ཁྱོད་ནི། རུས་པ་གངས་ལས་གྲུབ་པའི་རྡུང་ལེན་མཁན་པོ་ཞིག
ཁྱོད་ནི། མགྲིན་པའི་རྩ་མདུད་གྲོལ་བའི་གླུ་ཡི་བང་མཛོད་ཅིག
ཁྱོད་ནི། བོད་པའི་རང་ཚུགས་མ་བོར་བའི་ཨ་མདོའི་ཕོ་རྒོད་ཅིག
ཁྱོད་ནི། གྲགས་སྙན་དང་རྒྱུ་ནོམ་གྱིས་བསླུ་བྲིད་མ་ཐེབས་པའི་བོད་པ་ངོ་མ་ཞིག

࿐ལྡོང་ཡོན་ཏན་རྒྱ་མཚོས།

࿑ གངས་ལྗོངས་ཁུ་བྱུག་སྔོན་མོའམ་རྡུང་ལེན་མཁན་བདུད་བྷེ་ལགས་མི་ཡུལ་དང་བྲལ་ནས་ལོ་འཁོར་བརྒྱད་འཁོར་བར་རྗེས་དྲན་དང་མྱ་ངན་ཞུ།

2016.2.27——2024-2-27

࿐རང་སྐྱོན་རི་རབ་ལས་ཀྱང་མཐོོ་བ་འདི།

བདག་གི་ཉེ་སར་ཡོད་ཀྱང་མཐོང་མ་སོང་།། གཞན་སྐྱོན་ཁབ་རྩེ་ལས་ཀྱང་ཕྲ་བ་འདི།། བདག་ལས་ཇི་ལྟར་ཁྱད་ཀྱང་གསལ་བོར་མཐོང་།།
自己的缺点比山还高，离我近的我也看不见，别人的缺点比针尖还细。 我更远就地看到了

ཐོས་པ་དགའ།

ཤེས་རབ་རྒྱལ་མཚན་འཆི་ལམ་བསྙེགས་དུས།།
ཨ་ཁུས་གཡོ་སྒྱུའི་སྤྲེལ་ལད་འོག་ནས།།
བཟོད་མེད་སྡུག་གིས་སྨག་རིམ་འཁྲིགས་དུས།།
མགོན་མེད་དྭ་ཕྲུག་ཤུལ་དུ་ལྷག་འདུག།

དྲིན་ཆེན་མ་ལོས་རེ་བཅོལ་ནམ་བཞིན།།
དགྲ་ལན་སློག་ཕྱིར་མཐུ་ལ་བསླབས་ནས།།
ཐོག་དང་སེར་བས་གྲོང་ཁྱིམ་བཅོམ་པས།།
ཨ་མ་རྒས་མོའི་འདོད་དོན་འགྲུབ་འདུག།

སྲིད་གསུམ་འཁོར་བའི་རང་མཚང་ཤེས་ནས།།
ངེས་འབྱུང་ཤུགས་རིང་ནར་མར་འབྱིན་ཏེ།།
མྱ་འདས་གྲིབ་བསིལ་གླིང་སྟེགས་འཚོལ་ཕྱིར།།
སྒྲ་བསྒྱུར་མར་པའི་ཞབས་ལ་གཏུགས་འདུག།

གཅེས་འཛིན་ཞེན་པའི་རྩ་བ་བཅད་དེ།།
ཉམས་རྟོགས་བསྒོམ་པའི་བསིལ་ཟེར་འཕྲོས་དུས།།
འཛིན་མེད་བློ་ཡི་ཀུ་མུད་རྒྱས་པའི།།
ཐོས་པ་དགའ་བའི་རྣམ་ཐར་རིང་མོ།།

ཆབ࿐ཆོས་དབྱིངས་ཀྱིས།