངས་རྒྱས་ཀྱི་སྐུ་མཐོང་ཞིང་། ཕྱག་སོར་ལས་གསེར་སྦྱངས་ཀྱི་འོད་ཟེར་ཐོན་པ་དེ་རྣམས་ཀྱི་ལུས་ལ་རེག་པ་ཙམ་གྱིས་སྡུག་བསྔལ་ཞི་ཞིང་། ཆོས་བསྟན་པ་ཐོས་པས་བདེ་འགྲོ་ལྷ་མིའི་ལུས་སུ་སྐྱེ་བར་མཛད་པ་ལ་ཕྱག་འཚལ་ལོ། །ཞེས་པའོ། དེ་ལྟ་བུའི་ངོ་མཚར་ཅན་གྱི་ཆོ་འཕྲུལ་ཆེན་པོ་བགྲངས་ཡས་པའི་སྒོ་ནས། ལྟ་ངན་གྱི་མུ་ལ་སྤྱོད་པ་ངན་པའི་སྟེགས་འཆའ་བའི་སྟོན་པ་དྲུག་དང་བཅས་པའི་ནག་པོའི་ཕྱོགས་ཀུན་བཅོམ། འདི་དག་གི་སྐབས་སུ་ཉི་མ་རེ་རེ་ལའང་གྲངས་མེད་པའི་སྐྱེ་རྒུའི་ཚོགས་མཐོ་རིས་ལྷ་མིའི་གོ་འཕང་དང་། རྣམ་པར་གྲོལ་བ་རྫོགས་པའི་སངས་རྒྱས་ཀྱི་ལམ་དུ་ངེས་པར་བཀོད་ནས་འབྲས་བུ་ཐོབ་པར་མཛད་པ་ལ་དད་པས་ཕྱག་འཚལ་ལོ། །ཞེས་པའོ། །   དེ་ཕྱིན་ཆད་དཔྱིད་ཟླ་ར་བའི་ཡར་ངོའི་ཚེས་བཅོ་ལྔ་པོ་འདི་ཀུན་དུས་ཆེན་ཁྱད་པར་ཅན་དུ་བྱིན་གྱིས་བརླབས་པའང་ཡིན་ནོ། དེ་ལྟར་སྟོན་པ་བསྐལ་བཟང་རྣམ་འདྲེན་བཞི་པ་ཉི་མའི་གཉེན་དེ་ཉིད་ཀྱིས་འཛམ་བུའི་གླིང་འདིར་མཆོག་གི་སྤྲུལ་སྐུའི་སྣང་བརྙན་བཟུང་སྟེ་གདུལ་བྱའི་ཁམས་དང་དབང་པོའི་བྱེ་བྲག་བསམ་གྱིས་མི་ཁྱབ་པ་དེ་དང་དེར་གང་ལ་གང་འདུལ་གྱི་མཛད་པའི་ཡོན་ཏན་ལྷུན་པོའི་སྤོ་ལྟར་མངོན་པར་མཐོ་བ་མཐའ་ཀླས་པ་ཞིག་བསྟན་པར་མཛད་པ་ལས་གྲོང་ཁྱེར་མཉན་ཡོད་དུ་མུ་སྟེགས་ཀྱི་སྟོན་པ་དྲུག་འཁོར་དགུ་ཁྲི་དང་བཅས་པ་ཆོ་འཕྲུལ་ཆེན་པོས་བཏུལ་བའི་མཛད་པའི་ཆ་ཤས་རྡུལ་ཕྲན་ཙམ་ཞིག་བརྗོད་པའི་དགེ་བ་དེ། འགྲོ་ཀུན་དོན་དུ་ཀུན་མཁྱེན་རྒྱལ་བའི་གོ་འཕང་ཐོབ་པའི་རྒྱུ་རུ་བསྔོའོ། ། ཞེས་པའོ། །

རིང་འཚོའི་སྨོན་ཚིག་འཆི་མེད་བདུད་རྩིའི་བཅུད་ལེན་ཞེས་བྱ་བ་བཞུགས་སོ།།

ཚེ་དཔག་མེད་མགོན་རྟ་མགྲིན་དབང་གི་རྒྱལ། །
མཚོ་སྐྱེས་རྡོ་རྗེ་ཐང་སྟོང་རྒྱལ་པོ་སོགས། །
ཚེ་ལ་དབང་བའི་རིག་འཛིན་ལྷ་ཚོགས་ཀྱིས། །
མི་ཤིགས་བསྐལ་བར་བསྲིང་བའི་དངོས་གྲུབ་སྩོལ། །

ཐུབ་དབང་བསྟན་པའི་སྒྲོན་མེ་འོད་པོ་ཆེ། །
གཞན་ཕན་ཐུགས་བསྐྱེད་མཁའ་ལ་རྟག་རྒྱུ་ཞིང་། །
བགྲང་ཡས་བསྐལ་བཟང་གདུལ་བྱ་པདྨ་ཡི། །
བློ་གྲོས་འདབ་བརྒྱ་དགྲོལ་མཛད་བརྟན་པར་སྨོན། །

སྐྱབས་གནས་ཀུན་འདུས་བླ་མ་རིན་ཆེན་དང་། །
ཡི་དམ་བསྟན་སྲུང་རྒྱ་མཚོའི་ཚོགས་རྣམས་ལ། །
རྩེ་གཅིག་གཡེལ་མེད་གསོལ་བ་བཏབ་པའི་མཐུས། །
སྐུ་ཚེ་ཡུན་དུ་འཚོ་བའི་དགེ་ལེགས་སྩོལ། །

——ས་སྐྱ་ཁྲི་ཆེན་སྒྲོལ་མ་ཕོ་བྲང་པ་ངག་དབང་ཀུན་དགས་སྦྱར་བ་དེ་བཞིན་དུ་འགྲུབ་པར་གྱུར་ཅིག

https://t.cn/A6WQpJbA
འཆི་བ་མི་རྟག་པ་འདི་བསྒོམ་ན། དང་པོ་ཆོས་ལ་འཇུག་པའི་རྒྱུ་བྱེད། བར་དུ་དགེ་སྦྱོར་ལ་བསྐུལ་བའི་རྐྱེན་བྱེད། ཐ་མ་ཆོས་མཉམ་པ་ཉིད་དུ་རྟོགས་པའི་གྲོགས་བྱེད། པུ་ཏོ་བས།

倘若修行死亡无常，首先可以作为进入佛法之因，中间可作为勤修善法之缘，最后作为证悟诸法等性之助伴。—博朵瓦格西