࿐ལམ་རིམ་རྣམ་གྲོལ་ལག་བཅངས་ལས།
སྒོམ་གྱི་འགོ་ཀུན་སློང་འཆོས་པ་དང་། ལམ་རིམ་གྱི་འགོ་དལ་འབྱོར། ཆོས་ལག་ལེན་གྱི་འགོ་ལས་འབྲས་ནས་ཚུགས་པ་ཡིན།ལས་འབྲས་ཀྱི་ཚུལ་འདི་སྟོང་ཉིད་ལས་ཀྱང་ཕྲ་ཞིང་དཔོག་དཀའ་སྟེ། སྟོང་ཉིད་ཀྱི་དོན་ཕྲ་ཞིབ་ཉན་རང་དགྲ་བཅོམ་པས་ཀྱང་རྟོགས་ཤིང་སྟོན་ནུས་ལ། ལས་འབྲས་ཀྱི་ཚུལ་ཕྲ་མོ་སངས་རྒྱས་ཁོ་ནའི་སྤྱོད་ཡུལ་ལུང་ཚད་མ་ཁོ་ནས་གཞལ་དགོས་པས་ན། ལས་འབྲས་འདི་ཤིན་ཏུ་ཕྲ་བས་སྡིག་པ་ཆུང་ངུ་ནས་འཛེམ་དགོས། ཞེས་གསུངས་སོ། །

༈ རང་འདོད་དགའ་བའི་ཅ་ཅོ་སྒྲོགས་པ།

གནའ་དེང་ལུགས་གཉིས་འདུས་འདྲའི་གྲོང་ཁྱེར་ཆེ། །
ལྷ་ས་དག་པའི་ཞིང་ཞེས་བསྔགས་ས་ན། །
གྱ་གྱུའི་སྲང་ལམ་ཁྲག་ཁྲིག་གློག་འཕྲུལ་གསེང་། །
མུ་ཏོ་བ་བཞིན་ཉུལ་བའི་རྒྱལ་ཁམས་པ། །

ལག་ན་ཐོགས་པ་ཀུན་ལ་ཡོད་པ་བཞིན། །
ཁ་པར་དེ་ལས་གཞན་པའི་དངོས་པོ་ནི། །
སྤྲང་པོ་ལས་ཀྱང་སྐྱོ་བའི་ཚད་དུ་ཡང་། །
ཀུན་དང་མཐུན་མ་ཡིན་པའི་རྒྱལ་ཁམས་པ། །

ཤེས་བྱའི་གྲོང་དུ་འཇུག་པའི་བློ་སྤོབས་དང་། །
རྣམ་དཔྱོད་གཤོག་རྩལ་རྒྱས་པའི་དཔའ་ངར་དག །
སྦུབས་ནས་གྲོལ་བའི་བྱ་རྒྱལ་ཁྱུང་ཆེན་བཞིན། །
མདུན་གྱི་མཁའ་དབྱིངས་གཤགས་པའི་རྒྱལ་ཁམས་པ། །

ལུགས་གཉིས་ལེགས་བཤད་རོལ་མོ་སིང་སིང་དཀྲོལ། །
གཞུང་བརྒྱའི་རལ་པ་ཉིལ་ཉིལ་ལྟག་ནས་གསིགས། །
སྔོན་ཐོན་རིག་པ་ཆེམ་ཆེམ་གཞོན་དུས་སློབ། །
ལེགས་ལམ་ལྡིར་ལྡིར་སྟོན་པའི་རྒྱལ་ཁམས་པ། །

དེ་ལྟར་རང་འདོད་བཞིན་དུ་བརྗོད་པ་ལས། །
དོན་ལ་བབ་མིན་གཙོ་བོར་བྱ་མིན་པར། །
རང་ལ་སློབ་སྦྱོང་གཞན་ལ་སྐུལ་མ་སོགས། །
ཐབས་ཤེས་ཙམ་ཞིག་ཡིན་པས་དེ་ལུགས་མཛོད། །

• གནའ་དེང་ཤེས་རིག་གི་རྒྱལ་ཁམས་པས།

དོ་ནུབ་ཁྱོད་རང་དྲན་པའི་འཕྲིན་ཆུང་འདི།
མཚན་ལྗོངས་རིང་མོ་ལྷིངས་འཇགས་ཁྲོད་ན་ཡོད།
དྲན་པ་རླུང་བུ་ནག་པོ་ཁྱོད་སར་ཤོར།
ཟླ་བ་སྤྲིན་གསེབ་བརྒལ་བའི་རྨི་ལམ་ཞིག།
སེམས་ཀྱི་གཏིང་ནས་ཡོད་ཚད་ཁྱོད་ལ་ཤོར།

ཁེར་སེམས། https://t.cn/z8Ac3wc